تعالوا نتكلم عن كل شئ يشغل الفلوس

[مطفوقه^ملقوفه]

قوووووووووووووه بنوتات حلوات كويتيات

أبي يهالموضوع نتكلم عن المشاريع بشكل عام يعني أللي قاعده تفكر بمشروع ممكن كلنا نتعاون علشان نحط دراسه حق المشروع ونقدر تكاليفه
واللي تتعامل بالأسهم أو المحافظ يليت تدش تعلمنا بالأخبار وتعطي فكره لو مختصره عن اللي ما عندهم فكره بطريقة التعامل بالأسهم
ويليت اللي عندها فكره عن المحافظ بسوق الأوراق الماليه تعطيني فكره شامله عنها لأن مفره أتعامل بالمحافظ
وأنا عندي جم مشروع راح احطلكم دراساتهم بس مو الحين لن يبيلهم قعده وأنا تعبت شوي
بس اللي حاطه ببالها مشروع معين تقوله واللي مو حاطه ببالها تقدر راس المال اللي بتشتغل فيه وأحنا نفيدها أنشالله
في موضوع بعد لاقيته عن دراسة مشاريع بس بحول العملات بالكويتي أنشالله واحطه

بنات تره هالموضوع مو سهل ومتعب وانا بعطيكم كل تعبي وكل جهدي والله لني أحبكم بالله واعزكم خوات واكثر يليتكم كلكم تتعاونون معاي وأنشالله بيكون الموضوع مفيد للكل وينفع ونحتسب الأجر لله

 

[bnt_kwt]

مشاركة: تعالوا نتكلم عن كل شئ يشغل الفلوس

والله حبيبتي مطفوقه خوووش موضوع
بالنسبه لي انا مفكره بأتليه بس متردده
يعني انا اذا ابي افتح لي اتليه لازم اخذ قرض من البنك بمبلغ وقدره
ولازم اتفق لي مع مصمم و خياطين وخياطات على الاقل 4 مبدئيا عرفتي يعني المشروع قائم
بس يبيله دراسه اكثر وهم بعد فكرت اييب اغراض من بره وابيعهم والحمدالله جربت الشغله والحمدالله مربحه بس
انا متزوجه يعني ريلي مزاجي يوافقني مره ومره يصير ضدي فهالشي خلاني افشل ولا الحمدالله مره وصلت لي بضاعه من الصين مسعره من صاحبتها وقالت لي انا ابي من اتبيعين لي ياهم بالمبلغ اللي انا حاطته تبين تاخذين فايده عليج بالعافيه
والحمدالله الله وفقني وايد بالبيعه لي درجه اني انا مو تعبانه بالبضاعه حصلت لي من وراها مبلغ وقدره وقلت حق صاحبه الحلال واستانست علي وايد بس والله ما ادري ابالي اكثر من مشروع ومحتاره

 

[.]

مشاركة: تعالوا نتكلم عن كل شئ يشغل الفلوس

الله يوووفقكم ......

 

[مطفوقه^ملقوفه]

