تعالوا مدحولي التلفونات الي جربتوها..

[Big Bubble]

السلام عليكم ورحمة الله وبركاته


اول مرة ادخل هالقسم خخ >> من عصر النوكيا

يعني انا يديدة على عالم التلفونات الذكيه.. الوالد والوالدة عندهم سامسونق جالكسي ووايد يمدحونه
واخوي صار مغير بلاكبيريين يعني اخذت نظرة عن كل جهاز بشكل عام

مادري انا ودي ببلاك بيري عشان رفيجتي عندها بس ماعرف وايد ناس عندهم اياه عشان نسولف بال بيبي ام
شي ثاني حسيت انه طاح سوقه الحين هابين بالايفون والجالكسي ومحد ياخذله بلاك بيري وهو مجرد هبه هابين فيها وبتروح << مادري احس
وغير انه وايد يعلق ويخرب وبطاريته تفضى بسرعه<< تراني للحين متعوده على بطارية النوكيا الي تقعد بالاسابيع
بعد شي ان البيسيات الي تتطرش كلها تنزل بالفيسبوك والتويتر يعني مو هذا غرضي من البلاكبيري

اما راييي بالجالكسي احسه عادي ماشفت شي غلط فيه بالعكس

اما الايفون سعره شوي مقيدني.. بعد مافيه بلوتوث :bbbiu:

فـّ ياليت توصفون لي الاجهزة الي جربتوها او اهلكم جربوها ومدحولي الجهاز الافضل عشان اشتريه
وشوكران جزيلان لكوم :eh_s(7):
​

 

["~FOoFOo~"]

ايفووون وبس

 

[ميـــم]

شوفي رايي بشكل عام انا جربت كل انواع الاجهزة
ونصيحة مني توكلي على الله واخذي آيفون الجهاز قوي وحلو وكل شي فيه سهالات
البلاك بيري احسه سوالف يهال حق الجات بس اما الايفون كل البرامج اللي تبينها فييه
وو الله يوفقج

 

[عيون امل]

هلا بنات انا الحمدالله جربت الايفون والبلاك بيري عاااادي لليهال بس ومسجات التكررهاما في خاطري اغير واخذ جالكسي

 

[A S M A]

SIII
تصويره حيل قوي
وفيه نفس برامج الايفون وزياده عليه البلوتوث

ويصير جهاز راوتر والكل يقدر يشبك منج

واذا حابه الـ BBM حملي بالـ SIII برنامج محادثات pMessenger

والشاشه حجمها متوسط اكبر من الايفون واصغر من النوت
وفيه مميزات اكثر من جذي سوي بحث بقووقل

 

[زيتونا]

والله شوفي انا جربت هالتلفونات وشفت مميزاتهم

اممم البلاك بيري حلو الي فيه ال bbm والكل يعررف حتى وانه حلوو حق الجات
وللسوالف وهوا يونس تتسلين فيه بسرعه


اما الايفون انا اشوفه احلى واقوى جهاز لانه فيه كككل شي وبرامجه رووعه منها الاذاعات
والفوتوشوب التصوير والاسلاميه وتواصل الاجتماعي بعد وشاشته وكاميرته هم حلووه
والي تبينه على الايفون تلقينه موجود


اما جالكسي انا ماعجبني غير الجديد اس 3 لشكله وشاشته الوااااو بس الجالكسي هما
ماخذين من مميزات االايفون ومميزات البلاكبيري وافكارهم بعد


امممم الي انصحج فيه ايفون بس عيبه انه شحن يخلص بسرعه

 

[A5tsloom]

انصحج بالايفون

بالتووفيق

 

[أم يزيد &سديم&]

جالكسي اس تو ولا بلاش
نصيحة وحدة مجربة

 

[أم يزيد &سديم&]

بعدين برامج المحادثة الواتس أب والتانقوا واللاين والفيبر والفيس بوك وتويتر
موجودة بالايفون والجالكسي

 

[αησмα]

انتي نفسي محتاره بين الايفون والجالكسي مودري شنو اخذ

 

[جذابه بنت ذيابه]

شوفو يالغوالي

انا مجربه الايفون والبلاك بيري

روووعه يقعد عندج سنين ما يخرب الا اذا طاح طبعا

اما الجالكسي عند اختي صج تمدح شاشته و تصويرره قوووي بس بسرعه يعلق و يطفر الواحد !
كشكل بس واذا بتبعينه ما يجيب لج شي


الحين الكل هاب بالجالكسي بس انطرو ينزل ايفون ٥ يقولون روووعه

 

[جمانـا]

جهازي جلاكسي نوت رووعه بالتصويروالالعاب وتصفح النت
بس الماركت لج عليه مافيه برامج حلووه مثل الابل
الى الان مافيه احلى من الايفون

 

[الحلا مني يقوطر]

هلا اختي

انا جربت البلاك والايفون

الايفون حلو وكل شي فيه وماتملين منه بس بالبدايه بيكون صعب عليك ومعقد شوي بس بعدين بتحبينه
فيه برامج محادثه وفوتو وتصفح نت والعاب وكل شي من المتجر
عيبه البطاريه تفضى بسرعه والشريحه لازم تقصينها وماتركب الافيه

البلاك بس ميزته البيبي اذا عندك ناس كثير مسلي اما غيره مو حلو ويعلق ولاينفع للبرامج الكثيره حت التصفح مو شي
وينفع كجهاز ثاني

الجالكسي ماجربته بجربه قريب ان شاءالله
بس انه حيل مقارب للايفون من ماحيه البرامج وتصفح النت
يتميز عن الايفون بان سعره اقل وفيه بلوتوث وشريحته ماتتوهقين فيها اي شريحه تركب فيه مو نفس الايفون

فنصيحتي ابعدي عن البلاك اذا تبين البرامج والتصفح وخليك ع الايفون والجالكسي
وانا اشوف الجالكسي 3 او ايفون 4