تعالو اتسوقو معاي :*

[freethinker]

هاي بنات هالموضوع انا شخصيا بلشت اطبقه شوي شوي ووايد ريحني نفسيا الصراحه وقلت افيدكم

اذا ماتحبون القرقه والسوالف لاتقرون الحجي الي بالاحمر وسكب ليين الحجي الي بالاسود تحته ​

طبعا لا يخفى عليكم اني مدمنة تسوق نفس اغلبيتكم العظمى ههههههههههه .. المهم بختصار انا من النوع الي ينزل معاشي اليوم بنفس اليوم اروح ادفع فواتيري اسحب فلوس مصروف ! واذا كنت كريمه قطيت فلسين بحسابي التوفير
وباجي المعاش كله سوق !
اشتري كلشي بيوم واحد !! واشياء منوعه.. نظامي عادي اقعد 5 او 6 ساعات بسوق وعادي اروح اشتري برووحي !! لان كل الي اكون محتاجته بوكي وانا والسوق لووول .. ونهاية التسوووق تلاقون فرحتي طخت ووناستي راحت وافكر يلا متى ايي المعاش الياي وتحسين انج شريتي وايد وخبصتي بس بنفس الوقت ماشريتي شي او بالاحرى مابردتي جبدج بكل شغله بروحها ؟؟ .. اغلبكم نفس قصتي مش هيك ؟​

انا ماراح اقول بوقف تسوق لان ماقدر غير ان السوق متعه وادمان ووناسه .. لكن طرت علي فكره وحابه اطبقها من الشهر الياي واتمنى تعجبكم واحد يشاركني بالتطبيق .. بما اني لازم ايمع فلوس حق اشياء اهم من السوق وعلى فكره بنات الي وراها اشياء اهم ترى العناية بالبشره والشكل والاسنان والشعر والفلوس الي تقطينهم عليهم احسن من خلاجين نلبسهم مره وماتغير فينا شي


المهم انا مقرره بسوي اسناني ابتسامة هوليود ! وهمن ابي اخش فلوس حق نفسي

فقسمت معاشي الى هالاقسام
مصرووف !! وحاولت اصير ارهى من كل مره على نفسي​

مبلغ وقدره خشيته حق الاسنان .. لان تدرون الاسنان يطق سعرهم مرات فوق ال3000 دينار l





فلوس حق النادي ! لان اجسامنا تستاهل نستثمر فيها حق المدى البعيد ولا هالهدوم ليش نشتريها اذا ماننزينها بأجسامنا << خفي علينا كيم كرديشان لووول

ومبلغ حق الانترنت​

يعني يصفالي جريب ال60 او 70 دينار كلشهر لو بروح السوق اشتري اشياء متنوعه ! بنتهي شاريه شغله او 2 وضايق خلقي​

فكرتتتتتتتتتتتتتتتتي اهيه بختصار ان كل شهر نخصصه حق شغله معينه
اعطيكم مثال افضل​

مثلا هالشهر ودي اصبغ شعري !! اخش مبلغ حق الصبغ وباجي فلوسي الي زايده من معاشي او بالاحرى المبلغ الي كل مره اتسوق فيه .. اشتري فيه استريرت اذا ماعندي او سوالف الشهر وشامبوات او فيتامينات حق الشعر شباصات والخ
يعني شهر كامل بس حق الشهر بحيث الاشهر اليايه احس ان كلشي عندي حق الشعر فمستحيل امر صوب سوالف الشعر​

والشهر الي وراه مثلا ودي اشتري اكسسوارات

عادييي ندفع كل فلوسنا مالوت التسوق على اكسسوارات عاد انتي وذوقج اذا ذوقج مكلف بتحصلين اسوارتين لوول او اذا ذوقج سنتربوينت بتترسين جيسس​

انييي حق الميك اب مثثلااااااااااا ابي اشتري ميك اب وودي بكذا فاونديشن امدحوه البنات ​

اخلي شهر كامل بس حق الفاونديشنات ​

والشهر الي وراه حمر والخ

مادري اذا تأيدوني او لا بس انا راح اجربها واعطيكم رايي من الشهر الياي لأأن هالشهر كله شريت هدوم من الافينيوز لوول لان تنزيلات فا الى شهرين او 3 جدام ماراح اجرب صوب الهدوم !! الشهر الياي مخططه على اكسسوارات وبس واذا شريت براويكم الي شريته *_* ​

شرايكم بالفكره ؟؟ ​

 

[Moon touch]

فكره حلوه بالتوفيق

 

[krkooora]

فكرتج ما تناسبني ماقدر احرم نفسي من شي !

