تعالوا علموني شسوي باجر

[shjoon]

صباح الخير يا احلا بنات سهرانيين باحلى منتدى



خواتي انا خذيت اجازه السبت والاحد اللي طافوا ,,,ويتنا موظفه يديده وصلني خبر انه البنت قعدوها (البنات اللي مايحبوني) مكاني ,,,ابي اعلمكم ان قسمنا مجرد غرفة صغيره واحنا 12 موظف وموظفه وكل واحد له مكتب

يعني الموظفة الجديده مالها مكاااان كلش ولاراح يكون الغرفة ماتتحمل مكتب ثاني ,,,اذا دشيت الصبح ولقيتها قاعده على مكتبي شسوي ,,,انا ما ابي ازعلها او اضايقها وبنفس الوقت ما ابي تاخذ مكاني

تخيلوا انكم مكاني شراح تسوون ,,,,

 

[علولي]

عادي حبي
بكل احترام اسلم عليها
واقلها ان هذا مكتبي
وهي اكيد عارفة ان هذا مكتب احد مو خالي

 

[shjoon]

والله ما ودي تزعل ,,,اخاف اذا قلت هذا مكتبي ع بالها اطردها ,,

 

[علولي]

لا بالعكس ماراح تزعل
اذا تكلمتي معاها باسلوب هادي وحلو
وبعدين هذا مكتبكي وفية اغراضك يعني وين بتروحي؟؟؟

 

[shjoon]

اذا ناديت البغالي وقتله هات كرسي وقعدت جمبها ,,,تهقين غلط ,,,اخاف اسويها ,,شكلي استحي

 

[علولي]

لا مو غلط هذا مكتبي ومن حقك
خلي الهندي يجيب كرسي
وهي اكيد بتحس على دمها وتقوم
بعدين ليش تستحين تاخذين حقك
انتي ما تطرين منها
الظاهر انا بكرة بداوم معك
ههههههههههههههههههه

 

[عاشقه رويشد]

قوليلها انه مكانج بس باسلووب حلو واهي اكيد بتفهم وبتروح

 

[shjoon]

حبيبتي علولي تسلمين ياقلبي ومشكوره على تواجدج وكلامج الطيب

انا المفروض احط هالموضوع بقسم المشاكل الاجتماعيه والظاهر هذا مب مكانه ,,,

مشكوره علولي جزاج الله خير وربي يسعدج

 

[shjoon]

تسلمين عاشقة رويشد على المرور والمشاركه جزاج ربي خير

 

[..حدي كلاسي..]

أنـا مـاشـوف فيهــا شي إذا قلتي لهــا هـذا مكــتبي !

بـس طبعـاً الأسـلوب بالكـلام يفـرق يـعني غـير لمـا تقـولين لهـا هـذا مكـتبي وانتي معصبـة

وإلا تقـوليـن لهـا هـذي مكـتبي وأنتي تبتـسمـين وتكـونيـن مسلمـة عليهــا ومـرحبـه فيهـا

يـعني بأسـلـووبـج وطريقـتج بالكـلام راح تخـلي البنـت تقـوم وهـي تـبتـسم لج

عــلوولي إذا بـداومـين معـاهـا أخـذيني ويــاج <<--- تحـب الفـزعـة خخخخخ

 

[shjoon]

حدي كلاسي يا حلوكم وحلو فزعتكم ربي يخليكم لحبايبكم

ادري السالفة تعتمد على الاسلوب ,,

ابي شلون يكون هالاسلوب ؟؟ يعني هلا فيج وحياج الله اختي ,,, ان شاء الله ترتاحين معانا ,,( وهي قاعده على مكتبي ومافكرت تقوم )

اطالعها واطالع الكرسي انتي قاعده على مكتبي ترى ما يغلا عليج ,, شنو بعد اكمل شكلي بخورها

خاصه اذا ماعندها احساس ولا تفكر تقوووووووووووم ياربي اخاف عوبه ,,

 

[shjoon]

بنات انا حاطه الموضوع بقسم المشاكل الاجتماعيه,,, ياليت في مشرفه تدمج الموضوعين

 

[• قلبه نصيبي •]

حبيبتي بدش واسلم عليها واكلمها واقولها باسلوب حلوو ويييه عجبج مكاني وقعدتي فيييه
والله لو مو متعوده علييه جان عطيتج اياه فدوه لج بس تعرفين التعود ومايسوي وقعدي مكانج او قولي لاي احد
اييب لها كرسي وطاوله
لو كنت مكانج بسوي جذي

 

[خــجــولــه]

اختي تعالي مبجر وقعدي مكتبج

عشان بهالطريقه ماتنحرجين

 

[غلا الغوالي]

وين عايشين مكتبك ويجلسسون عليه وحده ؟؟؟؟؟؟؟؟؟؟؟؟؟؟؟؟؟؟؟؟

سلمي عليها ياقلبي وقولي لها باادب هذا مكتبي ياقلبي


وبث

 

[ورد ابيض]

بشرينا شيصير معاج

 

[pretty sarona]

روحي الصبح و قعدي بمكانج و كأن شي لم يكن

 

[نونه111]

وحي مبكر وجلسي في مكتبك

يمكن اهم مجلسينها مكانك مؤقت

اهم شي بشرينا

 

[shjoon]

رحت الصبح اول مادشيت خذيت فره براسي محد غريب ,,,,ونااااسه مالي خلق احرجات اليوم

قعدت بمكتبي سألت اللي جمبي وينن الموظفة الجديده ,,, قالت يمكن استأذان ,,, اشووه وفرت على الموقف المحرج

مشكورين بنات على المشاركه والمرور
الأخوات
قلبه نصيبي

خجوله

وغلا

ورد ابيض

سارونه

نونه111


شكرا" شكرأ" حبيباتي لكم احترامي وتقديري

 

[عاشقه القيصر]

الله يعطيج العافيه حبوبه .
كنت بقولج روحي مبجر بس لقيت الموضع من امس:$