تعالوا خلونا نتناقش....

[زامليه وافتخر]

مرحبا كويتيتات شلونكم ان شاءالله الكل بخييير ومرتااح...

اليوم بنات بتناقش معاكم بمووضوع من وجهة نظرى مهم صراحه ..بنات ماابى احد يهاجمنى او يزعل على ..خلونا نستفيد من بعض ونشوف وجهة النظر ..وعطونى اسباب مقنعه..

قبل جم سنه فاتحت ابوى انى بدخل التمريض..يعنى اصير سستر.واتوظف باحدى هالمستشفياات ..

بنات تدرون شننو رد على قالى لا تصيريت خدامه..انا انصدددمت قلت شدعوا شغله شريفه ومافيها اى شى قال لا انا اعرف شى وانت تعرفين شى..المهم ظلت فى بالى هالشغله قلت خلنى اشووف الناس شلون نظرتهم..المهم قبل جم شهر امى ادخلت مستشفى تسوى عمليه والحمدالله قامت بالسلامه وعدت على خير..فى فترة دخولها طبعا انا كنت متواجده معاها..شفت السسترات الكويتيتات شلون يشتغلون ..بنات والله عادى يغيرون شراشف..وياخذون دم ..وغيره ,,وحبوبات صراحه ماشفت عليهم شى.,,رفيجتى متزوجه...تقول هذا طبعا على لسانها والله العالم..تقول دخلت بنتى المستشفى يعطونها دم ,,تقول كل شوى سستر كويتيه ناطه بويهى وشلون تضحك ..وتمايع علشان زوجها كان قاعد يمها قلت لها مستتتحيل حرام ..انا مااشوف جذى....سالت اكثر من شخص من العايله وبره العايله نفس الشى يقولون لا والله مانشجع البنت تدخل تمريض تغير عزكم الله حفاظات غير المناوبه الليليه..وغيييره..من الامووور..


المهم بنات الحين اللى ابى اعرفه ليش جذى نظره الناس مع انها شغله شريفه ومااشوف فيها اى عيب..فالعكس شغله انسانيه ..تساعد غيرها ..وتحسسه امل بالحياه مااشوف فيها اىشى....


الحين الكيبوورد لكم...شنو وجهات نظركم ..ومنو فيكم شافت لها موقف..سواء كان زين والا شين معاهم...؟

وشلون اقنع الناس انها شغله مافيها شى....

تحياااتى...
​

 

[aṕriliå]

رد : تعالوا خلونا نتناقش....

اهي كوظيفة بالعكس انسانية وشريفة

بس مجتمعنا مثل ماقلتي يعتبرها وظيفة تقتصر على الفلبينات يعني اللي تشتغل هالشي خدامة

بعدين المحترمة محترمة مهما كانت شغلتها
ومو بس الممرضات اللي يتميعون جدام الريجيل

 

[درة أهل الطولات]

رد : تعالوا خلونا نتناقش....

مجتمعنااااا ما ينظر لهااا عدل فلا تجازفين

 

[المرتاحة]

انا من رايي ان الشغل شغل ماله شغل بجنسيه ولا غيره وانا اشوف مهنة التمريض مو عيب بس انها شغله متعبه

بس اهني بديرتنا مافي تنظيم لأن الممرضات اعتقد في مستويات حسب اللي شفته بره

في ممرضات اللي يبدلون الشراشف ويغسلون المرضى

وفي ممرضات اللي تجابل المريض وتسحب له الدم و تعطيه ادويته و اعتقد هذيلا شهادتهم اعلى من الممرضات اللي يبدلون الشراشف و غيره

بعدين الطيب و الردي موجودين بكل مهنه مو بس بين الممرضات

 

[إطلالة الربيع]

رد : تعالوا خلونا نتناقش....

نظرتي للممرضات عادية
حالهم حال غيرهم
و بالنسبة لي مهنتهم متعبة

 

[خُزام]

اللي بيمشي ورا كلام الناس ونظرتهم لكل شي ما بيرتاح
خاصة بمجتمع مثل مجتمعنا الناس وايد يعممون ويحبون القيل والقال
هالوظيفة مو زينة وهالتخصص مو زين وهالكلية مو زينة وهالمطعم اللي تروحله وحده بايعتها :eh_s(3):
و و و ولا راح نخلص
آنا أشوف هالوظيفة حالها حال باجي الوظايف يمكن أحسن بعد لأنها انسانية
وهالأشكال السخيفه اللي تتمييع وتتضحك ولا عندهم حيا بكل مكان موجودين يا كثرررررهم :eh_s(4):
والمحترمه تظل محترمة بأي مكان تنحط فيه وتفرض احترامها عالناس
واللي تمشي سيده محد يقدر ينظر لها بسوء مهما كانت وظيفتها
ولو قلة نظروا لها بسوء فالخلل بعقلياتهم المتخلفة
فالوحدة المفروض تختار التخصص اللي تحبه وتبيه
والوظيفة اللي ترتاح فيها
وأكبببببببببببببر طاف لنظرة الناس ورايهم

 

[دلوعه اهلها...]

رد : تعالوا خلونا نتناقش....

يعطيج العافيه على الموضوع


تقبلي مروري

 

[عــاشــقــه]

برهـ يسسمون آلسستر ملآك آلرحمه من كثر مآ يحترمونهآ ويقدرونهآ ويقدرون ششغلهآ

بس إهني ينظرون لهآ نظرهـ سيئه مآدري ليش ..؟!

