تعالوا يابنات أقول لكم شصار وياي اليوم !؟<< يتبع أنا وخدامتي ؟؟

[* أم دودي *]

السلام عليكم ورحمة الله وبركاته

:klhfl:


أنا يابنات اذا تذكروني حطيت سالفتي ويا خدامتي قبل فترة هني .. وللي مايعرفون السالفه هذا الرابط

http://www.q8yat.net/showthread.php?t=511727





بعد مافكرت وايد وبعد ماقريت حجي البنات
قلت فخاطري يمكن انا ظالمتها وانها صج ماتبي تاكل باجي اكلي ..


عاد انا قلت بسوي اللي قالتلي عنه بنت المنصور والراسيه ..

اللي صار يابنات

لما عشيت عيالي ونامو قلت لخدامتي روحي سوي لي جيستين اندومي ..
وبالفعل راحت وسوت ... بعد ماخلص وحطته بصحن قلت لها : ميري خلاص انتي اخذي نصه انا بسوي لي توست مابي اكله كله وحطيت لها بالحافظه مالت الاكل ..

وفعلا سويت لي توست ..

وقعدت بصاله بس انطرها تعشى وبشوفها تاكله ولا لأ .. اول شي حسيت انها تماطل ماتبي تاكله
بعدها راحت كتت الزباله قلت ليكون قطته راحت اهي طلعت بره انا رحت بسررررعه جيكت على الحافظه ولا بعده موجود ..
وبس قاعده انطرها تاكل .. تخيلو اهي بالعاده تعشى عشر ونص عشر ..

والاندومي سوته لي الساعه 9.45

وحسيت انها تبييني اروح لغرفتي بس انا بطلت الاب توب وقعدت على طاولة الاكل جدام المطبخ اطالع الشاشه واشوفها شتسوي .

قعدت انطرها وطولت لين تعشت..
تعشت تقريبا الساعه 11 عاد لما سمعت صوت القفشة قلت يلا بروح اشوفها بعيني على ابو اني ابي سفن من الثلاجه
تخيلو يابنات ييتها بالمطبخ



والا حاطه لها صحنين صحن في باجي الغدا عيش بقفشته .. والصحن الثاني فيه الاندومي باجي مالي مع قفشه ثانية

ييتها ولا اهي كانت قاعده تاكل العيش ..
طالعت الاندومي ولا على حالته ..
بعدها لما بطلت الثلاجه بطلع لي السفن ولايات من وراي كتت العيش بزباله ..
بعدها ردت قعدت وقظبت صحن الاندومي وعلى ابو انها قاعده تاكل منه .. والله يابنات ماكلته ..
رديت للصاله واول ماقعدت على الكرسي ولا اهي قامت خلصت وقامت تغسل الصحون ..

بععد ماراحت غرفتها رحت للزباله ادور الاندومي ولا ماكتته مادري وين حطته مع اني متاكده انها ماكلته .. دورت كل مكان هم بعد ماحصلته ..
انا خايفه تكون حاطه لي شي ولا ليش ماكلت منه اخاف سحر ولا قذاره .. مادري ؟ .. والاهم من هذا خايفه على عيالي ..

خلاص بعد هالليصار نفسي عافتها حييييييييييييييييييييييييييل خفت منها صراحه..

وانا اصلا قدمت على شغاله بتيي بعد العيد ان شاء الله ..

لما يا زوجي من الديوانيه قلت له شفت وانت كنت تضحك علي وتعذر عليها تقول ماتبي تاكل باجي اكلج هذا انا ماعطيتها باجي اكلي وهم بعد ماكلته ..

شكله اقتنع اشوي وبكره بنروح نشتري كاميرا المراقبة ..

بس يابنات شرايكم باللي صار .. ؟

محتاجه رايكم ونصايحكم ؟

 

[قدساويه مصرقعه]

امممممممم
الله يعينج صراحة انا جكيت فيها

وديها المكتب فكي نفسج منها دام هذي حركاااتها

 

[* أم دودي *]

مشكوره قدساويه
وانتي الصاجه بسفرها بالمررررررررررررررره الخايسه خل تنقلع ديرتها

 

[no0or_q8]

الله يعيينج والله الواحد ما يدري شيسوى صج الخدم شر لا بد منه ,,
حبيبتي زين سويتي حطي كامره مراقبه منتى خسرانه شي حتى لو ما فيها شي خدامتج قلبج بيرتااح ,,
والله يحفظ لج عيالج ويخلي لج ريلج,,

 

[بنت المنصور]

ام دودي حبيبتي شلونج والله من يومين افكر فيج وكنت برسلج والله اتطمن عليج على هالموضوع ، خلاص قلبي

طرشيها خل تولي اهم شي تكوني مرتاحه وانا معاج بعد ما ارتحت بعد هالحركه واستخدمي الكاميرا ليما تذلف وطول هالفترة

انتبهي لها يا قلبي وامانه امانه فهمي عيالج انتو كل شي يصير معهم يقولون لج كل شي شوفي انا ما ابي اخوفج بس


انا ما اثق فيهم هذول وكل شي اتوقعه منهم ودامج انتي مو مرتاحه خلاص بمجرد ما انولد الاحساس معاج خلاص انا اثق باحساسج


