تعالوا أقولكم سالفتي مع معهد إكسبرشن <<

[عــاشــقــه]

مرحبآ بنآت

شلونكم ... شخبآركم ...؟!

بقولكم سآلفتي مع معهد إكسبرشن إللي صج إنصدمت منه بعد آلمدح إللي وصله ليه آلسمآ

مو قصدي أي شي من آلموضوع بس حبيت أنبهكم عشآن أبي مصلحتكم

بنآت أنآ من زمآن قآعده أدور على معهد إنجلش عشآن أخذ دوره وأقوي نفسي

ذآك آليوم دقت على رفيجتي وقآلتلي إنهآ بتسجل بمعهد إكسبرشن وبتروح تسوي إختبآر مستوى فقآلت شرآيج قلتلهآ أوكي

بروح وأشوف طبعاً رفيجتي رآحت وسوت إختبآر متسوى وطلع مستوهآ أوكي سوت وحده كويتيه معهآ مقآبله وفهمهتآ

على كل شي إنهآ بتآخذ دوره أقصآهآ شهرين

بعدهآ بإسبوع رحت آلمعهد وسويت إختبآر مستوى وكآن سهل حيييل بس مآ إرتحت لأن مختلط وأنآ مو متعوده

آلمهم جت موظفه من جنسيه عربيه مآ أقصد آلإهآنه طبعاً وسوت معآي مقآبله قآلتلي مستوآج يعني زين قلتلهآ أوكي

قآلتلي إذآ تبين تصرين بروفيشنآل بآلإنجلش مو أقل من 6 أو 7 شهور أنآ طلعت عيوني قلتلهآ أنآ شهرين ومستكثرتهآ

جآن تقول في دوره ثلآث شهور بس مآرآح تستفيدين شي منهآ مجرد معلومآت قلتلهآ خلآص بفكر وأشوف

قآلت إنزين بقولج على آلدورآت وإنتي كيفج في 3 شهور و 6 و9 شنو تبين قلتلهآ يمكن أخذ 6 شهور

ولآ تقول لأ 9 شهور أحسن أنآ ششنو لأ مآبي أنآ عندي درآسه مآ أقدر وبعدين انآ زينه بآلإنجلش بآخذ دوره بس تقويني

بشي بسيييط لأن أعرف مستوآي توقعت شهر ولآ شهر ونص إلآ أنآ بلبل

جآن تقولي بنفسيه خلآص خلآص إخذي ست شهور وأنآ بعطيج أشيآء تسآعدج << تتمنن علي

قلت خلآص بشوف وأردلكم خبر جآن تنط متى وتبين تكتبين عقد ألحين ...؟! ششكو لأ مآبي بشآور أهلي وأرد عليكم

إهيآ متى ...؟! غصب تبي تعرف أنآ متى مآفضيت ولآ تقول لأ لأ لآزم آلأسبوع هذآ ولآ بعدين مآفي مكآن

قلت يصير خير إنشالله متى مآبغيت دقيت عليكم وفوق هذآ كنآ متفقين عن طريق آلتليفون إن نبي شعبة بنآت مآنبي مختلط

لأني مآ أرتآح ومو متعوده بس قآلوآ مآفي إلآ إنتوآ ومآنقدر نبطل لكم شعبه بروحكم مع آلعلم إن لمآ كلمنآهم قآلوآ أوك مآفي مشكله

طبعاً طلعت مصدمه حيييل وضآيق خلقي طلعوني مآ أعرف شي موليه وفوق هذآ يجذبون يقولون أجآنب يدرسونكم

صرآحه أنآ مآشفت غير لبنآنبين تقول بريطآنين وأمريكين بنآت أنآ أقولكم عن إللي شفت مآدري صج ولآ لأ

وألحين صآرلهم 3 أيآم مأذيني يدقون على مو أقل من 4 أو 5 مرآت بآليوم وأنآ صدف معآي هآلكورس إنه حيييل مضغوطه

وهآذي سنة تخرج وبقدم على آلجآمعه مآبي ألهي عن درآستي يعني كلش مآكو وقت

تقدرون تسألون عن آلمعهد بس شفت مستوى درآستهم على أكثر من وحده مآفآدهم بشي ومستوى تدريسهم مو قوي


هذآ كل إللي صآر معآي مآ زيدت بحرف ولآ نقصت وهذآ مجرد نصيحه لكم فقط لآ غير

 

[[غ ـيـڔ البڜـر]]

تسلمين يالغاليه ,,.وآنآ ودي آخذ مع ان مستواي زين بس حابه تقويه آحسن بس وآيد آنآ ودي بشهر وآحد كآفي بس وين اي معهد :s اذا تعرفين فيديني (=

 

[$$لامار$$]

عاد مادحينه لي وكنت ناويه اول ماخلص جامعه اخذ الدوره

 

[عــاشــقــه]

