تعالوا شوفوا غدانا محشي خضار بالتمر الهندي لذييييييييييييييذ

[أم علي الرفاعي]

بسم الله الرحمن الرحيم​

بنات اليوم مسوية محشي خضار ناااااااااااطع
صج صج كان لذيييييييييييذ :rerrerek: >> علينا بالعافية​

المهم ..​

خلونا نشوف المقادير ,,,​

بصل + ثوم مفرومين
خضار (فلفل اخضر-طماط-بطاط-جزر-بيديان-كوسا)
لحم مفروم(1جيس خزان بقري)
عيش منقوع بو ربع ساعة (جيلة وحدة عيش التموين)
صبار (تمر هندي) جيس واحد
معجون طماط
بهارات (كل الأنواع)
ملح
اشبنت​

الطريقة :​

نغسل اللحم ونحطه بالمشخل ينزل مايه
​

بنات ضغطوا اللحم حيل واهوا بالمشخل خل ينزل كل مايه عشان
لا يطلّع وااايد ماي وقت الحماس ​

نحمس بصل مفرووووم وثوووم مفرووم
​

لما شوي يتغير لونهم نضيف اللحم ونحمسه بو دقيقتين ثلاث
​

نضيف كل انواع البهارات اللي عندنا (بودرة)
تقريبا كل نوع قفشة الجاي الصغيرة (متروسة) ونحمس عدل
(هيل /فلفل اسود/ كركم/ كاري/ كمون/ دارسين نتفة/ لومي/ ملح)
​

نضيف تقريبا طماطتين مكعبات صغييييييرة ونحمس ليما يذوب الطماط شوي
​

نضيف 1/2 قوطي معجون طماط ونحمس
​

عقبها نضيف اشبنت والكمية حسب الرغبة (انا حطيت كثر الجف)
​

لحد يرد عفية بنات​

 

[أم علي الرفاعي]

الصبار نحطة بطاسة فيها ماااي حار او دافي ونهرسه بيدنا وعقب نشخله
​

ونصب شوية منه على الحمسة​

عقبها نشخل العيش ونحطه على حمستنا ونخلط الكل
​

وبجذيه حشوتنا جااااااااااااااهزة
​

طبعا ننظف الخضار ونحفرها عشان نحشيها بحشوتنا​

أول شي نصف حلقات بطاط بقاع الجدر
​

وعقبها نصفف الخضار المحشية
​

نييب طاسة الصبار ونحط عليها 1 معجون طماط وقفشة الجاي فلفل اسود وملح وطبعا
نزيدهم ماي بو قلاصين ...
​

ونصبهم ع المحشي ونضيف شوية دهن
​

نسكر الجدر بغطاه وعالجولة يا معلّم ،،،،،،،،،،،،،،،،
​

نعلي عالنار ليما يغلي
وعقب نحط الجدر على نار هادية تقريبا ساعة​

وهذا شكل جدرنا بعد الساعة
​

واهني نجبنا وكلينا وتذكرت اصور خخخخ
​

والحمدلله والشكر ع النعمة الفضيلة​

 

[بلبله سعوديه]

حبيبتي ماشاء الله على هالطبخه الطيبه وتسلم اليادي طبعا انتي ما ضفتي مكعب ماجي يعني ممكن نستغني عنها والله يقويج

 

[أم علي الرفاعي]

^
^
^
الله يسلمج يالغالية
وفعلا مو محتاجة مكعب الماجي ..

 

[ضحكة الدنيا]

شغل عدل ام علي
تسلم ايدج
وعليكم بالعافيه

 

[Moon touch]

تسلم الايادي بالهنا والشفا

 

[جارة القمر]

يم يم يم يم يم




تسلم ايدج




رووووووووووووووووووووووووعه

 

[امـونه]

تسلم ايدج

 

[أم علي الرفاعي]

حياكم الله

 

[ABEER FLOWER]

ماشاء الله

مبين عليها روووعه

تسلم الأيـادي وبالعافيه​

 

[صابرة رغم الجروح]

رووووووعه يا ام علي

تسلم ايدج

 

[عاشقة لندن]

رووووعه ان شاءالله بجربه

تسلم ايدينج حبيبتي

 

[أم علي الرفاعي]

جربوه

انصحكم فيه (المحشي)
وبقوووووووووة

سهل وحده لذييييييييذ

 

[روره]

تسسلم ايدج حبيبتي

 

[ركووزه]

تسلم الاياااااادي

 

[عتآق الخيل]

ما شاء الله
تسلم الايادي .~

 

[آلعناآأ]

‘



ماشاء الله تبارك الرحمن

يهببببببببل احسه ناااااااطع من الصوره

على طول بالمفضله و بجربه اكيييييييييييييد


تسسسسسسسسسسسسلم ايدج

 

[zaaraa]

تسلم اييييدج شكله لذيذ​

 

[أم علي الرفاعي]

تسلموووووون بنات


وبصراحة صج لذييييييييييذ


انصحكم بالتطبيق

 

[أحلى همبه كويتية]

ام علاوي وبعدين معاك على هالتعذيب
توني اشوف موضوعك

عليكم بالعافية ويسلمو الأيادي اللي اطبخت وصورت


بس ليش ما تستخدمين العيش المصري
انا عندي احلي من عيش التموين
والا اشرايك ؟؟؟
​