تعالوا شوفوا ستارتي و عطوني افكاركم

[تبارك الرحمن]

السلام عليكم

طبعا سويت ستارة حق غرفة نومي و اهي بالضط نفس طريقة هالكفر و الالوان


الحين ابي مساعدة شنو الالوان الي ادخلها مع هاللون اهو عبارة عن بيج مع ذهبي

عفية ابي مساعدة من الشقرديات لان حدي محتاسة ابي افكار للاكسسوارات و شنو اقدر احط في غرفة نومي احس مخي مشوش

 

[تبارك الرحمن]

رد : تعالوا شوفوا ستارتي و عطوني افكاركم

ويييييييييينكم بنات

 

[لولو 88]

اغلب الالوان تلوق على البيج اذا تبين رسمي عندج البني او العنابي وعندج دم الغزال

واذا تبينها فنكي دخلي لالوان الفاقعه احمر فوشي اذا تحبين


واذا محتاره ييبي قطع خام صغيرة عاجبينج وجربيهم والاحلى حطي

 

[مس كاليفورنيا]

اتصدقين لونج يعقد مادري جربي اللون الفستقي او المشمشي او اللحمي

 

[ضماي هو وهناي]

ما شالله حلوه الالوان اشرايج بالعناااابي الغامج .................
او اقولج البذنجاني ودخلي عليه شويه من السلفر اللي مايل للذهبي بالاكسسوارات الحين تلقينه بالهوم سنتر ينن اللون سلفر اي بس مايل للذهبي .............. عجيب البذنجاني مع الوانج

 

[الزين كويتي]

سلفر الحين هابين بالذهبي والسلفر مع بعض

 

[شطانه طفله]

رد : تعالوا شوفوا ستارتي و عطوني افكاركم

انصحج بالعنابي او دم العزل حلو يصير مع هاللون او باذنجاني

 

[donat]

اخضر زيتي يصير فخم مع الذهبي و الفضي
أو
بنفسجي او بيدياني مع الذهبي و الفضي
أو
سكري مع فضي و ذهبي

العنابي و دم الغزال حلوين بس مستهلكين

 

[عاالية]

رد : تعالوا شوفوا ستارتي و عطوني افكاركم

البلاتيني
يعني اللون الناتج من دمج الذهبي ب السلفر
أو الدرجتين الي بالكوشية
والغوامج تصغرالمساحات
وبالعافية

 

[* k *]

هلا اختي

فيه وحده تعطيك استشارات مجانيه لها موقع على الفيس بوك

مااعرف الرابط بس انتي سوي بحث في الفيس واكتبي جوري منسقة ديكور

بتساعدك ان شاء الله

 

[ام محمد الشمري]

عنابي اوو زيتي