مشاركة: تعالوا نتكلم عن كل شئ يشغل الفلوس

هلا رونه
علامج ما تتجارين معانا؟؟؟؟

بنت الكويت
موفقه أنشالله
أنا مفكره بمشروع بس قوووووووووووووووي حده مده وماراح ألاقي تشجيع من الأهل فيعني بشتغل بروحي لين أوصل لذروة الصعوبه
المشروع لو أقولكم عنه تضحكون الا بتموتون من الضحك
أنا أبي أصنع منتجات بماركه أنا أنقي أسمها للعنايه بالبشره
عندي المكونات وكي شئ والغرض المهم منها (طبيعيه 100% بس تحتاج مواد حافظه + غرضها للتبييض وتحسين البشره)
ولأن وايد بنات وحريم بالخليج عموما محتاجين البياض بشئ طبيعي وما يثقون بالمنتجات العربيه ففكرت أعرض الفكره على شركه منتجه بره الكويت أمريكيه أو أوروبيه أعطيهم طريقة المنتجات أهم ينتجون منها عينات ويحطون مواد حافظه ويجربونها أذا نفعت ينتجون كميه أكبر ويوزعونها طبعا اذا الدوله أجنبيه طبيعي بتتوزع عندهم أول وبعدين الخليج
بس هذا يبيله شغل وتعب حتى أهلي ما قلتلهم الفكره
أنا قاعده أدور وأشتغل بروحي أدور شركه زينه متنتجه وموزعين ومصنع ووووو هذا شركة الأنتاج أهي تتكفل فيه بس ممكن يطلبون مني أسافر وهذي الوهقه بس لو تنجح أوووووووووو يصير طق مطاقق
وتره حتى كريم التبييض سويت منه واينن وبيضني بس المشطله أن المكونات طبيعيه فبسرعه يخترب عرفتتي
وتونيك وأعشاب بخار وميلك وسنفره وماسك وطريقه بدال كريم العيون فكرتها غريبه وتهبل وكلها مكونات طبيعيه أنا أستخدمتها
بس العين بصيره والأيد قصيره



بنات يليت اللي تعرف شئ عن المحافظ تفيدني

 

[المرفأ~~]

مشاركة: تعالوا نتكلم عن كل شئ يشغل الفلوس

ودي اشتري محل واجره في سوق توه فاتح ..
بس شلووون...؟
اللي عندها فكره ياليت تفيدنا ..

مطفوقه منتجات العنايه بالبشره احس صعبه تتوزع
وماتسوى لو وحده مانفعتها قانت وقالت
بضاعتها مو شي ووو فليش ماتدورين مشروع مضمون.؟
والاهمـ ماعندي فكره عن مشروعج ومابي احبطج
ويمكن الله يرزقج من ورى هالشغله ..
استخيري وشوفي اللي يناسبج
والله يكتب اللي فيه الخير
بالتوفيق

 

[.]

مشاركة: تعالوا نتكلم عن كل شئ يشغل الفلوس

انا يااااطويله العمر ما احب هالسوووالف اب اتخرج وثمن اتزوج وايبي عيااال ان شالله وحتى شغل مااابي اشتغل......

 

[نشـــامي]

مشاركة: تعالوا نتكلم عن كل شئ يشغل الفلوس

مطفووقه
تقرين افكاري
انا وحده على طول افكر بالمشاريع وببالي 100مشروع ولا واحد قادره اسويه لان كلهم يبون راس مال اكيد مو كبير لاني مو من مأييدين المشاريع اللي تبي راس مال كبير خسارتها تكسر الظهر وأنا توني متخرجه من الجامعه يعني ماكو راس مال

بس بحااااااااول كثر مااقدر

بخصوص مشروع مواد التجميل وهالسوالف خوووووش فكره بس غيري فيها شوي انا كنت مفكره فيها يعني بالبدايه سويها بالبيت ووفري خدمه توصيل للمنازل مثل هالحريم اللي يبيعون هالخلطات او اتفقي مع اي محل يكون موزع لج ويبيعلج واذا قصدج عن المواد الحافظه روحي سألي بالصيدليات والمختبرات او اي احد تعرفينه يدرس هالسوالف أنا سمعت ان بودره المسك ماده حافظه

موفقه
انا راجعه وبقولكم مشروعي القادم اللي محد مشجعني عليه بس غصب بشتغل فيه

 

[Dancing^Queen]

مشاركة: تعالوا نتكلم عن كل شئ يشغل الفلوس

انا باريي من صج
وحاليا من قلب قاعده افكر فيه وااااااايد
يا اني اشتري شقه بمصر او دبي وااجرها علي الطلبه
يا اني اضمن محل
ويردلي ربح شهري كل شهر وافتك

 

[مطفوقه^ملقوفه]

