تعالوا رجعوا لي ذكرياتي ( اختكم سعودية ولدت وتربيت بالكويت )

[أم دانه الأمورة]

السلام عليكم ورحمة اللة وبركاتة
أكيد فهمتوا من العنوان
انا سعودية مواليد الكويت . شي اقتخر فيه
درست الإبتدائي والمتوسط والثانوي بس كملت يالسعودية
طلعت من الكويت من حوالي 18 سنة ومن أيامها ما دخلتها
قبل زواجي أمي ترفض بحجة انها ما صدقت ترد السعودية بعد زواجي زوجي يقول ما عندك سالفة أحد يتمشى بالكويت.
ما تتخيلون قد ايش اشتاق لها وأحن للماضي لدرجة إني أول ما عرفت برنامج قوقل إيرث أول ما دخلت صور الكويت
اذا شفت احتفالات الكويت الوطنية القديمة لازم تدمع عيوني
تدروني عيالي دايم على بالهم جنسيتي كويتية. طبعآ انا احمد الله آني سعودية بس من كثر حبي وولائي للكويت
. اذا صارت مبارات الكويت والسعودية اتهاوش مع زوجي لأني اشجع الكويت . طولت عليكم . بس بصراحة انا تركت كل طفولتي والماضي عندكم . تكفون طلبة ردوه لي. اللي عندها صور لطالبات مدرسة نفيسة بنت أمية بالفردوس عام 1988 أو متوسطة الفردوس تحطها

 

[ســتارز]

غريبة اشلون يحطون صور الطالبات بالنت !!

 

[النجمة المضيئة]

وانا نفسج بالضبط ياعمري
اةةةةةةةةةةةةةة جتيني عالجرح
فديت الكويت واهلها
بس انا مصرية
بس انا اهلي كلهم في الكويت بس انا اللي في مصر وصارلي سبع سنين في عذاب من يوم ترك الكويت

 

[تسوآهن]

اكيد الكويت مافي منها والله يوفقكم وان شاء الله تجون زياره للكويت وكل صيف تصيفون عندنا لان صيـفنآ غير مع الغبار والرظوبه والحمدالله على كل حال والله يديم علينا هالنعمه ويديم عز ال صبآح ويحفظنا من كل مكروهــ

 

[أم دانه الأمورة]

اختي ستارز انا أقصد صور المدرسة القديمة تذكرين يوم كانوا يصورونا جماعي
يعني صور اطفال مو لازم صور بنات صور قديمة للمبنى اي سالفة عن مدرستنا زمان ترى ناظرتها كان اسمها لميعة علي حسين ههههه مو قوة ذاكرة بس عندي شهادت تفوق عليها اسمها
مدرسات الألعاب هم فتحية وسميرة و...نسيت اسمها ومدرسة العربي عايشة والدين وفاء البعيجان اللة يذكرها بالخير كانت تلبس خمار ونقاب كانت قدوة صالحة درستني في ثالث ابتدائي ورياضيات ابلة سعاد بعد درستني في ثالث هذيل الأبلتين إللي ما نسيتهم وطبعآ ابلات الرياضة لأني كنت احب الجمباز.
شكلي طولت عليكم استرجع ذكرياتي وياكم ، . ، .

 

[وحشني شوف الكويت]

الله موضوعك جميل وسواليفك جميله :* عيشتيني معاك بنفس الجو ..
الله على الذكريات بـ قد ماهي تألم إلا إنها حلوه :eh_s(2):
ما ألومك والله على الشوق هذا كله ! ومين اللي ما تدمع عينه اذا جابو طاري الكويت ؟!

اذا انا بس زرت الكويت كم مره وللحين ابكي لشوقي لها ويفز قلبي لو اشوف حتى لوحة سياره بالشارع ،، اجل انتي ايش يصير فيك :eh_s(2):

حياتي ان شاء الله ربي يكتب لي ولك روحه ع الكويت بأقرب وقت قولي آمين

!
​

 

[حبنا الله عليه]

وحشني و أم دانه
هلا فيكم
فديت أهل السعوديه
والله​

 

[وفائي سبب احزاني]

صعبه ينزلوون صوور بنات وقديمه ع النت ​

ياحبايبي فديتكم اي بنوته سعوديه تيجي الكويت امانه لعشيها برا ع حسابي >>خخخخ​

وااي يالبااكم ع الكلام اللي قلتووه ​

وماافي احد مايحب الكووويت الله يحفظنا ويحفظ الخليييج من كل شر وكل عين حاسد ..​

 

[جمال الجمال]

هلاوالله انا من السعوديه مشتركه جديدة

 

[جولينار]

طبيعي الانسان يحن للمكان اللي ولد فيه أو وتربى فيه


انا ولدت بدولة اوربية وبس مااذكر شي يعني ماعشت فيها

بس فيني ولاء غير طبيعي لها ههههههههههههههههه


واحس ماشاء الله مافي فرق بين السعودية والكويت

دقيقتين وانتي بالكويت ؟.,



بس حلو موضوع الذكريات

وهـ بث

 

[رتبه دبلوماسيه]

...............................

 

[ماضي الكويت]

ام دانة الامورة...
سعودية المكان.....كويتية الهوى...
كتبتي سطور...ولكنها ذكريات من نور...
كتبتي احساس حي لم يغيب عنك طوال ال18 عاما....لان مشاعرك صادقة وحية..
كتبتي عن الحب الاول ..حب الذكريات..حب الطفولة والصبى والمراهقة...كتبتي عن الام..كتبتي عن المكان والزمان...................
تكلمتي بلسان واحساس الالاف من يعيشون واقع قصتك واحداث ذكرياتك حتى اليوم ((وانا الاكثر والاقدم لتلك المعاناه.....ااااااااااااااااه ياكويت اااااه ياذكريات...ااااه يدانة الخليج......))
امك وزوجك وابنائك لايشعرون بما تعانين منه رغم استقرار المكان والعائلة هنا...لكن المعاناه ليس بالمكان انما بذكريات وقيمة المكان وهو الكويت....
هيضتي جراحي واخرجتي مدامعي....ويجمعنا الاخوة بالله وحب الكويت بنفس المعاناة.........
اخوك: ماضي الكويت................