تعالوا علموني ما اعرف : نزل مني سائل شفاف هذا ماي الجنين ولا شنو تكفون طلبتكم

[Ghaima]

السلام عليكم

بنات ضروري ردوا علي الله يفرج عليكم

انا خلصت التاسع داشة العاشر وفاتحة 2 سانتي بس ونزلت مني سدادة الرحم طبعا

كانت تنزل معاي افرازات واعرف شكلها

اليوم وانا قاعده فجأة حسيت كأنه اسويها على نفسي وانتوا بكرامه

رحت شيكت ولا بقعه سائل شكبرهاااا بملابسي الداخلية

الافرازات اللي قبل تطلع معاي عادية ما توصل انها تدمر ملابسي

وريحته غريبة مو ريحة كريهه يعني بس فيه ريحة بسيييطة يالله اشمها وغريبة حيل اول مرة

اشمها وانا من يومين بادي معاي عوار بالظهر ومغص بس بسيط ويشتد شوي بس خفيف عرفتوا

طمنوني للحين ينزل معاي يمكن 3 مرات اغير والحين بروح اغير

كلمت دكتورتي تقول اذا دمرج ووصل لفخوذج احتمال يكون ماي البيبي

بس انا اللي بعرفه هل هو افرازات بس ؟ لأن اول مرة اذا افرازات هل دمرج مثل الماي يعني

وشفاف فهل في نوع من الافرازات جذي شكله ؟ وفجاة ينزل تحسين جنج مسويتها على نفسج ؟

وسؤال ثاني انا بجر فهل لازم ماي البيبي يكون وياه دم او بكمية كبيرة؟ ومنو وهي بجر نزل معاها

ماي البيبي بكمية بسيطة وعلى فترات كل ربع ساعه مثلا ؟ وهل ولدوها على طول ولا شلون ؟

عفية علموني ماعرف وخايفة حيل على البيبي ؟؟ ومتى اعرف انها حزت ولادة

عادي ينزل ماي البيبي وانا ما احس بطلوق ؟ او طلق خفيييف حيل ؟

عفيه علمووووني تكفووون :eh_s(2)::eh_s(2)::eh_s(2)::eh_s(2):

 

[Ghaima]

تكفووووووون ردوا علي طلبتكم

 

[دنيا صغيره]

الله يقومك بالسلامه ويسهل لك امرك.... روحي المستشفى احسن لك لان قد صارت معي كذا وبعدها بساعه بس بداء الطلق .... الماي ينزل كانك ( عزك الله ) تتبولين وتحسين مو قادره تمسكين نفسك .... روحي تطمني

 

[@ام يوسف@]

الله يهون عليج وتولدين بالسلامه

 

[Ghaima]

مشكووورين

دنيا انتي كان ينزل عليج سائل بكمية قليلة؟ شقالوا لج امي والدكتورة قالوا نطري

 

[دنيا صغيره]

في البدايه نزل شي بسيط لكن بلل ملابسي الداخليه بس .... وبعدين رحت المسشتفى لاني خفت وسبحان الله في الطوارئ نزل بكميه كثيره وتخوف صارت ملابسي كلها مبللوله مثل البزر اذا سواها على نفسه ....لما شافتني الدكتوره على طول على غرفه الولاده ..... انتي روحي لان خلاص هذي اول مرحله الولاده .... تقومين بالسلامه ان شالله وبكره باذن الله مثل هالوقت تردين لنا وتقولين وش جبتي

 

[وتين قلبـي]

هذا ماااي الجنين


الحين الحين روووحي لاتهملين نفسج ترا مو من صالحج ولا صالح البيبي

 

[وتين قلبـي]

والله يقووومج بسلامه


وطمنينا عنج

 

[عُجآج !]

يآعمري عليج .. آلله يوفقج .. طمينني عنننج ..

عسآآج عـ آلقوة .. آلله يسهل علييج يَ رب ..

 

[احمريكه]

الله يسهل علييج يارب ماعرف بجريه مثلج بس اتوقع هذا ماي البيبي لانه في حريم ينزل معاهم شوي شوي مو شرط دفعه وحده ودام انتي بشهرج راجعي الطبيعي احسن لج والله يقومج بالسلامه انتي والبيبي

 

[احمريكه]

الطبيعي = الطبيب
ههههههه مانخلص من البدليات

 

[Meeesh]

أتوقع هذا هو ماي الجنين
روحي علامة ولاده

 

[Meeesh]

الله يسهلك يارب

 

[ام الحلوااات]

ولادة عـــــلــــــى طـــــوووووووووول عــــلــــى الـــمـــســتـــشـــفــــى
اللــــــه يـــهـــــووون عــــلـــيـــج ويـــقــــومــــج بــــالــســـــلامـــــه

 

[Ghaima]

بنات انا للحين ما رحت للطبيب خايفة اروح والله

وانا شاكة لأن ما احس بألم أو عوار فعادي يكون ولادة ؟

منوووو صار لها مثلي عفيه ابي اللي صار لها مثلي شنو قالوا لها وكم كان رحمها مفتوح ؟

وامي قالت لي نطري احسن يمكن يعذبون وكلمن دخل يفحص وتتعورين من تعبثهم فما ادري خايفه على البيبي

انا ان شا الله مراجعتي اليوم العصر بس ابي وحده مجربه او تعرف هالسوالف تعلمني

 

[afrah2010]

يا حبيبتي لا تسكتي علي نفسك
انا صار فيني نفسك كان ينزل علي ماي شوي شوي
كل يومين ثلاثة زي بقع وكنت اطنش وكنت مخلصة تاسع وداشة عاشر
وفجأة بطلت احس بحركة جنين ف زاد خوفي ورحتي مستشفي الصباح
وفحصوني طلعت بس فاتحة سانتي
بس قالي دكتور بساويلك سونار وبس شاف انصدم قالي تولدين باسرع وقت وعطاني طلق صناعي
قلي المي نازله منك ما في مي عند الولد ابدا ،،، قلي كيف ينزل منك بقع وخلصتي تاسع وما تيجي مستشفي
انتي حتروحي الولد منك بسبب اهمالك ،،،،،،،

 

[afrah2010]

وانا مثلك كان طلقي باااارد اقول ليش اروح ما في الم ولا عوار ولا نزلت ماي
بس لما رحت صباح قالولي خلص انتي خلصتي تاسع وحجزوني
واخدت طلق صناعي والحمدالله ولدت طبيعي
نصييييحة لا تسكتي روحي ع اقل سوي سونار
..

 

[Ghaima]

حياااتي والله ان شاء الله بروح كلمت دكتورتي وقالت ضروري تجين قلت لها طلقي بارد قالت اشربي دارسين وتعالي على الساعه 1 ويسون لك فحص وتخطيط

دعوااااتكم ببجي من الخوف

 

[english muffin]

انتي شلون ساكتة لحين !!!!!!
اي لاتخافين على روحج عالاقل خافي عالبيبي
حتى لو ماافي شي
حتى لو مب طلق
عالاقل تتطمنين عالياهل !!

 

[LiL MaMa]

انتي من صجج!!!!
حسبي الله على بلييسج يالله قوومي روحي الطبيب الولاده مافيها انطر موعدي
و مو شرط اييج عوار و تصارخين عشان تولدين
انا صار فيني جذي نزل ماي حسين انني قاعده اسويها على نفسي
و لما رحت و الا ماي البيبي ناقص وااايد و ولدوني على طووول
روحيي يا حبيبتي عسى الله يهديج و يسهل عليييج