تعالوا جربوا البان كيك العجيب

[mrs_sugar]

قوة بنات

اليوم جربت طريقة بان كيك عجيبة و سهلة وايد

اليكم المقادير :

2 كوب طحين ذاتي الاختمار self rising flour
رشة ملح
1 ملعقة صغيرة باكنج بودر

هذي صورة الطحين للي ما يعرفونه متوفر بكل الجمعيات

3 بيضات
1 و نص كوب حليب
نص اصبع زبدة 113 جم يعني تقريبا 50 جرام ( ذايبة )
نص ملعقة صغيرة فانيليا سائلة

تخلط المقادير الجافة اولا و تنخل
ثم تخلط المقادير السائلة ما عدا الزبدة
تضاف المقادير السائلة و الزبدة على المقادير الجافة و تخلط بملعقة خشبية

راح تلاحظون المزيج يتكتل شوي .. عادي

جهزوا صينية البان كيك و دهنوها بشوية زبدة بالفرشاة و صبوا في الحفر مالوتها خليط البان كيك على دفعات و قصروا على النار علشان ما تحترق من برة و تظل لينة من داخل
المهم
خلوا النار واطية ليما تبدأ الكيك تطلع فقاعات بعدين قلبوها علشان يستوي الصوب الثاني

اذا خلصت حطوها بماعون له غطاء علشان ما تيبس و لا تبرد
ليما تخلص الكمية كلها

تاكلونها بالهنا و الشفا عليها قطعة صغيرة زبدة و صبوا عليها عسل او مابل سيرب ( شراب البان كيك ) ام ممكن مربى بعد

عاد انتو و ابداعاتكم بالفينيشنج

عوافي​

 

[حنون المزيون]

مشكوووووووووره يا الغاليه
عاد هذيأحبها حدي ... ويا العسل شيء

 

[جارة القمر]

مشكووووووووووووووره


حبيبتي

وتسلم ايدج

 

[رفرف]

تسلم ايدج قمتي تتفنين شوقي
ودي اجرب يختي بس اللي عندي ما يشجعووون
(هذا وانا شمتني وما يشجعون لو يشجعون جان علوووووووم)

 

[kankona]

تسلم ايدج

 

[ضحـاوي]

وااااااااااااااااو وايد احب هالسوالف

تسلمين على الوصفه

 

[ضحكة الدنيا]

شكله يشوق بجربه ان شاء الله
ومشكوووووووووره حبيبتى وتسلم ايدج

 

[dalprincess]

مشكوووووره حبيبتي

 

[atooma]

تسلم ايدج

 

[mrs_sugar]

مشكورين حبايبي اسعدني مروركم​

 

[هوى الدار]

يسلموووووووو

 

[لوكريسيا]

أحب البان كيك .. سؤال عالطاير : من وين ماخذة صينية البان كيك ؟؟

بعد شؤال عالماشي : شلون تقلبين البان كيك عشان الناحية الناحية الثانية تستوي ؟