تعالوا شوفوا دكتوري الفاضل شنو سوى قبل العمليه

[((صاحبة السمو))]

يسعدلي مساااااااااااااااااااااااكم

مثل اي شخص يبي يدش العمليات لازم قبلها بايام ماتنامين ويتكونين مرتبكه وخايفه ومن غير التجهيزات اللي
تسوينها واعصاب الاهل معاج والمشتريات اللي تشترينها اللي اخره انتوا عارفين

اليوم السبت دخولي المستشفى انا و10 بنات معاي بيوم واحد عمليتنا السليف التدبيس دشنه المستشفى وكلنا بنفس الجناح ونصنا بغرف
خصوصيه قاعد نفرش الغرف ونظف لان الغرف كان تكرمون وصخه وعدلنا على اساس باجر الصبح عمليتنا

بعد يمكن تقريبا ساعه من دخولنا تمرنا السستر وتقول لنا مافي عمليه قلت شنو مافي عمليه وين قاعدين قالت تعالوا تحت الدكتور يبيكم المهم

نزلنا بالجراحه عند الدكتور ولا طويل العمر الدكتور م.ك من قسم الجراحه بمستشفى الصباح مطرش دكتور علشان ايقول لنا
ترى مراح يسوي لكم عمليه باجر لان الخبير السعودي اللي بيسوي لكم عمليه طرش فاكس الساعه 2الفجر واعتذر والدكتور م.ك اللي بالجراحه بدت سنويته وبيطلع اجازه

احنا من الصدمه مو مصدقين قلتله انت عارف شنو قاعد اتقول شنو يعني مافي عمليه تدري ان احنا دافعين فلوس الدبابيس وتدري ان ماخذين اجازات وخالصين تعرف شنو يعني تلعب بنفسيتنا واعصابنا

يقول ظروف وكل انسان اتصير له ظروف اي ظروف اشرح لنا الظروف متناقض مو عارف شنو يقوول واحنا متنا بجي
متأملين من هالعمليه اننا نبدي حياة يديده

وليته اعتذر الدكتور م.ك من اللي صار الحبيب مرتاح بالبيبت وقاطنا نتمصخر قلنا انزين مانبي الاستشاري ايسويها
خله اهو ايسويها م.ك مارد اهو مو عارف شنو يقول لان من الاساس مافي سبب مقنع لألغاء العمليه والله اليوم

ياجماعه بهدلونا ولا كأنه احنا بالكويت هذا يحذف ملفاتنا وهذا ايسوي لنا خروج جد جد بتحسب الله عليهم والله ياخذ حقنا يارب

 

[بنفســـــج]

والله مو مستغربة

هذه مستشفى الحكومة , يذلذوننا كإنهم متصدقين علينا

والله مو متحسفة على الأقساط إلي على ظهري بسبب عملياتي بالخاص لأن تجربتي بالحكومة بشد الزند كانت اكبر تجربة فاشلة بحياتي

حشى طراروة مو كويتيين , لو ناس من بره الكويت كانوا سووها لهم بدون ما يدفعون ثمن الدبابيس

حبيبتي ,, قولي اللهم آجرني في مصيبتي وإخلفني خيراً منها

وماعليج اكييييييييييد خيرة

 

[بنتq8]

حيااتي يمكن خيررررررررررره لج

 

[((صاحبة السمو))]

شوفي ادري خيره
لنا بس ابي احد يقنعني باللي سووه لنا ليش من البدايه ما قالوا لنا
ليش خلونا نتوهم بس عالفاضي
ثانكس حبايب قلبي على مروركم اسعدني بصراحه

 

[الزين77]

شوفي عزيزتي انا ما تفاجأت من اللي صار معاكم لاني اعرف مستوى مستشفى الصباح وأعرف الفوضى اللي في ادارته وقذارة غرفه ،،

وبعدين الدكتور مبارك الكندري جديد في هالمجال وما يقدر يجري العمليه بدون طاقم جراحي متمكن ومتمرس ،، وبدال ما يجيبون جراحين من
الخارج ،، خل يستفيدون من خبرة أكبر الجراحين الكويتيين عندنا أمثال الدكتور خالد العنزي والدكتور وليد بستكي وفهد الأصغر ...

 

[Kuwaitigirl1973]

حبيبتي بقولج ليش خيره
الدكتور اللي بسوي العملية لج كان اسمه فهد بامحرز من السعودية وييه للكويت جم مرة علشان يعلم دكاترتنا شلون يسوونها لكن اللي أعرفه لما سألنا عنه إنه ما عنده إلا بورد من السعودية ولا دارس سمنة بس ماخذها بالخبرة ، فأحسن لج يا تسوينها مع دكاترة الكويت اللي أكيد أحسن منه مثل الهيفي أو السميط الخياط العنزي إذا تبينها بالحكومة أما إذا تبين بالخاص فعندج دكتوري الصانع من السعودية لكن عنده بورد من أمريكا ومتخصص سمنة من هناك وصار له خمسة عشر سنة في هالمجال والزين إنه مو زائر موجود بالكويت وقاعد يشتغل في رويال حياة من ييه للكويت قبل سنه
بعدين آنا قريت موضوعج عن يشيلون المرارة فيها حصوات فبقولج إن إهني مهم الدكتور يكون يفهم السمنة حتى ما يقعد يسوي من مخه تدرين آنا فيني حص بالمرارة ولما بغيت أسوي العملية شرح لي الدكتور الصانع شلون العلم تطور خطوة خطوة إلى أن صار واضح لهم كجراحين إن شيلة المرارة بس للي عندهم مشاكل منها حتى اللي داشين يسوون عمليات سمنة
لكل الأسباب أول يا بنات خلكم من الزائرين اللي مو بالديرة وركزوا على الطبيب اللي يعرف السمنة عدل ويهتم بالمتابع ويكتشف مشاكل المرضى ويصلحها عن علم مو يتعلم التحسونة بروس القرعان

