- إنضم
- 25 يونيو 2008
- المشاركات
- 86
- مستوى التفاعل
- 0
- النقاط
- 0
- العمر
- 39
مرحباً كويتيات
بما ان شهر رمضان عالابواب
اعاده الله علينا بصحة وعافية
حبيت اشارككم بجدولي اللي ناوية اسويه بهالشهر
اول شي انا والدة قبل شهرين
وكنت قبل الحمال مشتركة بتشامبينز
وراح ارد اشتراكي انشالله
وبستغل الصيام علشان اضعف
وجدولي بالنادي راح يكون جدولين يوم وترك
الأول: جدول سباحة واكوا
راح يكون كالآتي
اصلي الظهر فالبيت
واطلع عالنادي
اول ما اوصل ابلش سباحة عالخفيف الى ان تبدي حصة الاكوا وراح تكون ساعة
اذا خلصت اطلع فوق امشي نص ساعة الى 45 دقيقة
وبعدها اطلع
الجدول الثاني: جدول المشي والاجهزة
وراح يكون وقته اني اوصل النادي على صلاة العصر اصلي وابلش البرنامج اللي يعطوني اياه النادي
اللي هو مشي وشوية اثقال واجهزة
وراح يكون تحمية عالقاري 10 دقايق وبعدها مشي نص ساعة او 45 دقيقة وبعدها عاد البرنامج اللي مسويته لي المدربة
السبب اللي خلاني احط جدول اللسباحة مبجر هو لاني اذا شفت في مجال اقدر العب زيادة واسوي البرنامجين *
وعلى فكرة انا شفتلي مقابلة مع دكتور يقول عادي العب بنهار رمضان ومو شرط قبل الفطور مباشرة
هذا بالنادي
طبعا ارد البيت اتفطر
واشرب اعشاب الى وقت صلاة التراويح اروح المسجد بجوتي الرياضة تكرمون وبعد الصلاة اذا ماكان عندي التزام مع خالتي او امي بزوارة او شي جذي اروح الف الحديقة العامة القريبة من بيتنا نص ساعة او ساعة
وارد البيت
رجيمي راح يكون رجيم ربيع او عبدالله المطوع
(( كلهم نفس الشي تقريبا))
انا زبونة محمد ربيع ورجيماته تمشي معاي*
بس شفت رجيم المطوع مقارب له بس يعطي خيارات للسحور علشان ما ازهق
عالعموم اللي قررت بالرجيم هو الآتي
اول ما يأذن المغرب*
3 تمرات وقلاص ماي او لبن قليل دسم
واروح اصلي
بعد الصلاة
صحن شوربة + صحن تشريب صغير( دكتور ربيع كان يقوللي قد علبة الروب) + حبتين كبة او سمبوسة
بعد الفطور الى اذان العشا اشرب خلطتي التنحيفية العجيبة
وهذي الطريقة
اغلي دارسين بغوري واحط 3 حبات مسمار وهو يغلي وانطر شوي واسكر النار
واحط بالمطارة شوية زنجبيل مبشور ونعناع طازج ولبتون شاي اخضر واصب ماي الدارسين وقبل لا اسكر المطارة اعصر نص ليمونة عالخلطة بس اعصرها عدل
الخلطة عجيييييبة
بس حلاة الخلطة بعد الفطور بفترة يعني قبل صلاة التراويح بنص ساعة
انا لمن كنت استعملها كان مو وقت صيام
يعني كنت اتغدا وبعد الغدا بساعتين اسوي الخلطة واشرب نص المطارة تقريبا كوبين*
وبعدها اروح الممشى امشي ساعة ونص
واذا رديت كملت باقي المطارة
فهالمرة اسويها قبل صلاة التراويح واشرب منها شوي واذا رديت من الصلاة كملت الباقي
نرجع للرجيم
بعد صلاة التراويح*
1) اذا كنت طالعة عند امي او مع خالتي زوارة ما راح امنع نفسي حبتين لقيمات مع قهوة او شاي مع حبتين سمبوسة او حبة لقيمات وحبة سمبوسة(( لاتحاتون مو جايبته من عندي هذا من ضمن الرجيم))
2) اما اذا رديت البيت واكون توني رادة من الممشى لاني ماطلعت اي مكان*
راح اكل علبة روب مع شرايح خيار وقلاص عصير اناناس مع كيوي ((يميييي))
او اسويلي مطارة ثانية اعشاب
السحور
راح يكون 3 تمرات وحبة موزة وعلبة حليب بارد
او كمية مهووولة من الرقي
او روب مع خيار وعصير اناناس مع كيوي ( طبعا اذا كنت ماكلته بعد الصلاة ما اعيد الوجبة مرتين)
وطبعا ما انسى قلاص ماي كل ساعة او كل ساعتين
عطوني رايكم بالبرنامج ما استغني عنكم كويتيات
وادعولي الله يثبتني وما اكسل
لاني هالمرة ناوية التزم عدل
اما رجيمات المطوع وربيع ترى موجودة بقسم الانظمة الغذائية