شلون شهر كامل بس حمر !!! لهدرجه ماعندي ولا حمرة -.-

من الافضل تقسمين فلوسج من الاهم الى الاقل اهميه بجذي بتسوين كونترول على نفسج و تاخذين كل اللي تبينه بدون لا تحرمين نفسج من شي

قسمي مشترياتج مثال

هالشهر بشتري ملابس و جم جواتي و عطرين بس بالمعقول
و الشهر اللي وراه مكياج اللي احتاجه و نادي و اسنان
بجذي احسن

 

[MiSS B.K]

اااااب

 

[freethinker]

مون توج : مشكوره وايد حبيبتي

كركورا : لان انتي فهمتيني غلط .. نا كل شهر ادفع حق النادي هذا خالصين منه .. ومثال الحمر مجرد مثال .. وبحالتي انا مثلا ..اساسا يكون باجيلي مرات في بعض الاشهر بس 60 دينار ولو بروح اشتري ميك اب .. ترى مايكفي شي ! فراح يضيق خلقي لمن ادري ماقدر اخذ كل الي بخاطري فطريقه احسن اني اشتري وايد اشياء بس من شغله وحده بحيث ان الشهر الي وراه يكون عندي اكتفاء منها

مادري يمكن ماتناسبج بس انا مجرد التفكير بسالفة ان الشهر الياي كله بركز على شغله وحده وانا مخططه اكسسوارات .. استمتع لوول

وسالفة عطورات والخ اساسا انا اتكلم عن مدمنات التسوق يعني اوريدي الكبت والدار متروسه ! عن الاشياء الي نشتريها مجرد زياده واحنا ندري مو اساس

مشكوره عالعمرور حبي :**

 

[freethinker]

misss :

up الله قدرج

 

[ورده عنابيه]

انا افضل احدد 5 اشياء اشتريهم بهالشهرمثلا حمرة \ مسكرا \ فاونديشن \شوز \عدسات احسن من اني اشتري 5 بلايز وماعندي شي يصلحلهم والا 7 حمرات واصلا الحمر تعمر تقعد سنه اذا كنتي تنوعين بالاستخدام
انا عن نفسي اسوي جذي
وتقبلي مروري حبيبتي

 

[freethinker]

ورده : يسلموو عالمرووو الحلو :*

 

[nooshaaa]

أنا شايفة انه الأفضل تحددي مبلغ معين للتسوق ولا تتخطيه
ومن قبل لا تروحي السوق تكوني عارفة شو راح تشتري بهالمبلغ
واذا ضل اشياء حابة تشتريها والمبلغ مو كافي تأجليها للشهر الجاي

وان شاءالله تشتري كل الي نفسك فيه حبيبتي :*

 

[الشوق يجيبك؟؟]

مادري احس فكرتك صعب تطبيقها

يعني انا اروح السوق ابي شي واخذ اشياء ثانيه
يعني بعض الاحيان تبغين شوز بشكل ولون معين ماتلقينها لكن ممكن تشوفين بلوزة تهبل وتلقين مقاسك وسعرها يناسبك مااقدر اخليها

أنا دايم اذا جيت من السوق اتحسف على اشياء اخذتها واحس اني مومحتاجته

بالفترة الاخيرة إذاعجبني شي مومخططه اخذه اطلع من المحل واقول برجع بعدين وكثير اقول زين اني ماخذته واذا مرةداخل مزاجي ارجع اخذه

جربوطريقتي بتعجبكم​

 

[nooshaaa]

مادري احس فكرتك صعب تطبيقها

يعني انا اروح السوق ابي شي واخذ اشياء ثانيه
يعني بعض الاحيان تبغين شوز بشكل ولون معين ماتلقينها لكن ممكن تشوفين بلوزة تهبل وتلقين مقاسك وسعرها يناسبك مااقدر اخليها