 

[Kuwaitigirl1973]

حبيبتي بقولج ليش خيره
الدكتور اللي بسوي العملية لج كان اسمه فهد بامحرز من السعودية وييه للكويت جم مرة علشان يعلم دكاترتنا شلون يسوونها لكن اللي أعرفه لما سألنا عنه إنه ما عنده إلا بورد من السعودية ولا دارس سمنة بس ماخذها بالخبرة ، فأحسن لج يا تسوينها مع دكاترة الكويت اللي أكيد أحسن منه مثل الهيفي أو السميط الخياط العنزي إذا تبينها بالحكومة أما إذا تبين بالخاص فعندج دكتوري الصانع من السعودية لكن عنده بورد من أمريكا ومتخصص سمنة من هناك وصار له خمسة عشر سنة في هالمجال والزين إنه مو زائر موجود بالكويت وقاعد يشتغل في رويال حياة من ييه للكويت قبل سنه
بعدين آنا قريت موضوعج عن يشيلون المرارة فيها حصوات فبقولج إن إهني مهم الدكتور يكون يفهم السمنة حتى ما يقعد يسوي من مخه تدرين آنا فيني حص بالمرارة ولما بغيت أسوي العملية شرح لي الدكتور الصانع شلون العلم تطور خطوة خطوة إلى أن صار واضح لهم كجراحين إن شيلة المرارة بس للي عندهم مشاكل منها حتى اللي داشين يسوون عمليات سمنة
لكل الأسباب أول يا بنات خلكم من الزائرين اللي مو بالديرة وركزوا على الطبيب اللي يعرف السمنة عدل ويهتم بالمتابع ويكتشف مشاكل المرضى ويصلحها عن علم مو يتعلم التحسونة بروس القرعان

 

[mahawey]

حياتي روحي عند الدكتورالاستشاري للجراحه محمد العجمي حييييييييييييل ممتاز

 

[((صاحبة السمو))]

الزين حبيبة قلبي يا الغاليه وربي البنات اللي ألغو عملياتهم معاي يبجون وحالتهم حاله انا بالعكس ضحكت وعادي
وارتحت اصلا اكثر من قبل بس القهر انه اشلون يخدعنا

 

[((صاحبة السمو))]

kuwaitigirl 1973يا بعد قلبي انتي صج كلامج ريحني بزووووووووود وخلاني فعلا انسى موضوع الصباح
لاني تخيلي قذاره نفس هالمستشفى ماشفت
قالت لي اختي صدقنين حتى لو السعودي كنسل بامكان مبارك الكندري يسويها لكم بس اهو ماله القدره على عملها ابد
يالله خيره لنا يارب ومشكوووره يا الغاليه على طرحج الوافي

 

[mahawey]

لانه باذن الله راح اسوي العمليه تددبيس المعده عند الدكتورمحمد العجمي

 

[((صاحبة السمو))]

مهاوي انا اقولج العجمي شاطر بس انا ياطويلة العمر كنت حاطه ميزانية العمليه بخاااصه بس صرررفت فلوسي
وفكرت بالحكومه صج 1200 بس اتهون على ال3الاف وشي
بس ان شاءالله بسويها عند دكتور غيره
يالله مهاااوي بالتوفيق يا قلبي وعسى الله يقومج بالسلامه يارب

 

[..فروحه..]

خيره ان شاء الله

 

[((صاحبة السمو))]

بس احنا مقررين مانسكت نبي رد اعتبار على اللي صار لنا اليوم والاهانه اللي حصلت لنا

 

[((صاحبة السمو))]

اي كلامج صحيح يا فروووحه بس حسوا بالنفسيه اللي عشناها

 

[remasq8]

لا يضيق خلقج حبيبتي و الله خيره ما تدري شنو كان ناوي يصير

 

[بساط الريح]

صح لسانج صاحبة السمو
انا كنت معاكم اليوم بالمستشفى والبهدلة اللي صارت موشوية يس لازم نقعد ونكلم الدكتور مبارك الكندري
صج تعبت النفسية اليوم بس ماقول الا حسبي الله ونعم الوكيل

 

[ToOoTi]

ياحياتي يمكنها خيرة
وعسى أن تكرهوا شيئا وهو خير لكم
استغفري وان شالله ربي يكتب لج الخير

 

[فـلـفـلـهـ]

الله يعينج

 

[الزين77]

صاحبة السمو بسألج ليش معداتج شريتيها ب 1400 وااايد

انا بنت خالي سوتها عند خالد العنزي بالاميري ب 720 دينار قبل شهر ؟؟؟