تعالو أعلمكم من خبرتي اشلون تشترون من المواقع الصينيه ارخص ووفر

[ضي الغروب]

السلام بنوتااات انا دايما اشتري من مواقع صينيه اييب بضايع

طبعا الي تقدر وعندها مواقع صينيه حياها الله تحطهم وانا بحط الي عندي
بس مو الحين

اي سؤال انا حاضره مادري شنو ابدي فيه بس تقدرون تتابعوني من ناحية أسألت البنات وبقولكم كل الي بجعبتي انا وحده انقص علي اكثر من مره بالسعاااااااااار وايد بالهبل فرق قلت يا ضي اشخسرانه حوسي بقوقل والفاارج الله لمن وتعلمت كلللل خطوه بروحي وماعتمدت إلى على الله

يالله كل وحده متوهقه وعندها اساله حياهااااااااااا:tek:

 

[jareeeda]

مشكورة على المساعدة .. اي والله ودي اعرف شن المواقع المضمونه والثقة وشلون اعرف اذا اصلي والا لأ وشلون اقارن سعره مع السايتات الثانية علشان اعرف اذا سعره مناسب والا لأ؟؟

 

[الغاليه نونو]

اذااا ابي جناط تقليد درجه اولي اشلون اطلبهم واشلون اعرف انهم مايقصون علي خصوصا اغلب المواقع يقولون انهااااا خربوطه ويقصون علينا ياخذوون بيزاتنا ومااايطرشون لنا شي شنو الضماان يعني؟؟؟


ثاني شى اذا ابي شغلات اكسسورات حق البيت من وين اطلبها؟؟؟؟


وتدرين في محلات بالكويت يبيعون شغلات من الصين يعني علي افترااض اني لقيت الساعه اللي تنحط بالارض الطووويله شفت منها بسوق الايرانييين سعرها 35 جم تطلع بالصين اذاا بجسبها بعملتهم جم سعرها ؟؟؟؟؟

 

[ام الفهد712]

حبيبتي والله ما قصرتي اي والله نبي مواقع صينيه مضمووونه نطلب منهاااااااا وراح ادعيلج طووول عمري
نااااطرينج ياقلبي

 

[ضي الغروب]

الأخت jareeeda
من ناحية الضمان ماتقدرين تضمنين ولالالالالالا موقع بس شنو كنت اسوي كنت اطلب بكميه قليله وشوفهم يهتمون او لاء اذا شفت اهتمامهم بتفاصبل اكثر من لفلوس هذيله ناس ببيعون اخذ الي ابي منهم وشوف نظامهم اذا اوكي اوكي اطلب مره ثانيه اذا لاء بهذلوني معاملتهم مو اوكي طاف


ثانيه سعر الين الصيني عندهم 2 فلس عندنا رخيص وايد وشوفي جم سعر هل القطعه

اي في مواقع كنت القا القطعه على 5 دنانير هذي ترى وايد لانه القا وايد مواقع اغلى شي 3 دنانير بالنسبه حق لهدوم

من ناحية الأصلي من الماركات كلش ماظمن ولا اجرب ولا اخااااااطر

لانه اخاف ادفع فلوس وما يدخلونها الجمارك عندها وتروح عليج فلوسج

حتىىىىىى اهم بالصين من ناحية السؤال انا وايد سألت على نظامهم
مابطلعون التقليد يصادرونهم يعني في خوووف كبير من سالفت التقليد فماجربت اخاف

 

[ام عفاف الكويت]

قلبي ان حابه اطلب تطلبين لي وتأخذين عمولة ؟

انا اعطيج تحويلة الفلوس وكل شي

 

[ضي الغروب]

الغاليه نونو
مثل ماقلت من قبل ياقليي مافيه ضمان اخذي شغله سعرها بخيص لو باقوج ماتكون خسارتج كبير

يعني الشراااء منهم ترى مجاااازفه حطيها اباااالج ماكو ضماان

ثانيه من ناحية اكسسوارات البيت حطي ابالج ترى شحنهم غالي و خوفج تيي مكسره اوكي يمكن يضمنون لج حفظها مثلا بالدي اج ال ممتازه وغيرها يحافظون عليهاا

تلقين هسوالف بقوقل حطي whole sel china وحطي الشغله الي تبينها مثلا ثريا هوم اكسسوارس طبعا بالانجليزي راح يطلع لج واااااايد اشياء شوفي وتعالي قوليلي اشصار عليج

ثانيه تلقين بهسايت كل شي يخطر ابالج www.alibaba.com هم تقدرين تسوين سيرج يهل موقع كل كل كل شي حق البيت حتى ستاير


ويالغاليه نونو لا تنسين سعر الشحن الي راح يطلع لج حق هساعه لطويله ترى وايد يطلع لانه احنا بعاد عن الصين بالنسبه لهم شحنا غالي ومثل ما قلت السعر 2 فلس طربيه بالسعر الي حاطينه اذا كان ين صيني عموما اهم يتعاملون بالدولار لانه عالمي والدولار قيمته 273, تضربينه بالقيمه الي حاطينها لج يعني سعر الشغله

 

[ضي الغروب]

أم فهد يعد قلبي قاعده ايمع كلللللللللللل المواقع الي عندي وبحطهم برد واحد بس يبيلهم شغل عشان ما تضيعون وكلكم تستفيدون



ام عفاف الكويت افا عليج ما يصير خاطرج الى طيب دزيلي على الخاص شنو بغيتي وشوفلج اياهم

 

[ام عفاف الكويت]

اوكي ياقلبي جيكي خاص الحين بدز لج

 

[ضي الغروب]

هذي بعض المواقع

http://www.brandnamefashion.com/
http://www.shezstyle.com/
http://www.vincci-shoes.com.tw/collections/wedge.php
هذيله الي عندي الحين هم عندي بعد بس لاني مسويه حق جهازي فور مات ف يبيلي قعده ادورلكم عدل

 

[أعرف قدر نفسي]

خوش موضوع

شنو البضاعة اللي تتميز الصين فيها ؟

 

[ضي الغروب]

كل شيييي يا قلبي

 

[ام الفهد712]

مشكووووره ياقلبي وما قصرتي
وننطر منج المزيد

بس هذول انتي مجربتهم طالبه منهم

 

[ضي الغروب]

الاول بس

 

[NaNa88]

Vincci هذا المحل موجود بدبي رفيجتي كله تشتري منه اذا راحت واتيبي منه وااايد واااايد حلوه جواتيهم

 

[The.Cancerian]

مشكورة حبوبة وما قصرتي
بس عندي لج سؤال
هالمواقع شلون حصلتيها ؟
سويتي بحث يعني بجوجل والا شلون ؟
اذا كنتي مسوية بحث بجوجل يا ريت لو تقولين لي شلون دورتي ، اقصد الكلمات اللي استخدمتيها بالبحث
​

 

[jareeeda]

مشكورة وايد على الرد

ويزاج الله خير

وان شالله الكل يستفيد

 

[طير الحب]

مشكورة

 

[supermarket]

شلون على طريقة الدفع يعني فيزا كويتيةوالا شنو


وبأي بريد يوصل ؟


ياريت تعطينا تفاصيل اكثر حول الطلب ... وسياسة الاسترجاع

 

[bambena]

يقبل الفيزا العاديه

وانا اطلب عن طريق صندوق ارامكس بامريكا او بريطانيا شلون ؟؟