تعالـــــوا يا آيفونيــــــات تعالـــــوا يــا بيــــبيــــيات الموضوع خاص لكم

[EleGanZa]

السلام عليكم ورحمة الله وبركاته ..

اللي خلاني اكتب هالموضوع اهوه برودكاست وصلني أمس اعتقد وصل للأغلبيه منكم وماقول غير حسبي الله ونعم الوكـــــــــــــيل ...!!

البرودكاست ...

عن أبي بلاك بيري ( خفض الله سعر الخدمه ) قال : تواصوا ببرودكاست ، فان لم تقدروا فبرنه ، فان لم تقدروا ف ب(كول مي ) ، ...............الخ ..
رواه موبايلي وزين وصححه STC .............
(كتاب واتس اب ....)



ماكلمت كتابه بس المهم انكم فهمتوا المغزى من الكلام ..

لي هالدرجه وصلنا ..!

لي هالدرجه الاستهزاء بأحاديث الرسول صلى الله عليه وسلم ..!!!

حبيبي انت يا رسول الله لو كنت عايش بينا اليوم جان تحسرت على الحال اللي وصلناله من فساد ..! :eh_s(16):

مو ناقص الا يألفون آيات استغفرالله وشدعوه ما سووها من قبل ..!!

اللهم لا تؤاخذنا بما فعله السفهاء منا ..


رسالتي لكم يا خواتي حبيباتي ....

اتقوا الله

اتقوا الله

اتقوا الله



في اللي ادزونه وتنشرونه ..!!


ســـــــــواء ...

فيديوات فيها مسخره واستهزاء وموسيقى


راوبط اغاني

اشعار هابطه

النكت بأنواعها

صور فنانين وفنانات

الحش والقيل والقال والاشاعات ..!

اشعال الفتنه ..!



أي شي ادزينه انتي محاسبه فيه بالقبر

تخيلي كل شي كل شي راح تتحاسبين عليه على اقل كلمه انتي تحسبينها صغيره بس تكون عند رب العالمين مو هينه ..!! ولا تنسين ان في ملائكه تسجل كل شي تسوينه وتكتبينه وتشوفينه ..!

انتي مو ضامنه عمرج ..!

ليش ما ادزين شي يشفعلج بالآخره ..!

ليش مادزين شي يخلي حسناتج تزيد حتى بعد مماتج ..!


ليش ادزين شي تخلي سيئاتج تزيد حتى عقب موتج ..

ترى والله مو شي سهل ولا تستهينين بالشي ..!!

باجر راح ادورين الحسنه دوارة لا تحرمين نفسج الاجر دامج بصحه وعافيه والله منعم عليج وللحينج عايشه بهالدنيا ..

دامج قريتي كلامي الحين راجعي نفسج واستغفري للاشياء اللي دزيتيها فيها معصيه لله سبحانه قبل لا ايي يوم ما ينفع الندم ولا تقبل فيها التوبه


فكري فكري فكري

مليون مره قبل لا تضغطين ( ارسال )


وهذا موضوع اختي ترانيم القصيم

http://www.q8yat.com/t966111.html

وايد راح يفيدكم ...


ونصيحه من قلبي لكم :eh_s(17):....

اياكم والمجاهره بالمعصيه ...

الله ستر عليج وانتي تفضحين عمرج لييييييييش ..!!

الرسول صلى الله عليه وسلم قال بحديث بما معناه ( كل امتي معافى الا المجاهرين ) ..!!

يعني الله ابتلاج بسماع الاغاني مالاداعي تقولين حق فلانه وعلانه يا حلات الاغنيه او تحطينها بالتوبك ..!!

مالاداعي تشوفين فلم وتقولين حق الكل حطو القناة الفلانيه فيها فلم حلوو ..!

الخلاصه : ان أي احد يسمع الاغنيه اللي قلتي عنها او يشوف الفلم اللي تكلمتي عنه راح تاخذين اثمه .. ولما اهمه يقولون حق غيرهم وربعهم هم راح تاخذين اثمهم ...