وبس ما بقى شي وتذلف واهم شي لا تبنين لها يا قلبي

 

[خاشووقه]

توني قريت السالفه الاولى
الله يعينج اشلوون تحمليتيها
يمه منها تخـــــرع
سفريها وريحي قلبج
هالخدم (( يا من شراله من حلاله عله ))

 

[لوكي 22]

الله يعينج
عيل انتبهي منها الحين لاتاكلون من ايدها خلاص
بعدي عن شر لو نقول صج تحط شي يعني قبل لايفوت الفوت
وخليها حق تنظيف وغسيل بس
اذا فيج شده وفاضيه طبخي انتي الغدا والعشا الريوق ساندوتش بسرعه تخلصين

 

[الــــراسيـه]

بدام تاكدتي ما كلته
يعني ما تبيكم ولا مسويا شي في الاكل
انا اقول لاتسوي شي بيدها لين تي اليديده وتسفرينها على طول
ديري بالج منها

 

[* أم دودي *]

هلا بنت المنصور
ياعمري والله تسلمين على الاهتمام حبيبتي ..اكييييييييييييييييييدلا تحاتين مابي ابين لها شي ابدا
حتى السفره بفاجئها فيها .. وبالنسبه للكاميرا اليوم ان شاء الله .. اخيرا اقتنع زوجي بس شنو عقب هواش ومشاكل ..


no0or_q8
ان شاء الله بنركبها وعلى قولتج تطمني اكثر واشوف شسالفتها ومشكوره على المرور ..

لوكي 22
بالنسبه للغدا فعلا انا اللي اطبخه .. والفطور والعشا جنج حاسه انا من عقبل السالفة الاولانيه طايحه بسندويشات ..

خاشوقه
اي والله يبتيها على الجرح يامن شرا له من حلاله عله

 

[* أم دودي *]

بدام تاكدتي ما كلته
يعني ما تبيكم ولا مسويا شي في الاكل
انا اقول لاتسوي شي بيدها لين تي اليديده وتسفرينها على طول
ديري بالج منها

هلا الراسيه

اكيد بقولها لا تسوي شي بيدها ..
اصلا هي على فكره مو للطبخ اخليها بس عند عيالي ..
بس كنت اخليها تسوي اشياء خفيفه وتنظف المطبخ بس ..
عقب اليوم بقولها مالها شغل بالمطبخ الا انها تنظف بس وللعيال ..
وبحط الكاميرا اراقبها
والله يكتب اللي فيه الخير ..

 

[غلا 89]

والله احنا كانت عندنا خادمة شكينا فيها من اول يوم بسس للاسف خليناها لين باقتنا وشردت

سفريييييييييييها وخل تولي والله يوفقج بوحده احسن

 

[..ليالي..]

الله يعينج عليها حبيبتي


حاولي انج ماتاكلين من ايدها هالفتره لحد ماتسافر وترتاحين منها


والله يكون بالعون هذول الخدم شر لابد منه

 

[Fiorenza]

شوفي حبوبه اول شي الله يحفظكم لكن لا تودينها قبل لا تعرفينها شسالفتها !!! تصرفها غريب جدا
ركبي كاميرااااااااااا بالمطبخ وبغرفة نومها و باي مكان اهي تشتغل في وشوفي شسالفتها ! تالي قرري

لانه مادري انا من قريت القصتين وانا شاكة فيها في ان ! ماودي اخرعج لكن وضعها موطبيعي

 

[dubai_eyes]

أحسن شئ انج تحطين كاميرا مراقبه عشان تتأكدين

مع اني عندي احساس انها ماتحط شئ بس تقرف تاكل ورا حد....أصلا لو كانت حاطه شئ بتحسين بطعم الأكل متغير

وأهم شئ لاتنسين تحصنين نفسج وعيالج وبيتج يوميا عن العين والحسد والسحر
والله يحفظكم ان شاء الله

 

[* أم دودي *]

هلا حبايبي
مشكورين على المرور
والله يجواكم خير على الدعاوي الحلوة والنصايح الاحلي
والكاميرا اهي اللي بتكشف المستخبي ...

 

[بيــــــــــــب]

الله يحفظ عيالج ويكفيكم شرها


دايم استودعي عيالج الله اللذي لا تضيع ودائعه سوا عندها او عند الجديده

حرام الاطفال شنو ذنبهم

 

[* أم دودي *]

اي والله بيب
انا كل خوفي على عيالي ..
ولا احنا الكبار عادي
الله يحفظهم ويكفينا شرها ..

 

[alb7ranya17]

عم حرام الظليمه شينه شوفي بعد الكاميرا قوليلنه ششفتي منها ملقوفه حدي بس بتابع اليوميات مالت الخدامه

 

[* أم دودي *]

البحرينيه لقاتج عسل حبيبتي
وعلى قولتج كله بيبين مع الكاميرا

رحت والله هذاك اليوم ولا اشوف كاميرات اشكال والوان بس كلهم بوايرات وعفسه مادري ودي بشي بدون واير واللي لقيتها بدون واير طلعت كبيره وواضحه مو صغيره ماتبين .. برجع اليوم اروح مع زوجي واييب لكم الخبر ..