تعالوا قولولى مخطط رحلة حق فندق لمدة يومين نبي برنامج متكامل ويوسع الصدر حياكم

[فطيرة]

بنات رفيجتى بتحجز فندق حقهاااا اهى وريلها تبي مخطط رحلة من والى وين تروح وشنو تقترحون عليها اهى بتحجز ليلتين بفندق بس مموعارفة شلون تنسق جدولهااااااااااااااااا من سينما وغيرة خصوصا انها تبي تغير جو عدل لانها مضغوظة صح يالله شدوا حيلكم وووعطونى ااافكار لها ولزوجها وين يروحون وشنو يسوووووووون بلييييييييييز بالتفصيل الممل ولاتنسون بس لمدة يومين

 

[ام فجور 2008]

حبيبستي كل على حسب الفندق يعني يطل على البحر او لا نظام الفندق شلون

 

[برميت]

خليها تروح دول كوست ..يمدحونه وايد و اسعاره مناسبه ..ولا تروح هيلتون ..في قعده بره اتينن مع هالجو ...ولا تروح روتانا ..علشان تحس انها مسافره و تروح سينما الكوت و تتمشى بالمنشر و تروح المطاعم الي على البحر هناك
و اذا عندهم جاكوزي ..تروح محل لاش مال الصابون الي ب 360 تحت ..و تشتري بابلز و صابون مساج ..و تنثر ورد في البانيو مع شموع و تتسبح مع ريلها ...
عقب تزهل ناشيلز و جبن و عصاير و تقول حق الفندق ايوبون لها صحن حق الناشيلز و يسخنون الجبن و قلاصات حق العصير ..و تشوف فلم حلوو و لا مسرحيه ..تقدر تغير ديكور الغرفه ..و تخلي السوفا مجابل التيفي و تطفي الليتات
و تقدر تروح مطعم و سينما و تتسوق مع ريلها
اذا ريلها يحب الالعاب الزوجيه تقدر تشتريله شي يديد و يلعبون و يغيرون جوو
و ان شاءالله تغير جو و يستانسون

 

[روعة خيال]

انا ريلي حاجزلنا يومين بفندق المارينا بس انا تقريبا عارفة مشوارنا يعني الصبح ان شاء الله نقعد بالمارينا كريسنت نتريق و بعدها نروح للمارينا مول نودي بنتي لقيم ويز نلعبها شووي بعدين نتسوق و اخر الليل نروح للسينما الحمدلله بنتي تندمج في السينما مو نفس باجي اليهال ما شاء الله عليها

و اليوم الثاني مخلينه ع البركة لووووووووووول

 

[MZajEyA]

انا اقول لو تروح فندق روتانا المنشر او المارينا هذيلا حلوين لان تنزلين تتمشين بالسوق
و في سينما و في مطاعم .. و الحين مدام الجو حلو مثلا تقدر تحجز بالمنشر و لي دخلو الفندق طبعا الدخول الساعه 2
فــ حزه غدا .. يتغدووون و يتسوقون بالمنشر و الكوت و بعدين يردون الفندق يريحون و بالليل سينما و عشا بمطعم
و ثاني يوم ممكن يتغدون بالمطعم و و عقبها يقعدون بكافيه على النافورة اللي بالكوت اتيييييييين مع الجو العجيب
و بالليل تكون مسويتلها جو بالفندق بس مو كله طلعات اول يوم راحت سينما ثاني يوم بالليل تكون يايبه معاها فيلم او مسرحية او شي يحبونه
و بس خلصووو الليلتين ..

طبعا انا ما تحجيت عن الريوق لان احب ريوق الفندق عشان جذي اتوقع ريوق الفندق حلو و هم لو كانو يبون يتريقون بالكافيهات هم حلو


اما بالمارينا انا اقولج ممكن انها تدخل الساعه 2 و يتغدون بمطاعم المرينا عدي و خربطي اشكثرهاااا و انا افضل فرايديز و بعدين ممكن تسوق او تمشي بالمارينا .. و اتوقع عند المارينا في طراريد اذا يبون ياجرون و لي ردت عقب الطراد عشا رومانسي و يقضون الليلة بالفندق
و اليوم الثاني يروحون سينما و عندج بعد جوكلت بار حلووو وااايد و مزاااج ممكن يروحن له
و المارينا احلى ماعندهم الجاكوووووزي روعة و هم تقدر تاخذ معاها افلام او مسرحيات و ككاو و هالحركات


و علييييييييهم بالف عافية