هل انتي مستعده تتحملين وتشيلين سيئات كثير من الناس ............؟



ويارب عقب رسالتي تعيدون النظر بكل شي ادزونه .. :yaaaaaarb:





سبحان الله ... والحمدالله ... ولا اله الا الله ... والله أكبر

 

[^SwEeTa^]

صاجه

يزاج الله خير

 

[NEW WOMEN]

يزاج الله خير

 

[samyah a.o]

جزاك الله خير

 

[هزة غضا]

بارك الله فيك أختي ..موضوع مهم .
وكما تفضلتي مطالبين بالتريث قبل ارسال اي شيء..
ربما البعض يرسل وهو لا يلقي بالا ..وهنا البلاء أعظم..فكم من كملة لا يلقى لها بال هوت بصحابها في جهنم سبعين خريفا..
فكيف برسائل تحمل الكثير من المخالفات الشرعية ؟

 

[عزة وكبرياء]

لا حول ولاقوة إلابالله لهلدرجة وصلت فيهم يستهزؤؤن بالأحاديث ويتطاولون عيل شنو خلينا للغرب هذا إحنا المسلمين العرب وصلت فينا نتطاول ونستهزء على ؟استغفر الله اللهم لاتحاسبنا بما فعل السفهاء حبيبي أنت يارسول الله فداك نفسي وأبي وامي واولادي وكل مااملك ..​

 

[مرامي ذهب]

جزاج الله خير الحين كل شى يدزونه زين شين حتى المتدينات فصخو الحيا قامو يطرشون فيدوات وصور وصخه علبو ضحك الله يهديهم

 

[فلنتينو]

حسبنا الله ونعم الوكيل
لهدرجه وصلت تفاهات العالم
وتبون المطر ينزل علينا صارو يجاهرون بالمعاصي

 

[ترانيم القصيم]

حسبنا الله و نعم الوكيل و الله يجزاك خير حبيبة قلبي

طرح راقي و رائع الله يحفظك

بصراحة ما توقعت فيه ناس بهالمستوى الهابط تتجرأ و تتطاول على الدين

بكتابة و نسر مثل هالتفاهات و التجاوزات الشرعية

حسبي الله و نعم الوكيل

والله أتمنى تكون فيه رقابة من قبل جهات مختصة بحيث أي شخص يرسل برود كاست مخالف شرعيًا

يتم تتبعه و إلقاء القبض عليه حتى يكون عبرة لمن لا يعتبر

و أنا أقول الشرعة على الأهالي آللي يشترون لعيالهم هالأجهزة من دون لا تكون فيه رقابة

على البنت أو الولد وش يرسل و ما يرسل

و أغلب هواة البلاك بيري صغار على ١٢ و أقل فما يعون خطورة تداول و نشر مثل هالبي سيات

أما في حالة كانوا كبار و ينشرون مثل هالنمونة فهذي والله طامة كبرى

الناس صارت لا شغلة و لا مشغلة خلصوا من الإستهزاء بخلق الله و تداول نكت التحقير و الإزدراء آخرها ملوا و حولوا على الدين

تستهزؤون بالدين عاد يا وقحين يا آللي ما تخافون ربكم ؟ لهالدرجة وصل فيكم الإستهتار ؟

لا خوف و لا حياء من رب العالمين ؟ يقول تبارك و تعالى : { ما لكم لا ترجون لله وقارًا } ؟

حسبي الله و نعم الوكيل .. شي يحر القلب الله ينتقم من كل شخص خسيس يتعمد الوقيعة في الدين و أهله

الله يورينا فيهم عجااااااااائب قدرته ..

 

[ربي محتاجتك]

لا حول ولا قوة الا بالله
اذا المسلمين يستعبطون ويستهزؤون على دينهم واحاديث نبيهم عيل اش خلو حق الكفار
والله وصلنا لمرحلة حرجة الله يستر علينا يا ربي لا تحاسبنا عاللي يسوونه

 

[manoooram]

الله يعطيج العافيه على الموضوع
الحمدالله ما وصلني هال bc لأن اللي بتدزلي اياه شي طبيعي بكلمها وأعلمها ان مو كل شي يندز !!

