تعالوا يابنات انصحوني شسوي خلصت التاسع وزياده ولا ولدت

[غلا قلبي دودي]

السلام عليكم جميعاً ومبارك عليكم الشهرررررر

بنات انا اليوم خلصت تسع اشهر و 11 يوم من الحمل
الموعد الي كان مقرر لي أمس 28 / 7 / 2011

ايش اسوي ما أحس بأي شي وانتوا اكيد عارفين النفسيه والثقل ورمضان قررررررررب

هل اروح علي المستشفي اقولهم ماولدت واشوف شنو يقررون
بصراحه طوفت مراجعات الحمل الأخيره تقريبا مراجعتين

واليوم افكر ارجع لدكتورتي استشيرها

طيب لو رحت للمستشفي شنو بيسون حريم قالوا لي بيعطوني موعد لطلق صناعي صحيح هالشي

ولا اصبر علي نفسي
هاذي ثاني حمل لي وانا بالحمل الأول ولدوني بطلق صناعي لأن موية البيبي كلها نزلت

بس هالمره ما احس بشي ولا ينزل معاي شي

انصحوني شسوي واصله حدي
ادعولي اولد بهالجمعه تعبت خلاص
الله يوفق الي ترد علي ويعطيها ربي علي قد نيتها

 

[يآحبي الدآيم]

الله يهون عليج يارب

اذا وضع البيبي طبيعي اصبري ويجي بوقته بس صدقيني الطلق الصناعي يذبح تحملي جم يوم ويجيج طلق طبيعي ارحم لج سبحان الله لنه يجي بتدريج
وصدقيني متى الله كاتب له بيجي وانطري بعد اسبوع واذا ما جاج طلق روحي المستشفى وكثري مشي ثم مشي ثم مشي واذا طولتي بلمشي تولددين بنفس اليوم لن المشي يخلي الجاهل ينزل بلحوض ويهون عليج واكلي رطب
والله يهون عليج

 

[مشغوله و محتاسه]

اتفق مع الاخت يا حبي الدايم

بس ما يمنع تراجعين للاطمئنان

اكثر شي ممكن .. انج تكملين اسبوعين ... بعد التاسع
اكثر من اسبوعين يولدونج لازم

بس حطي في بالج ان احتمال ان الحساب اساسا غلط

تصير عادي

و حاولي تنتظرين و لا تخلينهم يعطونج طلق صناعي .. يقولون يعور اكثر من الطلق الطبيعي


الله يسهل عليج .. شربي دارسين

 

[anooma_86]

حبيبتي ليش اطوفين مراجعاتج؟؟ وخاصه بالتاسع لازم ماتطوفين ولا مراجعه... نصيحتي روحي راجعي سوي سونار وشوفي ضغطج وخلي دكتورتج تسويلج فحص و اذا انشالله كلشي طبيعي نطري بعد اسبوع*

 

[engnera]

روحي راجعي سوي سونار غلط تكشتين بالمراجعات

 

[wafa82]

الله يهون عليج حببتيا

 

[om deaj]

حبيبتي السوات سواة ربج مو سواتج

انا مثلج اطوف التاسع وما اولد
عادي الحسبة ماتكون مضبوطة لانه محد يعلم الغيب ومتى صار التلقيح

 

[غلا قلبي دودي]

مشكورات يابنات ماتقصرن الله يعطيكم العافيه خلاص انا ان شاءالله بروح اليوووووم واسوي سونار اتطمن

طيب يابنات تعرفون مستشفي العرف لو ابي ادخل عليهم استشير دكتور بموضوع الولاده لو ماولدت
لاني ناويه ان شاءالله اولد فيه بس ما اعرف هالمستشفى
هذا لو ما ولدت طبيعي وان شاءالله يجيني طلق رب العالمين اكيد ارحم

كيف افتح ملف وادخل العيادات عند اي دكتور ولا اروح الطوارئ وهل احصل دكتور استشيره بالطوارئ مال نساء وولادة

لأنا موسوسه مرررره وما اعرف ادبر نفسي انا هنا جديده بالكويت لأني من اهل الرياض