تسلمين يالغاليه ,,.وآنآ ودي آخذ مع ان مستواي زين بس حابه تقويه آحسن بس وآيد آنآ ودي بشهر وآحد كآفي بس وين اي معهد :s اذا تعرفين فيديني (=

حبيبتي الله يسلمج

تبين تتعلمين صح لآزم يدرسونج أجآنب وأحسسن شي بعد صدمتي آلمركز آلبريطآني أو آلجآمعه آلأمريكيه

 

[عــاشــقــه]

عاد مادحينه لي وكنت ناويه اول ماخلص جامعه اخذ الدوره

حبيبتي إهيآ بنفسهآ إللي تشتغل هنآك قآلت 3 شهور مجرد إكتسآب معلومآت يعني مو تعليم فعلي

 

[السنافر]

كنت ماخذه عندهم دوره منزمان وماستفدت شي بس كان وناسة اضيع وقت بالعطله
يمكن تغيروا الحين
اني وي اللي بيقوي لغته ما انصحه كلش بالدورات
احسن شي اقري كتب وسولفي مع اجانب بالانجليزي وشوفي افلام بدون لاتطالعين الترجمة والله هذا اللي راح يفيدج خصوصا اذا كانت انجليزيتج زينه مو كلش ميح

 

[أحبه موت]

بنات اشدعوه عليكم ذميتو بالمعهد ذم واهوه مافي شي انا الحين مسجلة فيه وصارلي شهر وبقالي شهرين الحمدالله ماشفت منهم أي شي وصج المدرسين كلهم أجانب الي درسوني واستفدت منه مع اني لمن سألت البنات اهني ماخلو شي ماقالوا عنه وذموه وضاق خلقي لأني كنت اساسا مسجلة بس مابلشت ادرس عندهم ولمن رحت شفت عكس الكلام الي قالو عنه البنات اهني يعني خلاص وحده فشلت تجربتها الباجي كلهم ياخذون فكرة مو زينه عنه يمكن انتي مافاد معاج بس يفيد مع غيرج ثاني شي الكلاسات كلها اختلاط سواء باكسبرشن ولا بمعهد ثاني انا بنت خالتي مسجلة في البرتش كاونسل اختلاط وفي المعهد الي بالشعب اختلاط يعني مو معقولة بحطون لكم بروحكم بس مدرس انا ما أشوف انها مشكله مو كثري انا تخيلي انا مو بس استحي من الشباب حتى البنات مااحب وانحرج اتكلم اذا في بنات بس عادي انا يايه اتعلم اشعلي منهم

 

[سيدة المطر]

امممم .... حيرتوني

 

[puppet]

اني وي اللي بيقوي لغته ما انصحه كلش بالدورات
احسن شي اقري كتب وسولفي مع اجانب بالانجليزي وشوفي افلام

كلام جميل

 

[Turquoiseya]

كان ودي اسجل بمعهد عشان المحادثة بس
نسيتها لأن ماعندي احد يسولف معاي بالانقلش

 

[الليدي ديانا]

انا ماخذه عندهم بالعكس وايد زين

بس انا صارلي سنه من اشتركت

يمكن تغير النظام

 

[غلا الأيام]

انا خذيت عندهم دورة التوفل IBT والدورة 199 دينار توني خلصت الدورة شهر 10 والله اني ندمت

صراحة ما استفدت منه شي وعشان الوحدة تنجح في امتحان التوفل لازم تكون من قبل شاطرة لان الامتحان صعب

والاستاذة ما كانت تشرح شي تقول لان توفل ، وساعتين بس اتخلينا انحل اسئلة الكتاب بروحنا واخر الكلاس تعطينا اجوبة البدائل

ورفيجتي خذت عندهم دورة اتقوي نفسها حطوها leavel 4 تقول قطيت فلوسي على الفاضي وما استفدت شي وتدريسهم مو قوي

 

[law girl]

الله يعينج عالحنه نفس سالفه اختي
اذوووها اتصالات

 

[مجوهرات]

وأحسسن شي بعد صدمتي آلمركز آلبريطآني أو آلجآمعه آلأمريكيه

الجامعة الامريكية تقدم دورات تقوية ؟

 

[AnnaLina]

expression men a5ra6 el m3ahed elli jarbat'ha eb 7ayati lol dont waste ur money wala ur time wallah nase7a

 

[life1]

بنات ودي اسجل بالمعهد شرايكم ؟؟؟

اا الاساس زينه فيه

بس طريقة لفظ الكلمات احتاجها

 

[vogue grl]

حبيبتي الله يسلمج

تبين تتعلمين صح لآزم يدرسونج أجآنب وأحسسن شي بعد صدمتي آلمركز آلبريطآني أو آلجآمعه آلأمريكيه

حلو بريتش كونسل كله اجانب ماكو مجال تحجين عربي وهل شي زين"

 

[ارنوبه الاموره]

Up

Up

Up