وانا كنت اراجع عند ربيع والرجيم هو هو ما يتغير
بما ان شهر رمضان عالابواب
اعاده الله علينا بصحة وعافية
حبيت اشارككم بجدولي اللي ناوية اسويه بهالشهر
اول شي انا والدة قبل شهرين
وكنت قبل الحمال مشتركة بتشامبينز
وراح ارد اشتراكي انشالله
وبستغل الصيام علشان اضعف
وجدولي بالنادي راح يكون جدولين يوم وترك
الأول: جدول سباحة واكوا
راح يكون كالآتي
اصلي الظهر فالبيت
واطلع عالنادي
اول ما اوصل ابلش سباحة عالخفيف الى ان تبدي حصة الاكوا وراح تكون ساعة
اذا خلصت اطلع فوق امشي نص ساعة الى 45 دقيقة
وبعدها اطلع
الجدول الثاني: جدول المشي والاجهزة
وراح يكون وقته اني اوصل النادي على صلاة العصر اصلي وابلش البرنامج اللي يعطوني اياه النادي
اللي هو مشي وشوية اثقال واجهزة
وراح يكون تحمية عالقاري 10 دقايق وبعدها مشي نص ساعة او 45 دقيقة وبعدها عاد البرنامج اللي مسويته لي المدربة
السبب اللي خلاني احط جدول اللسباحة مبجر هو لاني اذا شفت في مجال اقدر العب زيادة واسوي البرنامجين *
وعلى فكرة انا شفتلي مقابلة مع دكتور يقول عادي العب بنهار رمضان ومو شرط قبل الفطور مباشرة
هذا بالنادي
طبعا ارد البيت اتفطر
واشرب اعشاب الى وقت صلاة التراويح اروح المسجد بجوتي الرياضة تكرمون وبعد الصلاة اذا ماكان عندي التزام مع خالتي او امي بزوارة او شي جذي اروح الف الحديقة العامة القريبة من بيتنا نص ساعة او ساعة
وارد البيت
رجيمي راح يكون رجيم ربيع او عبدالله المطوع
(( كلهم نفس الشي تقريبا))
انا زبونة محمد ربيع ورجيماته تمشي معاي*
بس شفت رجيم المطوع مقارب له بس يعطي خيارات للسحور علشان ما ازهق
عالعموم اللي قررت بالرجيم هو الآتي
اول ما يأذن المغرب*
3 تمرات وقلاص ماي او لبن قليل دسم
واروح اصلي
بعد الصلاة
صحن شوربة + صحن تشريب صغير( دكتور ربيع كان يقوللي قد علبة الروب) + حبتين كبة او سمبوسة
بعد الفطور الى اذان العشا اشرب خلطتي التنحيفية العجيبة
وهذي الطريقة
اغلي دارسين بغوري واحط 3 حبات مسمار وهو يغلي وانطر شوي واسكر النار
واحط بالمطارة شوية زنجبيل مبشور ونعناع طازج ولبتون شاي اخضر واصب ماي الدارسين وقبل لا اسكر المطارة اعصر نص ليمونة عالخلطة بس اعصرها عدل
الخلطة عجيييييبة
بس حلاة الخلطة بعد الفطور بفترة يعني قبل صلاة التراويح بنص ساعة
انا لمن كنت استعملها كان مو وقت صيام
يعني كنت اتغدا وبعد الغدا بساعتين اسوي الخلطة واشرب نص المطارة تقريبا كوبين*
وبعدها اروح الممشى امشي ساعة ونص
واذا رديت كملت باقي المطارة
فهالمرة اسويها قبل صلاة التراويح واشرب منها شوي واذا رديت من الصلاة كملت الباقي
نرجع للرجيم
بعد صلاة التراويح*
1) اذا كنت طالعة عند امي او مع خالتي زوارة ما راح امنع نفسي حبتين لقيمات مع قهوة او شاي مع حبتين سمبوسة او حبة لقيمات وحبة سمبوسة(( لاتحاتون مو جايبته من عندي هذا من ضمن الرجيم))
2) اما اذا رديت البيت واكون توني رادة من الممشى لاني ماطلعت اي مكان*
راح اكل علبة روب مع شرايح خيار وقلاص عصير اناناس مع كيوي ((يميييي))
او اسويلي مطارة ثانية اعشاب
السحور
راح يكون 3 تمرات وحبة موزة وعلبة حليب بارد
او كمية مهووولة من الرقي
او روب مع خيار وعصير اناناس مع كيوي ( طبعا اذا كنت ماكلته بعد الصلاة ما اعيد الوجبة مرتين)
وطبعا ما انسى قلاص ماي كل ساعة او كل ساعتين
عطوني رايكم بالبرنامج ما استغني عنكم كويتيات
وادعولي الله يثبتني وما اكسل
لاني هالمرة ناوية التزم عدل
اما رجيمات المطوع وربيع ترى موجودة بقسم الانظمة الغذائية
وانا كنت اراجع عند ربيع والرجيم هو هو ما يتغير