مشاركة: تعالوا نتكلم عن كل شئ يشغل الفلوس

شمعة ليل ياس

محد يدري من وين ربه بيرزقه العبد يسري وربج يسري معاه

رونه لا تفكرين بهالطريقه فكري بمستقبل باهر تره النفط ما بقاله شئ ويخلص
باقيله 139سنه وبيخلص من وين بتوكلين احفاد أحفاد أحفاد احفادج خخخخخخخخخ

نشامى
الله يوفق الجميع وانا تره أشجع البنات دامهم توهم صغار يشتغلون بصحتهم وتفكيرهم واعي ومخهم نشيط
الكبار ما يفكرون مثلنا وبالحركه بركه
قولي مشروعج واحنا نعين ونعاون


كوين
فكرة الشقه حلوه لو تحطينها للأجار طول السنه ما عدا الصيف طبعا لازم تأجرينها على كويتيين مو مصاروه ولا جنسيات ثانيه
ومن الأجار تروحين تقعدين فيها تتونسين 2في 1 دخل شهري ووناسه وسفر بدال مخاسير الفنادق والأقامه
أو تيمعين أجار الشقه وتفتحين محل

والله يوفق الجميع

أول مشروع لي ببيع ميك أب سعره رخيص بعدين هدوم طلعه بلايز وبنطرونات وأندر ويرات وأكسسوارات وحزم وهالسوالف

ومن ربح الثاني بأصمم دراريع مشروعي وحلمي الكبير وادش معرض
يعني الفكره ابدي براس مال صغير مشروع عنونو وبالربح أكبر المشروع وبالربح احقق مشروعي الحلم
والله يسهل ويوفق الجميع دزولي أهلكم وييرانكم ربحوني خخخخخخخخخخ
لأن مابي آخذ مبلغ وقدره من الوالده أبي أعتمد على نفسي والله يسهل أنشالله

 

[.]

مشاركة: تعالوا نتكلم عن كل شئ يشغل الفلوس

الله يوووفقكم بناات ويسهل عليكم

مطفوئه تعااملي مع كوومارخخخخخخخ اتغشمر الله يووووفقج ويسهل عليج......

 

[مطفوقه^ملقوفه]

مشاركة: تعالوا نتكلم عن كل شئ يشغل الفلوس

رونه سويلج شئ لو بسيط بهالفتره بدال القعده معطله علشان ما تتمللين

 

[ms_darkdream]

مشاركة: تعالوا نتكلم عن كل شئ يشغل الفلوس

هلا بنات
انا ما عندي شيء اسوي

 

[أغلى حبيبه]

مشاركة: تعالوا نتكلم عن كل شئ يشغل الفلوس

انا بخاطري صالون اسلامي

منو تشجعني ولا تصير شريكه لي

 

[غدير^الجنان]

مشاركة: تعالوا نتكلم عن كل شئ يشغل الفلوس

انا ودي اصير مصوره احب اصور بس محد معطيني وييه....



والحين قاعده اطلب مكياج من امريكا وابيعه بس محد مهتم حق هالموضوع



الحظ مومعاي كلش يالله اللي عندها مشرووع زيين تقووله اذا تحتاج مساعده نساعدها


لاني صج صج صج صج حدي محتاجه دخل ثاني فاللي عندها لاتبخل علينا


ومشكووره مطفووقه على الموضوع

وانا كان عندي نفس فكرتج اسوي ماركة مكياج باسمي

احلام الفقاره وااايد

 

[نفنوف كشكش]

