تعاالوو ادعولي

[dodiya]

قوه حبايبي شلونكم
بنات بليز ادعولي عمليتي التكميم يوم الاربعاء تاريخ 14/3
حدي خايفه وحتا اكل ماني قادره اكل
الله يسهل علي ويسر اموري يارب ق

 

[لحظات عابره]

حبيبتي تطلعين منها اان شالله وانتي متعافيه توكلي على الله وان شاالله بسهلها لج يارب ...وين بتسوينها ان شاالله وعند ااي دكتور ؟؟؟ ماقلتيلنا جم وزنج؟ وطولج ؟؟؟ ويالله تلاقين الخير جدامج وتطلعين تبشرينه أنج خلصتي هالعمليه على خير

 

[عسووووولة]

ان شاء الله تقومين بالسلامة

 

[شذر44]

الله يقومج بالسلامة يارب







رب اشرح لي صدري ويسر لي امري
لا اله الا الله ومحمد رسول الله ولا حول ولاقوة الا بالله العلي العظيم
استغفرالله للمؤمنين والمؤمنات والمسلمين والمسلمات الاحياء منهم والاموات

 

[ii DareeN ii]

استخيري وادعي ربج يسهلها لج واكلي الي بخاطرج لانج بتنحرمين جم شهر وتخيلي شكلج وانتي رشيقه وتدشين السوق تشترين كل الي تبين وان مشيتج خفت وصحتج صارت احسن عسى ربي يسهلها لج اهم شي التوكل على رب العالمين والاستخاره واختيار الطبيب الشاطر

 

[** رش رش **]

الله يقومج بالسلامة ان شاء الله و تفرحين بالنتيجة الي تبينها

 

[dodiya]

بعد عمري بنات ماتقصرون بسويها عند الهيفي بمستشفى السلام طولي 156 وزني 80

الله يسهلها علي يارب لا تنسوني بلدعاء

 

[مذهلة 78]

الله يقومج بالسلامه انشالله

بس حبيبتي حرام تسوينهااا وزنج مو وايد كبير وفوق هذا حطي في بالج انج راح تنزلين من 40-50 كيلوا وحبيبتي كتلة جسمج وايد قليله شلون رضى يسويها لج

عموما انا مابي اخرعج ولا احبطج بس في اشياء لازم تحسبين حسابها

 

[taybaa]

ان شاءالله تقومبن بالسلامه

 

[" ام حمود "]

الله يقومج بالسلامة .. ووزنج اشوفه حلو مو متينه وايد
بشرينا شنو يصير ويآج حبوبة

 

[$نرجس$]

الله يقومج بالسلاااامه

 

[dodiya]

مشكورييين كلكم
الحين الدكاتره قامو يسونها حتا حق الي وزنها 75 عادي
انا سالت جم دكتور قالي وزنج راح يصير 55 وهذا المطلوب لان صراحه صدري وايد عود وهم زنودي وبطني عقب الولاده
ادعولي خواتي مالي غيركم

 

[لحظات عابره]

حبيبتي سهالات أن شالله تفائلي بالخير والله يهون عليج العمليه ...أنتم السابقون ونحن الاحقون .... مووووووفقه

 

[سعودية عسل]

ماادري احنا ممنوع عندنا لازم فوق الميه

بالتوفيق يالغلا

بس استخيري قبل لاتسوينها

 

[am faisal]

نصيحة لا تسوينها اشتركى بنادى وسجلى بنظام الوجبات والتكميم عذاب انتى تشوفينهم نازلين بالوزن بس ما شفتيهم اول الايام معاناة بس مطرين اوزانهم فوق المية واقل شى ينزلون خمسين كيلو يعنى ما تحتاجين تغامرين قص معدة ودباسة جراحية والم استخيرى احسن والهيفى لا غبار علية ثقة بس شلون رضى يسويلك اعرف وحدة رفض يسويلها
وانا ام لمريض تكميم وعشت المعاناة

 

[توته الحـــلوة]

الله يسرلج الي فيه الخيره
اهم شي الاستخاره
والتوكل علا الله
ومن توكل علا الله ماااااااخاب
������������������������
انتم السابقون ونحن الاحقوووون
ان شاء الله

 

[PINKIA_STYLE]

الله يقومج بالسلامه

 

[دبلوماسيه الحرف]

تقومين بالسلامه ان شاءالله وفالج الرشاقه

انتم السابقون ونحن اللاحقون انا بعدج بسبوع عمليتي

والله ايسر امورنا

 

[dodiya]

حبايبي يا اغلى خوات ماتقصرون
انشاءالله نوصل للوزن المثالي
احبكم في الله

 

[اميره بكلمتي]

ان شاء الله تطلعين منها بالسلامه يارب