تطهير ولدي

[RoDriGueziYa]

السلام عليكم خواتي

حبيت استفسر عن أحسن مكان حق تطهير الولد مع السعر؟

هذا البجر وماني عارفه وين اروح فاللي عندها الخبره

لا تبخل علينا بليز ، مع العلم ان ولدي عمره 10 ايام

 

[فطومة الحلوة الجميلة]

شوفي بفحيحيل وين رد تاغ والهجان عرفتي في دكتور ينن ينن اسمه كاظم معرفي ريال كبير ومن زمان يطهر حده معروف
وماشاء الله طهاره حلو احنا وحمواني كلهم نطهر عيالنا عنده صج فظيع وينصحج نصايح حلوة من غير ماتسألينه

وان شاءالله هالمره بعد بس اولد بطهر ولدي عنده

موفقه واذا جربتيه قوليلي شرايج فيه

 

[فطومة الحلوة الجميلة]

بنفس عمارة الهجان وموذاكرة السعر اتوقع فتح ملف وتطهير ب30 شي جذي

 

[نن نوسه]

سلام يا حلوه ومبروك النون يتربا بعزكم انشالله ام شنو انقولج حمدلله على السلامه ها شلون احساس الامومه حلو وشلون الولاده حلوه خخخخخخخخ
والله انا اربع عيالي بدار الشفا والحمد لله زينين طبعا يحطوله حلقه بلاستك اطيح بعد جم يوم بس استمري على الغسول وتنقيع وامشي على الارشادات الطبيب طبعا اول يوم وبانفس الوقت راح يبجي بذات اذا وصخ اول مره بعدين عادي راح يعطيج تحاميل مسكنه ونتى طولي بالج وحاولي تنقعينه بماي وشويه ملح داقي اطيح بسرعه الحلقه واي سوال حاضره ديري بالج على ولدنا

 

[RoDriGueziYa]

مشكورين خواتي فطومه ونن نوسه على ردودكم ما قصرتو

نن نوسه ماتدرين شكثر احاتي اذا تطهر .. احاتي البجي احاتي العوار مسكين بسأل: جم يوم على ما يلتألم الجرح؟

 

[ام ريان3]

حبيبتي حمدلله على السلامه ولاتخافين وياهل عن ياهل يفرق بس غالبا اسبوع او اسبوعين