 

[كويتية و لكن]

الزين والشين في كل الوظايف المهم الانسان بتصرفاته واخلاقه

الله يوفقك

 

[زامليه وافتخر]

بنات انا معاكم ..انه هالوظيفه حالها حال غيرها..

بس نظرت الناس للوظيفه هذى بالذات ابى افهههههم ليش جذى ..؟

ودى اغير اقنع كل الناس انه مافيها شى...لا واذا سالتى وحده تقولين لها دشى التمريض ترد عليج وى علشان مااتزوج..واظل طول عمرى عانس

امبيه بنات الزواج بيد الله لا هو بيدج ولا بيد الوظيفه...انا بس حبيبت اوضح لكم وجهة نظر الناس لو وين اوصلت..بس..

 

[زمردة مشعة]

رد : تعالوا خلونا نتناقش....

والله انا اشوف انها وظيفة زينه وما عليها كلام ......
بس الله يهديهم .

 

[manhattan girl]

بالعكس ما فيها شي وظيفه حلوه جان ما سموهم ملاك رحمه

 

[Tulips]

رد : تعالوا خلونا نتناقش....

مو بس بالكويت حتى بالسعوديه .. عندهم هالوظيفه مايشتغل فيها الا البنات اللي رايحين فيها ( سوري )

مره طاش ما طاش سوو حلقة عن هالموضوع .. لو تشوفينها مسوين هالمهنه مهنة ... !!

مع ان والله مهنه شريفة و تاخذين عليها اجــــر .. بس بعض البنات يمكن اسائو لهالمهنه بتصرفاتهم اللي عممت على الكل

واصلا الدولة مخصصة لطالبات التمريض اعانة شهريه ماتقل عن 500 اتوقع لانه صج يبون مواطنات ممرضات بس للاسف مو كل العوايل ترضى ان بناتها يكونون ممرضات

 

[عناقيد الجنه]

اللي بيمشي ورا كلام الناس ونظرتهم لكل شي ما بيرتاح
خاصة بمجتمع مثل مجتمعنا الناس وايد يعممون ويحبون القيل والقال
هالوظيفة مو زينة وهالتخصص مو زين وهالكلية مو زينة وهالمطعم اللي تروحله وحده بايعتها :eh_s(3):
و و و ولا راح نخلص
آنا أشوف هالوظيفة حالها حال باجي الوظايف يمكن أحسن بعد لأنها انسانية
وهالأشكال السخيفه اللي تتمييع وتتضحك ولا عندهم حيا بكل مكان موجودين يا كثرررررهم :eh_s(4):
والمحترمه تظل محترمة بأي مكان تنحط فيه وتفرض احترامها عالناس
واللي تمشي سيده محد يقدر ينظر لها بسوء مهما كانت وظيفتها
ولو قلة نظروا لها بسوء فالخلل بعقلياتهم المتخلفة
فالوحدة المفروض تختار التخصص اللي تحبه وتبيه
والوظيفة اللي ترتاح فيها
وأكبببببببببببببر طاف لنظرة الناس ورايهم

ويااااج وحده أكبر طاااف

 

[مشتاقه لك يبا]

رد : تعالوا خلونا نتناقش....

وظيفه شريفه وانسانيه بس انا اول مره اسمع هالكلام ان الممرضه بعد ينظرونلها النظره هذي

 

[دانه البحرين 81]

صحيح أنها شغله شريفة ومالها علاقة بالسمعه لأن في كل مكان في الزين وفي الشين وهذا يعتمد بالأول والأخير ع أخلاق البنت

بس أنا نظرتي لها مثل نظرت أبوج

>التمريض والمضيفات< إشوفهم كانج خدامه تخدمين الناس

وهالوظايف ماتناسبنا ولا من مستوانا
إلا إذا تكون ممرضة في العيادة مثلا تكون مع دكتور أسنان هني مافيها لا تبدل شراشف ولا تبديل ولا غيره
أما أنها تكون صوب التنويم وتقعد تباريهم و دوامها شفتات لا والف لا


أكو وظايف الدنيا حبكت ع هالوظيفة

مو كل شيء زين معناه يناسبنا

زين بس خله لأهله مو لنا



وتحياتي لج

 

[شموع الفرح]

لحظه اول مره اسمع ان الممرضه تغير شراشف انا اختي كانت سستر والحين متقاعده ولا بقولج شي صارت مسئوله لأن يبون الكويتيه ما عمري سمعتها انها كانت تغير شراشف وتسبح المرضى بعدين حبيبتي صج هالمهنه وايد متعبه من المراجعين اللي راح تقابلينهم والوحده المتربيه وتخاف ربها تعرف شلون تخلي البشر يحترمونها بكل وظيفه مو بس السستر

 

[زامليه وافتخر]

حبيبات قلبى..شكرا والف شكر...على تفاعلكم..لهذا المووضوع..

واتمنى انه الناس تغيير..نظرتها ...لانه صرنا بمجتمع الله العااالم ..فيه...

 

[brettey]

رد : تعالوا خلونا نتناقش....

طالما انج مقتنعه بهالشي مالج شغل بالناس والله يوفقج يارب

 

[MiSsY HottY]

بالعكس حبيبتي هذيلا ملائكة الرحمة شحلاتهم تاخذين اجر على الشغل