تعالوا علموني شلون افتح صالون نسائي

[Be colorful]

السلام عليكم ورحمة الله وبركاته

شلونكم بنات شخباركم انشالله بأحسن حال

انا حابه افتح صالون نسائي انشالله اذا الله يسر ادري الاغلبيه يبي يقولون حرام
بس للعلم انا مابي اسوي فيه اشياء حرام مثل ( حف الحواجب - تركيب شعر وغيره )

انا ابي افتح صالون مابي ابدي بشي كبير لا صالون عادي متواضع مثل ملوت عماير المسيله عرفتوهم
يعني مو صالون فخم لا صالون الاعمال اليوميه العاديه

بس عندي جم سؤال ماني عارفه لهم جواب وببدي معاكم وياريت تفيدوني
1- الصالون جم يكلف ديكوره وتجهيزه ؟
2- صاحب العماره اللي بأجر فيها إذا درى ان انا بفتح صالون بعمارته يأجرلي الشقه أغلى من السكن ؟
3- العماله ابيها فلبن وهنود جم رواتبهم ولا على العموله واذا على العموله شلون الطريقه ؟
4- اوفر سكن ومواصلات حق العماله ولا بس مواصلات ؟
5 - اقامتهم تصير على الصالون ولا شلون ؟
6- جم يطلع بالشهر الصالون يعني تقريبا ؟
7 - واطلع رخصه جديده ولا أأجر ؟
8- وشنو العقبات اللي تواجهني ولازم اتفاداها؟

واتمنى بنات تردون علي الله يعافيكم سواءا على الخاص او هني على راحتكم
انا سألتكم لأن مابي اسأل وحده عندها صالون مباشره لأن عبالهم حاسدينهم وماتقول الصج
طبعا انا راح اصلي استخاره واذا الله يسرلي بتوكل على الله وبسوي

ومشكورين ماقصرتوا مقدما

 

[♥ąϻᴑŁ♥]

ماعندي فكرة ,,

ان شاء الله البنات يفيدونج

 

[Red Strawberry]

1- الصالون جم يكلف ديكوره وتجهيزه ؟


حسب تبين شي بسيط من 1000 الي 2000


2- صاحب العماره اللي بأجر فيها إذا درى ان انا بفتح صالون بعمارته يأجرلي الشقه أغلى من السكن ؟


اكيييييييييييييييييييد

3- العماله ابيها فلبن وهنود جم رواتبهم ولا على العموله واذا على العموله شلون الطريقه ؟



على الراتب اذا على العموله يناشبونج على كل فلس والراتب من 80 الي 180

4- اوفر سكن ومواصلات حق العماله ولا بس مواصلات ؟



ولا شي تسكن مع زوجها وتيي بتاكسي والي بالكويت كلهم عندهم سكن


5 - اقامتهم تصير على الصالون ولا شلون ؟



على الصالون لان الشئون تحاسبج اذا مو على اقامتج


6- جم يطلع بالشهر الصالون يعني تقريبا ؟



هذا توفيج من الله ما اقدر افيدج


7 - واطلع رخصه جديده ولا أأجر ؟


طلعي رخصه ارخص تكلفج 300 احسن من تدفعين هالمبلغ كل شهر الي يؤجرون مو كويتيين


8- وشنو العقبات اللي تواجهني ولازم اتفاداها؟




خلي الصالون نظيف وبعماره نظيفه وفي مواقف واذا تقدرين اخذي دور ارضي لان العمارات اغلبها فيها ريحه




نصيحه اخيره: الشغله مو سهله عذااااااااااب ومسؤوليه فكري وايد ترى بتصيرين مكرسه كل وقتج للصالون وتنسين حياتج



موفقه

 

[Be colorful]

شكرا حياتي ماقصرتوا

 

[Be colorful]

up

بلييييييييز بنات ابي ردود اكثر بهالموضوع

 

[Be colorful]

مرحباااااااااا بنات انا صرفت النظر عن الموضوع مده والحين رجعت
ياريت تفيدوني اكثر
انا حدي خايفه وايد وايد مادري شسوي
انا قلت بدايتنا يمكن ما يطلعلي الصالون آخذ بالعموله احسن يمكن ما اقدر ادفع راتب ثابت
فالبدايه
انتوا شرايكم ؟

 

[غربــــة اِحساس]

الصراحة ماعرف

بس عجبني اصرارج انه يكون متابع للشرع بعيد عن فلوس الحرام مثل حف الحواجب

عسى ربي يرزقج من واسع فضله

وان شاء الله اذا افتتحتيه سوي له دعاية بكويتيات

 

[أغلى الأثمان]

للرفع

 

[brownness]

خوش اسالة انا مفكرة انة اذا توظفت ودي بصالون او اي مشروع حلو بس يناسبني اكثر صالون

ماعندي فكرة عن اسالتج بس انشالله البنات يفيدونج

 

[أوهـ وردية ـام]

انا فكرت بهالمشروع وااااااااااااااايد بس قلت اشلون اذا صالون يعني اكيد بيكون فيه حف حواجب يعني اللعنه بتنزل علي في كل وحده تيي الصالون وتسوي حف !! وبنفس الوقت احس مايصير صالون بدون حف .. فكنسلت الفكره مع انها بخاااااااااااااططري

 

[Be colorful]

انا مابي آخذ فلوس حف الحاجب
الزبونه اللي تبي كيفها تقول حق الحفافه ويتفقون انا مالي شغل بعيد عني
يالله بناااااااااااااات نبي ردود اكثر

 

[* بنت المطر *]

اذا الله وفقج وبطلتي صالون وتبين خبيرة تجميل كويتيه راسليني

بالتوفيـــــــــــــــــــــــــــــق

 

[الــــراسيـه]

ماعندي فكره

 

[Be colorful]

اب اب اب اب اب

 

[مروقه على الكوفي]

للرفع

 

[fditne]

أنتي نفس حالتي بالضبط..والكل رددني

وحاليا افكر بمشغل..والله يوفق

 

[حبيبه العلي]

ممكن افيدك لكن انتظريني شوي عندي خلفيه كبيره

والله مشغوله حيل ولا كان فصلت لك لان كنت بهالمجال

اخاف انسا لكن ذكريني

 

[shayomi]

الله يوفقج يارب وانا بعد قاعده افكر بهالمشروووع ويريت احد يفيدنا اكثر

 

[الجودي]

السلام عليكم

الغاليات اول شي لازم تسوون دراسة جدوى و دراسة سوق

دراسة جدوى يعني دراسة الارقام التكاليف و الاجور و الاصول

و دراسة السوق دراسة الموقع كم صالون يمج في مصافط والا لا يبين سهل الوصول له

المنطقة فيها صالونات والا لا جذي

واذا تبين دراسة انا حاضرة

 

[الانهار]

السلام عليكم الموضوع مشوق بس للاسف صار عنددنا صالونات ومشاغل وااااااااااااااايد لازم يكون المشروع شغله ثانية لان الكويت طفحت من المشاغل والصالونات