تعالوا ابيكم بكلمه راس ^_^

[ي قلبي ابتسم]

السلام عليكم

بنات انا فيني وسواس نظافه مو طبيعي كل شي بصابون :eh_s(2):

المشكله عندي بغسل الخضروات الورقيه لما اغسلها لآزم اضيف الفيري شوي واغسل فيه
واكثر الوقت تذبل معاي شنو اسوي خايفه من الامراض وخصوصا الدوسنتاريا يقولوا اغلبها تجي من الخضروات الورقيه وبصراحه اتعب على ماتستوي معاي السلطه من كثر الغسيل حتى اوراق الجرجير لو تتكلم كان طلبت النجده :krkrkr:


فيدوني بتجاربكم بالتنظيف وحفظها فرش لآطول فتره ممكنه :eh_s(10):
وخصوصا انو مقبله على حياة زوجيه ولآزم كل شي يكون ع السريع
اخاف يفنشني الريال على الوسواس ذا :eh_s(2): بليز بنات لآتمسكونها مسخرة هاذي حالتي وتعبت منها


انتظر تجاربكم

 

[M!ss CoLoRz]

استخدمي بيكربونات الصودا بدل الفيري

ضيفي قفشة صغيرة للماي وان شالله كل شي تمام

والخضرة لا تغسلينها وتخشينها

لا .. وقت اللي بتستخدمين غسلي الكمية اللي تحتاجينها فقققققققط

 

[ضحكة الدنيا]

مثل ماقالت مسس كلورز

وان شاء الله ماكو إلا العافيه

واسمحي لي انقل الموضوع لأن مو هذه مكانه
الصحيح

 

[كوكتيل عسل]

في صابون خاص للخضرة والفاكهة هو نفسه يستخدم لرضاعات الاطفال تلقينه بالجمعيه جهة اغراض الاطفال ومكتوب عليه لتنظيف الخضار وهو اورغانك

 

[جذابه بنت ذيابه]

في صابون خاص للخضروات

ولا تغسلين الخضروات الا بوقت اللي تسوين فيه السلطه او الاكل

 

[ي قلبي ابتسم]

مشكورين بنات ع الردود جزاكم الله خير

بالنسبه لصابون الخضار يعني ماراح تذبل معاي ؟؟!

راح ادور عليه واجربه

وفكره بيكربونات الصودا شلون انقعها لفترة معينها ...! ياريت توضحين حبيبتي

ومشكورين مره ثانيه على تجاوبكم

ماننحرم

 

[كويتية^_^كول]

حياتي هذا اهو معقم للممات والفواكه ماركه بيجون
وبما اني امس متعلمه انزل الصور فدورتلج صورته ؛)
هذي اهي

بس لاتوسوسين وايد مو زين! الواحد يسوي اللي عليه ويترك الباجي علي الله

 

[ي قلبي ابتسم]

حياتي هذا اهو معقم للممات والفواكه ماركه بيجون
وبما اني امس متعلمه انزل الصور فدورتلج صورته ؛)
هذي اهي

بس لاتوسوسين وايد مو زين! الواحد يسوي اللي عليه ويترك الباجي علي الله

فديت قلبك والله :eh_s(22):

يسسلموا حبيبتي وبالنسبه للوسواس طبع فيني الله يعين زين ماعقمت ابو الشباب بعد

تم حفظ الصورة وفي ميزان حسناتك قلبو

 

[PuPa^^SWeeT]

صوب الخضرة اتحصلين صابون معقم للخضروات

 

[بكيزة هانم]

مفيد

 

[اجمل دلوعة]

حبيبتي انا استخدم اللي احتاجه اغسله ورقه ورقه من ورا وقدام واحط ملعقة صغيرة خل ينظف تنظيييييييف مو طبيغي بس خليه 10 دقائق وشيليه عشان مايذبل وعوافي