مشاركة: تعالوا نتكلم عن كل شئ يشغل الفلوس

اموفقين انشالله بنات..صج خووش موظوع
بالنسبه لي كنت ابي اييب ماركت مكياج اول شي سويته خذيتلي كورس بره بعدين رحت حق كذا شركه بس الشروط ماعجبتني ثاني شي الاغلبيه كاناو يبون المحل ابمجمع معروف عيزت ادور بالمارينا وربعها ماني امحصله مكان فتكنسلت الشغله...بعدين ياني عرظ علا ماركه بس مادري اشلون اهي مومشهوره واحسها اي شي واغراظها محدوده اخاف ايبها واتطيح ابجبدي امي اتقول لو هي مومشهوره بناتنا يشهرونها ياحبيلهم حق التصبغ ههههههههههههه
والحين افكر افتح كوفي شوب نفس العمليه رحت حق كذا مكان عشان اشتري الاسم وايد مايبون يفتحون ابدول عربيه حاولت ابواحد بس متردده ليش مو مشهور وايد وعيزت ابي موقع ماني لاقيه هاذا بعد وانا عندي معارف علابو يدبروني بس ماكو فايده انا ادري عشان الكوفي شوب ينجح لازم موقع حلو حق المغازل خخخخخخخخخ قالولي ابحولي اكو مجمع يدي بس ياربي محد ايروح يقعد ابكوفي شوب اهناك !!!! خليت هالسالفه علا جنب وارفيشتي اتقول خنسوي محل حلويات وكاكاو واكو شركه اهي مطعم خاص بس اكل رجيم بس مادري ماني متشجعه ربعنا ايموتون عالبلع مايبون سوالف رجيم ....والحين صارلي شهر ابي اتخذ قرار ماني قادره شييب وشحط مت وانا اسوي حذره بذره ....الله يسهل

 

[غدير^الجنان]

مشاركة: تعالوا نتكلم عن كل شئ يشغل الفلوس

الله يوفقج نفنوف كشكش

والاكل مال الرجيم ترى اعرف نااااس وايد يبون جذي نفس طقة داي سنتر بس االلي مانعهم ان دايت سنتر غالي


فإذا سويتي وسعرج معقوول اكييد ينجح



والله الموفق

 

[نفنوف كشكش]

مشاركة: تعالوا نتكلم عن كل شئ يشغل الفلوس

اجمعين غدووره
اهوا مونفس دايت سنتر لاء مطعم take away وحق اللي ابيقعد نفس طريقت البار مو اشتراك

 

[جارة القمر]

مشاركة: تعالوا نتكلم عن كل شئ يشغل الفلوس

موفقين يارب

كل منه تفكير





ماشاء الله أفكار حلوه






أنا بصراحه

مفكره


بمطعم صغير علي قدي

للحلويات والسلطات وخلافه

بس زوجي ما يحب هالسوالف





وموفقين يارب

ومشكورين

 

[نشـــامي]

مشاركة: تعالوا نتكلم عن كل شئ يشغل الفلوس

أنا مفكره بكذا شغله ممكن مشغل عرض بس يعني اخيط بره بس مو محصله خياط مضبوط على مزاجي وبعدين ودي لو سويت مشغل يكون على مستوى يعني ابي اشتري خام من دبي ولبنان بس يمكن هذا لو نجح معاي المشروع وفكرت بمطعم مأكولات كويتيه توصيل المنازل حق الموظفات ههههه

مطفووووووووووووقه هذا المشروع اللي اللحين ببالي

بس انطر اتوظف واسويه حلو توصيل منازل احطلي خدامه ببيتنا تسوي الحلو (في نوع حلو اسويه كلمن يطلبه مني اسويله وادزله على البيت طريقته مو اي احد يضبطها) ههههه جني مدحت نفسي حيل
المهم وسايقنا يوصله والطلبات على فترتين 10 الصبح و4العصر بس يعني السايق يطلع مرتين
والطلب لازم قبله بيوم

شراااااااااااااااااااايكم؟؟؟؟؟؟

شجعووووووووووووووني يليز محد معطيني ويه


على فكره الارباح مضونه في نطاق المنطقه والاسره 100%

 

[DEEMA]

مشاركة: تعالوا نتكلم عن كل شئ يشغل الفلوس

السلام عليكم

موفقين بنااااات


موفقه نشامى بس ياليت تعطيني طريقة الحلو بالخاص خخخخخخخخخ





ديما