تعالوا ساعدوني بغرفتي

[BaiTotia]

السلام عليكم

شلونكم؟

أنا ناوية إن شاالله أغير أثاث غرفتي

حاليا لونها بيج بخشب بني يعني لونها باهت ومليت منه

والخشب البني المحروق مو قادرة أغيرة لأن الكبتات ثابتين عرفتوا؟ وهالشي مقيدني

أبي لون مناسب معاه شرايكم

والسرير بغيرة ولازم طبعا نفس الخشب

قولولي عفية من أي محل آخذ مابي تكلفي الغرفة وايد أبي بحدود ال500 دينار

أبي ستايل كلاسيك لأن كبتاتي كلاسيك

عطوني لستة محلات فيها شغلات حلوه وناعمة وفناتك

ولون الطوفة أبي لون واحد مالي خلق لوية ولا وول بيبر

والستارة شلون موديلها؟

 

[!witcha!]

والله انا من ناحيتي احب ايكيا اختي شاريه غرفه كامله بحدود ال440 دينار في وايد شياء كيوووت وحق بنات موفقه حبي

 

[i'am THE ONE]

في محل اثاث في 360 تحت مقابل مال الدونت

اممممممم جربي اللون البنفسجي او السماوي او الاصفر

ما انصحك بايكيا صج حلو بس عسى ما تبين تدزين شيء الا تفجج معاج

 

[ريماس21]

ايكيا حلووووووو اثاثهم واسعارهم زينه

 

[درة أهل الطولات]

ايكياااا ..

 

[BaiTotia]

رد : تعالوا ساعدوني بغرفتي

مشكورين بنات

إيكيا خبري فيه من زمان ماسويت تفقد

اللي أعرفه حيل عادي

وماقلتولي شنو الألوان الحلوة

ممكن البنفسجي لأني أحبه حتى الأصفر بس ماراح يفرق عن البيج مالي

 

[نويرة الكويت]

انا اثاثي بني محروق بس موصابغه انا حاطه ورق جدران لونه فستقي ( اخضر فاتح بس مو حيل )

وطالع والله حلو

 

[@أم الصبيان@]

عندج هوم سنتر غرف النووووم عجيبه ..
مانصحج بايكيا لان مايدووم

 

[BaiTotia]

رد : تعالوا ساعدوني بغرفتي

نويرة أمممممممممم فستقي مع أي لون

أم الصبيان

لا إيكيا أعرف مو حلو

وهوم سنتر قوي أثاثهم؟؟؟؟؟؟

 

[law love]

اي ديزاين مسوي خصم اثاثه حلو بس غالي و اذا سوى خصم يطيح السعر عدل
واكيا حلوو اذا انتي ركبتي الغرفه
مم ليش ما تاخذين فراش امريكي احلى و ما يقيد مهما اتغيرين بالغرفه وو مو غالي وايد

 

[BaiTotia]

رد : تعالوا ساعدوني بغرفتي

وين أي ديزاين

والفراش الأمريكي شلون؟ هذا اللي جنه بس اسفنج؟

 

[صدر العتيم]

رد : تعالوا ساعدوني بغرفتي

اللة يهنيك بالغرفة الجديدة

 

[law love]

رد: رد : تعالوا ساعدوني بغرفتي

وين أي ديزاين

والفراش الأمريكي شلون؟ هذا اللي جنه بس اسفنج؟

اي ديزاين صوب الافنيوز. شفتي النصر يكون ببداية الشارع سوري كلش ما اعرف اوصف
اي الفراش الامريكي بس الاسفنج بس طبعا يكون له قاعده وريول
و الله وااايد حلو و مريح و يكد و ما يقيد كللش مهما اتغيرين بالدار
وعندج خيارين يا تحطينه بدون بوورد بس اتحطين كوشيات كباااار نفس الانجليز انا وايد احب هالستايل
او تحطين بورد خشب اسويه النجار و تلبسينه الخام الي تبينه ساده او مشير

 

[law love]

شخصيا ما انصح لا بالغانم و لا بهوم سنت كلششش
و انا غرفتي من اكيا صارلها خمس سنين جنه امس مركبتها حتى زلغ ماكوو
وايد ماخذين فكره غلط عن اكيا

 

[BaiTotia]

رد : تعالوا ساعدوني بغرفتي

law love

والله عجبتني سالفة الفراش الأمريكي

ترا للحين ماسويت جولتي

إن شاالله بعد العيد إذا قدرت ماني مستعيلة

وأفكر بالألوان محتارة

أفكر بالبنفسجي بس مايضبط مع الخشب صح؟

 

[law love]

انا اختي دارها بنفسجيه
طوفه و حده غامجه شوي مو واايد و الباجي فاتح
بس خشب دارها مو غامج اغمج من السنديان بشوي
مم اذا وايد غامج الخشب لازم البنفسجي فااتح

 

[BaiTotia]

رد : تعالوا ساعدوني بغرفتي

law love

مو أنا اللي ملوع جبدي الخشب الغامج

والبنفسجي الفاتح حلو

أدخل معاه أي لون؟

 

[F.L.O.N.A]

رد : تعالوا ساعدوني بغرفتي

حبووووووبه

الخشب الغامج " البني المحرووووووق" لووون راقي جدا حدي مستغربه ليش مو حابته ؟؟؟!!

احلى الالوان معاه من وجهة نظري

البنفسجي الفاتح

الليموني الفاتح

الأزرق الفاااتح

الوردي الفاتح

او اذا تحبين شي جريء شوووي تدخلين الاحمر الهادئ حلو بعد بس حق وحده جريئة شوي .

وهذي شوية صور عشان تاخذين افكار عن الالوان

^
^
مالج شغل بالغرفه لووووول بس لون الطوفه مع لون الخشب

^
^
^
هذي روعه

^
^
ركزي عالأزرق بالطووف

^
^
^
إذا تبين رايي هذا اللون مع الأبيض حدددده وااو ويكسر حده اللون البني أو البنفسجي الفاتح

إن شاء الله اكون أفدتج ... واي سؤال او استفسار أنا حاضرة

ويــاااااااااا رب تصير غرفتج احلى غرفه وتتهنين فيها يالغلا

 

[BaiTotia]

رد : تعالوا ساعدوني بغرفتي

فلونه حدج عجييييبة ماشاالله

عطيتيني أفكار وايد

البنفسجي حيل داش مزاجي

شفتي الغرفة الصفرا أنا تقريبا جذي بيجي مصوفر