حبيبتي بما ان احنا بالصيف خل ناخذ خبرة البحر (كلمة سمكة )
لهدف المعرفي : يقرا كلمة سمك قراءة صحيحة
الهدف السلوكي :ينتبه عند تناول السمك
الهدف الحسي الحركي: يحوط حول كلمة سمك او يوصل صورة سمك بالكلمة المناسبة
ابدي المنبة شكل سمكة على جهاز العرض تدرجي شكل عين لاتبينين العين خليها دائرة بس جوانبها شوي مايلة اتمنى فهمتي علي وتسألين ماهذا الشكل راح يقولون عين او مظلة او شمس او قمر بعدين حطي العين مالت السمكة آخر شي زيدي الزعانف والذيل لين يوصلون للسمكة وممكن بدون جهاز العرض تقصين ورقة اوتسوين بحر وماذا نشاهد بالبحر ممكن يقولون سفينة ويوصلون للسمك
بعدين انتي حاطة صورة سمكة في الصف في احد الاركان او على الطاولة يحضرها طفل ويشوفونها الاطفال وتضعينها على السبورة وتكلمينهم بشكل سريع من يحب اكل السمك ؟ يجب ان ننتبة عند تناول السمك لانه فيه عظام صغيرة جدا (هذا الهدف السلوكي) مافائدته من خلقة لنا يقولون الله سبحانه مارايكم ان نسمع الاية وتشغلين الاية بالمسجل (هذا الهدف الديني ) ثم توضحين لهم معنى الاية بشكل بسيط وسرريع
تكونين مثلا حاط بالارض خامة زرقاء كبيرة عليها اسماك وتحطين معاهم بطاقة الكلمة ورقة a4 مكتوب عليها كلمة سمك تقولين لقد اضعت بطاقتي في البحر بين الاسماك يحضرها احد الاطفال الله البطاقة فيها كلمة هل تحبون التعرف عليها
هذه كلمة سمك ثم يقراها الاطفال جماعي ثم فردي كل واحد ثم تضعينها على السبورة ثم مارايكم اطفال ان نكتبها على السبورة تقوم المعلمة بكتابتها اطفال من يستطيع ان يقول كلمات تبدأ بالصوت الاول س سمك سسس ممكن يقولون اساميهم سالم سارة سلمان سعد سعاد سيارة سلة وممكن تساعدينهم تعرضين صور سيارة سلة او علبة فيها سيارة صغيرة وسلة وسلحفاة
وبعدين تسوين مسابقات الكلمة طبعا اهي كثيرة وانتي وابداعاتك
وبعدين تغذية راجعة عن طريق لعبة او شخصية محببة للاطفال تدش عليهم اوتطلعينها من ورا السبورة او مسرح العرايس وتقول لهم انا توني وصلت وماسمعت شي وابي اعرف شنو تعلمتوا فيقولون لها الاطفال او مسابقة اسئلة باللي تعلموه اليوم
وسلامتك انشالله اكون فدتك واي سؤال انا جاهزة
