تعالوا شوفوا اشلون الادراه المدرسه كلها اظلمت بنتي آآآآآه يا القهر

[الأميرة جوري]

السلام عليكم ...


خواتى ميته من القهر وشابه نااااااااااااااار اشلون بنتى انظلمت وتموا يجرونها من مكتب لي مكتب والسبب انها نفذت اوامر معلمه ....بقولكم القصه.....


بنتى بثانيه ابتدائي ...تقول دق الجرس وكل بنات اوقفوا عند الباب لان ماعندهم ابله ....ونادت معلمه بنتى من بعيد قالت روحي لصف 2/2 <<<طبعا مو صفها قوليلهم لايطلعون بعد شوي عندهم راحت ونفذت اوامر المعلمه وقالت يابنات لاتطلعون الابله بعد شوي راح تيليكم ......وحده من البنات خانقتها قالت ليش دشين صفنا طلعي يالله ...بنتى طلعت وردت صفها قومي انتى يالبنت وروحى للوكيله وقولي جذبه عووووووووووده ابله البنت فلانه دشت الصف وشققت كل كتب البنات ........... الوكيله مسكى بنتى وتحقيق وروحى وديها لللمديره بعدها اخذيها يالمديره للاخصائيه وكانت ميته من البجي تقول ماقدرت ادافع لانها منصدمه واخذيها يالاخصائيه وديها لصف واطلبي البنت واساليها وليش جذبين ما جذبين والحين بطت جبدي مو راضيه تقول التفاصيل اذا اهم طاقينها او لا ..........بنتي ماراح امدحها علي اساس انها بنتي بس اخلاق وادب وترحم وخلوقه ماشاء الله عليها اهى الوحيده من بناتي ........وزفيتها قلت اي ابله تناديج وتطلب منج شيء مو لصفج او لج لاطيعينها احتريت انتظر الاحد بروح اخانق الاداره والا اشرايكم ؟؟ اهى من القهر كله ساكته وخانقتها العبره وماتغدت راحت نامت اشك انهم طاقينها او مهاوشينها آه ميته قهر

 

[ام عفاف الكويت]

ان وصلت للطق لاتسكتين

عندج بنات اكبر ؟
خل يكلمونها البنت ماتسولف مع الام اكثر من الاخت او اللى بعمرها

 

[الأميرة جوري]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

والله يام عفاف واهي تقولي ماسكه نفسها وعيونها متغورقه دموع وقلت خلاص روحى عادي <<لانى ما ابيها تبجي وخليتها تنام بشوف المغرب يمكن تكون هاديه وتقولي او بقول لاختها اللي اكبر منها ...قهر من قلب انا عندي كل شيء يهووووووووون الا الظلم والمشكله اعرف بنتى عدل لو الصغيره اصدق لان الصغير شوي شيطانيه ام اهى مأدبه واخلاق

 

[kramilah]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

والله لو بمكانج لاروح للمدرسه
حرام يظلمووونها وانتبهي اذا طاقها احد لا يسوون لها عقده من المدرسه

 

[سكريمزا]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

روحي للمدرسه وتفاهمي معا الوكيله صج حرام تنضلم البنت

 

[m-3atboha]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

اي شي صح اي شي
مو بيكفهم يزفون البنت هاذي طفلة
روحيلهم بس و انتي معصبة لا تتكلمين بالهداوة راح يحسبونج خواففه

 

[غلاي عزوزي]

سالفتها غريبه
ليش البنت تتبلي عليها
معقوله لهالدرجه شرانيه
تأكدي وربي يوفقها علي هالعصابه
المفروض يتأكدون يطلبون شهود مو علي طول زف وهواش

 

[عشق]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

شاقه كتب البنات
حتى المينون ما يصدق السالفه
تاكدي من السالفه وروحي لهم ودشي في بلعوهم
معاها حق والا غلطانه
ونادي الابله اللي قالت حق بنتج روحي قولي حق الصف لا تطلعون برا

 

[ام كوشه منكووشه]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

الله واكبر

الله عرفناه بالعقل الحين وحده داشه الصف وتشق كتب البنات والصف فيه اكثر من 25 طالبه واقفين يطالعونها ويخلوونها تشق كتبهم هذا حجي بالله منووو العاقل اللى بيصدق هالكلام .. حبيبتي لا قعدت بنتج من النوم عرفي السالفه منها عدل وتاكدي اذا احد طاقها او لا ويووم الاحد لازم تروحين تلكمين الاداره لاتسكتين ..