أنا دايم اذا جيت من السوق اتحسف على اشياء اخذتها واحس اني مومحتاجته

بالفترة الاخيرة إذاعجبني شي مومخططه اخذه اطلع من المحل واقول برجع بعدين وكثير اقول زين اني ماخذته واذا مرةداخل مزاجي ارجع اخذه

جربوطريقتي بتعجبكم​

فكرتك عجبتني وراح اجرب اطبقها

 

[&موناليزا&]

عزيزتي رفع لعيووووووونج

 

[baskota mal7a]

اووخ صديقتي اهني ويينج شنو هالغيبه :eh_s(17):​

عموما منوووره :**​

بالنسبه حقي انا ماكو تنظيم كلش يمكن عشان ماتوظفت واصرف من فلوس البدل الي ينزلي 150 ​

مو وايد بس هم نعمه الحمدالله لما اروح السوق اصير مينونه هههههههههه محد يقدر يمسكني اكثر شي يجذبني واقط فلوسي عليه المكياج معني ما احط وايد واذا حطيت يكون خفيف​

احب ابطل درجي والقا المكياج فييه متروووس مادري والله ارتاح نفسيا خخخخخ جني شايفه منظر طبيعي جدامي​

وانشالله لما اتوظف لازم اوزع الفلوس واعرف اقسمها حق الصرف


ادعوولي اني اتووظف بنات مليت قاعده سنتين :eh_s(16):​

 

[عاشقة العطور]

فكره حلوه بالتوفيق

 

[!! Ba6a 7lwa !!]

حلووه وجاري التطبيق

ويعطيج العافيه

ويارب تتوظفين يابسكوته وبالمكان اللي يحبه قلبج يااارب

 

[((shoOoshoOo))]

فكرتج وايد حلوووهـ


وياحلاة السووووووووووق ^_^

 

[ريمي 2011]

رفع

 

[MakeupAholic]

كلامج عدل وفكرتج حلووه وهذا اللي بسويه​

 

[لجين العبرات]

فكرتج روووووعه وصارلي فتره افكر فيها تصدقين بس لمن طر حت الفكره على اختي حبطتني وقالت ماينفع
تحسين تبين احد يشاركج
بس بنفس الوقت احنا حريم منو يمسكنا يعني تخيلي هالشهر شهر الجناط وتنزلين السوق تشوفين ماك ولا ميك فور ايفر منزلين كولكشنهم اليديد يبوووي شنو يمسكج :krkrkr:
بس اهم انا وياج ابي اجرب لأني تعبت بصراحه ماكو تخطيط كلش اصلا حتى لو اخطط بالسوق كل شي يتغير جني مو شايفه خير ونعمه
واللي تقول بس حمر اقولها لاء اهو على حسب انتي شنو محتاجه زائد حسب معاشج يعني ممكن تخلينها مكياج ككل بشهر وجناط شهر وملابس شهر وهكذا

واااي قرقت وايد سامحيني حبيبتي وانااااااا وياج بس من الشهر الياي لأن حاليا مفلسه :krkrkr:
ويعطيج الف عااافيه على الموضوع الحلو

 

[mrs.abk]

عن نفسي استويت ما أروح السوق .. مرة اسبوعيا ويكون في البوك مبلغ محدد والكروت أحطهم بالسيارة ..

ألف مرتين أو 3 أختار وأخر مكان أدخله هو محلات الميك أب .. والحمد لله استويت أوفر وصار عندي رصيد زين


أنا عندي بجكت حق الليزر شهريا .. هذا ثابت .. ومن خلصت الليزر ودخلت على الجلسات مرة كل شهرين أو 3 .. صرت أحول البجكت لجلسات عناية أو أجمعه لأسناني .. وتقريبا رتبت أسناني وجسمي سويت له ليزر وخلصت و دخلت جلسات التنحيف الحراري والتكسير وعقب ناوية أخذ لي سيارة يديدة إن شاء الله

الميك أب مع الوقت زهدته وفاض عندي وما صار هواي نفس قبل ... الحمد لله