تعالوا يا مثقفات واديبات الجهرا

[اسامي]

السلام عليكم ورحمة الله وبركاته

شلونكم بنات شخباركم








يالحلوات بسألكم من وين تشترون كتب
ما اشوف عندنا بالجهرا مكتبات تسوى
يعني ساعات اذا بشتري كتاب معين لازم اتعنى واطق درب عشان هالشي
ودي اعرف اذا في بالجهرا عندنا مكتبات حلوه وزينة

يقوولون في جرير بسليل بس ما فكرت اتعنى لانه يقولون
ما ادري صج هالحجي ولا لا؟؟


انتظركم ولكم دعوة طيبة مني بظهر الغيب

 

[Tom ♥ Jerry]

.


الصرآحه مآدري اذا في مكتبه جرير بسليل و لا لأ .. :|

بس كل الي آحب أقووله لج ترا الكتب و الروآيات تحتاج أنج تتعنين لهم .. ولو مره بالشهر روحي و آخذييلج جم كتاب و بس ..

يعني اشدعوه بالشهر مره روحي بس مو تاخذين كتاب أو كتابين و بس .. لا اخذي كتب يكفووونج حق طوول الشهـر ..

و كل شهـر روحي مره وحـده =)

انا جيي اسوي مع أنه مو بعيد علي .. بس هم افضل هالطريقه ..

مآ آحب كل اسبوع اروح المكتبه .. اروح كل شهر و أخذ مجموعه كتب و رواياات

على مآ آخلصهم كلهم الا صاير الشهر الثأني و اروح و جذي حآلتي .. =)


.

 

[عهود الحب]

رد : تعالوا يا مثقفات واديبات الجهرا

اقرب شي لج مركز السلطان يمكن ؟
اما داخل الجهرا ما عندي علم والله

 

[اسامي]

مثل ما توقعت
ما ادري شالسبب ليش الجهرا جذي مع ان فيها ناس يحبون يقرون وفيها ثقافة
والله ما ادري
يالله عموما مشكوووورين

 

[عهود الحب]

رد : تعالوا يا مثقفات واديبات الجهرا

الكويت كلها فيها نقص مكتبات تبيع كتب
تلاقين بالشارع ستين الف مطعم
و بين كل مطعم و مطعم مطعمم ثالث

بس مكتبة تبيع كتب مو مجلات و جرايد !!!!!!!!!! < مافي الا شي نادر ينعدون عالايد
مادري ليش

 

[دلع السلاطين]

انا بمنطقتي في مكاتب قريبه منا

لكن انا احب ارووح اتعني وادخل بزحمه حوولي عشان اروح جرير والعجيري

اكثر مكتبتيين امووووووووووووووت فيهم

 

[اسامي]

عهود اي والله كلامج صج
وشنو سبب تخلف امتنا غير انه عن البطون تعمى العيون


دلع السلاطين
فعلا اهم احلى مكتبتين بكويت كلها

يالله الله كريمعموما الف شكر

 

[الأمل الأبيض]

حبيباتي العلماء قبل كانوا يسافرون ويتعنون عشان مسألة يناقشونها


مو روحة لمكتبة مرصصة بالكتب من الشرق و الغرب تشترون وانتم مرتاحين


و إذا على البعد كاهوا الكليات و المعاهد و حتى المجمعات أيام نتعنى عشان محل معين


وللعلم ترى حلاة الشي لاصار بعنونه مو بسهالة

 

[عهود الحب]

رد : تعالوا يا مثقفات واديبات الجهرا

يا الغالية
اذا انتي ام عيال مثل حالاتي
روحي لجرير و هدي عيالج مع الخدم عالالعاب يستانسون وانتي دشي و دلعي نفسج بجم كتاب
و بعدها تعشوا بحولي بارك او قصر الوناسة على قولتهم و استانسوا

و هم العجيري تهببببببل رحت لها مرتين من زمان
و لولا انه انا عندي طفح بالكتب جان كل يوم فارشة حصيرتي هناك وهات تشري كتب
يا حلو ريحة الكتب و قربها



روحي على عصرية ولا مغربية و ونسي عمرج والله انه العنوة تسوى
و حلات الشي بندرته و صعوبته ترى



خلي هالمشوار مشوار كل شهر او شهرين

و بعدين شدعوة احنا ما نتعنى لصالون اخر الدنيا ولا محل دراريع بوسط زحمة السوق يا معودة

 

[نماين]

ماشاءالله ع البنات ماقصروا
بس انا حاسة فيك اول لمن كنت بالثانوي ماكان عندا مكتبة قريبة وما في احد بيعطينا وجه كل شوي بنروح للمكتبة وكنت حدي متولعة بالقراءة لدرجة مالقيت غير الظمني ندق عليه ويوصلنا قصص او كتب يااحلو هالايام

 

[وهج الحب]

السلام:
وانا اموووت على الكتب والقرأءة من يومي صغيرة واهم مكان اروحة بالسفر المكتبات الناس تيجي محملة بالاغراض والاثياب وانا زوجي مسكين يدفع زيادة جمركية على كتب ...ويوم قالوا ان نهاية العالم 2012 وادري ان كذب انا ادور على خزاين الكتب اللي عندي وما قريتهم احسب كم عددهم كله خوفي اني امووت وما كملت قرأة كتبي ...وكنت اذا قالوا يومي صغيرة ان فيه زبالات ناس راميين كتب اروح ادور عليها الم من الزبايل الكتب اللي يرمونها الناس وكل ما احد شاف كتب مرمية كانوا يقولون لي ..صج كلامي خارج الموضوع بس تقلب مواجع عن التعني عشان الكتب