أتقبل ال bc اللي يحوي الكلام الطيب اللي فيه حكم وعبر والمزح لكن أرفضه بشكل قاطع خصوصا التعدي على الله والرسول والصحابه !!

الله وأكبر لي هالدرجة وصل البعض للانحطاط والوقاحه والتجرد من الأخلاق والدين بالتعدي والاستهزاء بأحاديث الرسول ؟؟
حسافه هذي اللا مبالاة بعينها وماكو خوف من الله وغضبه سبحانه واللاوعي بأمور الدين بما يجب أو لا يجب علينا

سبحانه قادر عليهم بمحاسبتهم وعقابهم وكل من تعمد باهانة الله ورسوله والتعدي له حساب عسير بقوله تعالى :
(( إن الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآَخِرَةِ وَأَعَدَّ لَهُمْ عَذَابًا مُهِينًا ))

 

[منار البربرية]

عفوا اختي احب اقولج ان هالاشياء كانت موجوده بالنوكيا يعني البلوتوث كان​

اللي يصير فيه العن من الاي فون والبي بي ​

انا اشوف بالعكس الاي فون فتح مخ ناااس واااايد وسنعهم وانا عن نفسي ما استقبل​

البرود كاست صرت صار لي خلاف مع احد من اللي يدزون لي وحذرت​

اي احد يدز لي شي الا الاشياء العاديه لان في ناس ما تستحي على وجهها ​

وتدز اشياء استغفرالله مو صور ولا غيره بس مادري شقول​

يكون يبون يرفعون ضغطي ههههه مسوين لي نغزه بس على برود كاست​

والله ناس مريضه ههههه​

واحب اضيف بعد ايام البلوتوث والله كنا نشوف صور وبلاوي وفضايح الفنانات اكثر من الحين ​

خاصه قبل كل شي شافوه جك بوم صوروه ودزوه بلوتوث عالاقل البرود كاست ​

تصيدين من يسوويه عكس البلوتوث يكون التشهير بشكل عشوائي ما تدرين منو الي نشره ​

 

[حمرة ومحدد]

ما وصلني هال BC
بصرآحة ضاق خلقي / شي كلش مو حلو ، حسبي الله ونعم الوكيل

 

[عبالي حبيبي]

عمره ماوصلني هالمسج لابايفوني ولابلاكي

لكن الله يهديه الي يسوي هالخرابيط

والله مايخاف من الله

 

[قره عيني صلاتي]

جزاج الله خيرا

 

[gala q8]

آنآ عن نفسي واايد وصل لي هالآشيـآء بس الحمدالله ما ادزهممم .. بس الاشياء البسيطه يعني نكت عاديه مو لي هالدرجه !!

و وصل لي برودكسآت عن ان هالشيء حرام و دزيته كذآ مره ..

و يعطيج العآفيه ع الموضوووع .. ~

 

[EleGanZa]

حياكم الله خواتي ...

البرودكاست انتشر على شكل صورة احد مصور المحادثه وفيها هالكلام ..


وبالنسبه حق ايام قبل البلوتوث صح في فساد بس مو كثر الحين تطورت التكنولوجيا وكل ما تتطور الناس تستخدمها بطريقه غلط بغلط ..!!

صار شي سهل الواحد يشوف افلام وصخه وشي سهل وبسرعه يدزوله اغاني هابطه وغيره وغيره ..

هذا غير البنات اللي يهديهم يحطون صورهم ما يخافون انها تنتشر او شي لان في ناس ماتخاف ربها ...






وبنات بنبه على شي مهم


لا ادزون اي شي فيه حديث او آيه او كلام ديني الا لما تتأكدون 100% من صحته والمصدر ..

لان وايد احاديث اطلعت ضعيفه وبعضها محرفه وحتى الآيات تكون مكتوبه غلط ..

انتبهوا خواتي ..

 

[عادت ذكرياتي]

في ميزان حسناتج

 

[[[ عيون جابر ]]]

لا حول ولا قوة الا بالله

 

[شباصـه فرنسيــه]

جزاكِ الله خيييييير