 

[الأميرة جوري]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

هلا خواتى تونى سالتها تقول لا الوكيله ولا المديره قالت لي شيء بس كانوا يدزون من مكتب لي مكتب واخر شيء ودونى للاخصائيه وكانت حبوبه معاي ...وودتنى لصف ونادت البنت وقالت لي جدام البنت اللي تهمتها انتى شاقه الكتب قالت بنتي والله العظيم يا ابله ماشقيت الكتب وسالت البنت الجذابه قالت لها اهى شقت الكتب انتى شايفتها قالت لا ابله لاشقت ولاشيء قالت هذي اخر مره لج وخلت كل وحده تروح لصفها بس انا فيني حره لازم اخل البنت تعتذر لبنتى علي هالحوسه من مكتب لمكتب وبنتى تقول تبين تفضحيني خلاص لا تروحين وفوق هذا قبل لاتقوم من النوم اسمعها تصارخ خلاص روحوا <<متاثره من اللي صار لها وبنتى الكبيره تقول يمه البنات يتطنزون عليها تعالي ليش شقين الكتب واهم اصلا مايعرفون شنو السالفه....اشرايكم امهات ؟

 

[عشق]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

الاميره جوري
دام السالفه جذي انتي روحي كلمي الاخصائيه وفهمي منها السالفه وخليها تكلم البنت اللي تكلمت عن بنت

ويا راح تشوفين سوالف توها بثانيه

الله يعينج

 

[الأميرة جوري]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

عشق>>> واااي لاتحطميني انا عندي بنتى البجر بثالث بعد يعني راح اعاني انا من هالسالفه بغى يرتفع ضغطي كسرت خاطري لدرجه قامت تحلم واهى نايمه ....

 

[c00L G!RL]

تكفييييييييييييييييييين لا تسكتين عن السااالفه

بردي حرت بنتج و خل يزفون هذيك البنت

عشان تحرم تتفاول على خلق الله و تجذب

و بنتج صغيره اذا سكتي عن سالفتها و انظلمت

راح تصير خوافه طول عمرها و بينوخذ

حقها منها و بتنظلم من النااس وهي ماراح

تعرف تتصرف .. تقبلي مروري : )

 

[أم حمودي**MALL**]

ياعمري والله كسرت خاطري
حبيتي الاحد تروحين واذا ما رحتي انا بروح \
لا صج لا تخلينها بقلبها خل الشرانيه اللي تبلت عليها تعتذر منها وخل يكلمون امها وابوها عشان يشوفون بنتهم اشسوت
قطيعه البنات هالايام صايرين اشطن من الصبيان

 

[الأميرة جوري]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

تسلمون خواتى علي تفاعلكم معاي بروح الاحد بشوف شسالفتهم ....بصراحه هالشيء راح يسبب لها خوف من البنات والمعلمات والمدرسه كلها ..

 

[عشق]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

االاميره الجوري

انا ما اخرعج بس اقولج مشاكل اليهال ما تخلص لازم تصير سالفه تعكر مزاجج

انا بنتي من الحين من النوع الخواف واذا تبي تقول لي شي بالغصب ولما تقوله تقول لي ماما لا تقولين حق احد

حتى يوم ابله الانجليزي قالت لها قعدي
بنتي ما قالت لي بس قالت لي ان ابله الانجليزي زعلانه
بنتي من النوع الهادي وايد
بس اليهال يسحبونها وتصير مثلها
حتى بالبيت عيال اختي مو مقصرين واهي تحب تقلد

رحت المدرسه وسالت شنو سالفة فطوم مع مدرستها والله ما قصرت قالت لي ان فطوم من النوع الهادي وانصدمت لما شافتها مع الصبيان تسوي شطانه

انا دايم اقول لها لا تخافين من احد انا معاج واي احد يكلمج ادوس في بطنه

انتي قولي حق بنتج هالكلام علشان لا تخاف من احد بعدين يستغلونها بكل شي

 

[روانتي 12]

رد : تعالوا شوفوا اشلون الادراه المدرسه كلها اظلمت بنتي آآآآآه يا القهر

لا تسكتين عن حقج حبيبتي روحي وفهمي سالفه