تعالوا شوية خلني اسولفلكم عني وعن زوجي وابي حل

إنضم
6 مايو 2010
المشاركات
53
مستوى التفاعل
0
النقاط
0
السلام عليكم

بنات انا صارلي سنتين متزوجة وعندي ولد

بنات زوجي حيل عصبي المهم مشاكلنا كلها بسبب عصبيتة

بنات زوجي ادري انة يحبني ويموت فيني بس ما يبين هالشي انا احبة واموت فية وهو يدري وانا مبينة له هالشي عشان جذي يسوي كل شيب وهو مطمن ويدري انة قلبي طيب

بنات زوجي ما احسة رومانسي

يعني انا دايما اقولة اول ما تطلع من البيت تعال وبوستي واحضني مرات يجي ومرات ما يجي ومرات انا اركض وراة لي الباب عشان ابوسة ولو نزل ما باسني اسوي مناحة واقعد ابجي

بنات زوجي ما يقولي احبج عمري قلبي روحي ما يقولي هالحجي يقولي استحي انا خلاص تعودت على هالوضع

الحين حتى البوسة ما يبي يعطيني اياها وهذا واحنا توني صارلنا سنتين حتى لما اكون عند اهلي ما يدق علي انا اللي ادق تخيلو حتى يقولي يلا يلا اخلصي مشغول اقولة لا بس ابي اطمن عليك يعني حتى ريج حلو ماكو

بنات ما ادري شسوي معاة وشلون اغيرة ابية يحبني يبوسني يكون بينا تواصل لو على الاقل بوسة

وزوجي لي عصب ما يقرب صوبي ولا يحضني انا اروح واحضنة واقرب صوبة واسويلة راسة
وما يقولي شي يسكت بس احس اني قاعدة اسوي حق طوفة ما يحس

جم مرة اقولة بس نتهاوش ولو انا الغلطانة وجيت تأسفت خلاص انسى الموضوع وقطة ورة ظهرك وتعال ولمني وحضني بس لا ماكو يقعد ممكن يوم كامل مضايق ومتنرفز

بنات انا قاعدة اقول لو البوسة تسسبلي مشكلة ما ابيها بس شلون ما يبوسني يعني بس يوم يطلع من البيت انا ما قتلت ابية يبوسني 24 ساعة

بنات منو زوجها نفس زوجي وهل تغير وشلون غيرتية

بنات زوجي لما نتهاوش واخلية وما اقرب صوبة احس يعني شوية ينسى الموضوع ويرخي وما يفكر بالموضوع وهو قالي بس اعصب وخري عني ولا تجين صوبي لما انا ارخى اجي بس يقعد يعصب يومين او 3 واجد الصراحة

انا بس يعصب اقرب واحضنة انا تفكيري يقول انة ممكن انا انسية الموضوع

بس مو عارفة شلون اتفاهم مع هالزوج

حتى لما نكون متهاوشين ما اقصر معاة بشي كل ما قال سويلي شي سويتة من اكل من ماي يعني الطلبات اليومية

بنات زوجي ما يحب يسمع مني اي شي يعني دايما هو الصح وانا الغلط ابي اغير فية هالشي يعتبر اني مالي كلمة

اقل شي قتلة ابيك بس تعطيني بوسة اول ما تطلع من البيت وما يعطيني يعني يبي اللي براسة يمشي وانا لا بس اكرف واهتم فية وفي ولدة وانا مالي اي كلمة بس يبيني اقول حاضر ان شاءالله

شلون اخلية يحبني شلون اخلية يعطيني بوسة بدون لا اقولة ويقولي كلام حلو شلون اخلية يحضني مو انا اللي احضنة شلون اخلية يسمع وجة نظري

بنات والله زوجي زين ما فية شي ويحبني واحبة

بس المرة بطبعها رومانسي وهالامور تهمها

سااااااااااااااااعدوني

بنات ادعولي زوجي يحبني ويموت فيني ويسخرة لي
وادعولي بعد يصير خاتم بصبعي ههههههههههههههههههههه ودي بس لو مرة اجرب هالشي
 
التعديل الأخير:

منوووووله

*عضــوة شرف في منتديات كويتيات*
إنضم
10 يونيو 2007
المشاركات
21,105
مستوى التفاعل
9
النقاط
0
الإقامة
عند بقالة 77
حبيبتي انتي عودتيه على هالشي


1 _ اذا طلع لاتروحين له ركض مثل كل مره قعدي ابمكانج .. عشان يحس انج تغيرتي وراح تلقينه من نفسه يقول اشفيها اليوم !

2 _ اذا طلعتي لادقين عليه خليه على راحته .. راح يستغرب انج مادقيتي مثل كل مره راح يدق من نفسه ويقولج عجبه مادقييتي

3 _ اذا عصب خليه بروحه وقعدي بدارج وكلميه عادي وحاولي انج تلطفين الجو من غير ماتقربين وتبوسين راسه او تكونين يمه ,, راح يحس فيج تغير وين اول لما كنتي ترضينه وين الحين مخليتني وماسألت ..


حبووبه الريال مايحب المرا الي تعطيه كل شي كل شي مره وحده راح يقول تحبني وتموت فيني واذا زعلت بتراضيني وموحلو هالشي

حتى لو كنتي غلطانه غصبن عليج راح تراضينه ! مو حلوه جذي لازم تحسين بنفسج ماودج اهوا اي ويبوسج من نفسه قبل لايطلع ؟

ماودج يراضيج اذا شافج زعلانه ؟

ماودج يدق عليج اذا كنتي برا اكيد ودج بهاذا كله .. فسوي الي قلتلج عليه تغيري عليه راح يحس اهني على دمه ومن نفسه راح ا يلج ويسوي كل الي تبينه ..
 

Tom ♥ Jerry

*مساعدة مشرفات قسم المشاكل الاجتماعية*
إنضم
24 مايو 2010
المشاركات
19,810
مستوى التفاعل
11
النقاط
0
العمر
33
الإقامة
Faiilcha
الموقع الالكتروني
WWW.Q8YAT.COM
.


مع منوووله ؛*
 
إنضم
13 أكتوبر 2010
المشاركات
11,013
مستوى التفاعل
2
النقاط
0
الإقامة
فقيدي الخالد
حبوبه ازواجنا مستحيل يعشوون علي هالوضع الرومانسي
لانهم تعودا علي هيك وضع من يوومهم

والله يهديج تبجين وتسوين منااحه لانه نزل ماباااسج

لا انتي شكل المسلسلات التركيه ماثرره عليج

خخخخخخخخخخخخخ
 

بتبوتااا

**مشرفة قسم الحياة الزوجية**
إنضم
9 مايو 2007
المشاركات
31,271
مستوى التفاعل
15
النقاط
38
الإقامة
 المهبوله 
منووله اختي كلامها درر ونفس الي كنت بقوله وان شاء الله بعد فتره نسمع انه صار خاتم وتراجي لج بعد ياقلبي :)
 
إنضم
19 مارس 2011
المشاركات
148
مستوى التفاعل
0
النقاط
0
زوجي نفس زوجج بظبط بس البوسه يعطيني مرات بدون لا اقوله توه من الحين
والله حسيت فيج يا عمري جنج تكلمي ع لساني بس انا مليت من طبائعه وما قمت اهتم لاني اعرف بعد كل هذي المده مستحيل يتغير تعودت عليه خلاص
 

البنفسسسج

New member
إنضم
13 أبريل 2009
المشاركات
114
مستوى التفاعل
0
النقاط
0
الله يسخره لش احنا يالحريم رومنسيين ونبي الرجال نفس الي بالمسلسلات
اذكر مره تابعت مسلسل وضحى وابن ابن عجلان شوي وابكي اقول ليش ما يسوي فيني نفسها
هذا انا مهتمه فيه ويحبني واحبه بس ليييييييييييييش مايطلعون مشاعرهم ماااااااااادري هذي
والله احنا مساكين بس نبي كلمه حلووووه كلمة يعطيش العافيه ياعمري
تنسين كل التعب انا اقول الرجال الحين بخيلين رومنسيه مو فلوس
 

ســتارز

New member
إنضم
6 يناير 2008
المشاركات
7,680
مستوى التفاعل
8
النقاط
0
الإقامة
درة الخليج .. الكويت
بنات زوجي ادري انة يحبني ويموت فيني


سااااااااااااااااعدوني

بنات ادعولي زوجي يحبني ويموت فيني

الحين اهو يحبج وتدرين انه يحبج ويموت فيج ليش تبينا ندعي لج حتى يحبج ويموت فيج !

المهم اذا هذي مشكلته فهي مشكلته اهو لانج وراه وراه فجي عنه شوي خليج غامضة

خليه يستغرب من تغيرات شخصيتج و باذن الله يشتاق لج
 
إنضم
5 أبريل 2010
المشاركات
764
مستوى التفاعل
0
النقاط
0
الإقامة
q8
مابي أسد البيبان بويهج..

تخيلي انا عروس ما سمعت كلمة حبيبتي.. >> والله ولا كلمة

وللحين ما يقولي ما يبوسني.. >> يعني مو مثل باجي الرياييل..

كنت قبل ما يطلع ابوسه.. الحين شنو اسوي تتوقعين >> خخخخخخخ

قبل ما يطلع اقوله فلااااااااان تعال شوي ابيك.. ولما يقرب أقوله وين بوستي.. تعال لمني

واحاول اتخيل انه اهو اللي يبي يبوسني مو انا اللي قايلتله..

طبعا انا اناديه لأن اهو مو عصبي .. ولأنه يدري انه مقصر معاي بهالناحية..

فانتي مادري.. كلميه اذا شفتي رايق قوليله .. قبل ما تطلع عطني بوسه.. مو تنسى انا ما راح انسى.. ويمكن اسوي نفسي ناسية بس ترا صج ماراح اذكرك..

اذا باسج >> اوكيك الخطه نجحت
اذا ما باسج>> همن لما يهدى كلميه بما ان زوجج عصبي..

قوليله حياتي ما بستني اليوم انا وايد احبك ماقدر يمر يوم وشفايفك ماتيي علي >> ومن هالكلام

طبعا انا زوجي كل ما ابي ابوسه شيقولي>> يقولي صكيتي على ياسر عرفات >> الله يرحمه
يقولي انتي فيج فقر بوس؟؟ اقوله اي >> لازم ادقره >>>>>>>>>>>>>> جني قلت قصتي

موفقه حبوبه
 

CheeSeCaKe

New member
إنضم
4 ديسمبر 2005
المشاركات
393
مستوى التفاعل
0
النقاط
0
العمر
43
زووزوو الكويتية

اختي العزيزة ..

انتي شرحتي مشكلتج وعرضتي الاسباب بنفس الوقت .. يعني كأنج تقولين بكل تصرف آنا السبب ..!!

السالفة وما فيها أن زوجج درس طبعج وشخصيتج بس انتي ما قدرتي اتسوين مثله ..

زوجج عرف نقاط ضعفج بس انتي لاء ..!!
يعرف متى ياخذ منج ومتى يعطيج بمزاجه
ويعرف متى يزعل ومتى راح تراضينا ...
ويعرف انج راح تسألين عنا ..حتى لو طنشج ..

لأنج سلمتيه الخيط والمخيط ..

تقدرين اتحبين زوجج وتموتين عليه .. وتخلينه يا دهينه لا تنكتين .. لكن بنفس الوقت اتعرفين متى تعطين ومتى تمسكين .. ومتى تطلبين وتقولين الكلمة بالوقت المناسب ... ومتى تراضين ومتى لازم اهو يراضيج ..!

حلو انج تصارحين زوجج بالشي اللي تحبينه ..لكن اذا ما سواه .. يمكن لأن انتي قلتيله .. في رياييل ما يحب تحسسينه بأن أفعاله كانت ناقصه ..!!

بعدين حبيبتي مو لازم الريال كل ما يطلع يبوس .. ترى هالشي نادر ..بين فترة وفترة اوكي بس كل مره تفقد طعمها ..

شلون تبينه يقول كلام حلو والا يشتاق .. والا اييج ويلمج ويبوسج .. إذا انتي 24 ساعة تسوين هالشغلة ..

الريال .. إذا تعود على شغله ... مثل الياهل يبيها على طول مثل ما اهي وإذا مل تمرد ..!!

لكن إذا حس أن الشخص ما عطا وي وطنش تصرفاته ... راح يتسائل .. وراح اييج لي عندج ..

لكن مو تسوينها وانتي منفسه .. يعني طنشيه كأن الحياة حلوووووووووه ..

اهني راح يندقر !!

لا تحسسينه انج راح تكونين تعيسة بدونه حسسيه ان حياته حلوه وانتي فيها ..

بعدين الزواج ترى مو كله رومانسية .. وطول ما حسستيه ان اهو شغلج الشاغل .. بتكون شغله مو لصالحج ..!

واتمنى وصلت الفكرة :)

موفقة حبيبتي