تعالو باخذ رايكم بشغله

[دوت كوم]

:eh_s(6):اهلين حبيباتي حبيت اخذ رايكم في شغله
انا ساكنه بشقه فيها اربع غرف غرفتي وغرفة بنتي ومجلس وغرفه كبيره مقابله لغرفتي حاطتها مخزن وصاله صغيره جلستنا فيها المهم انا ناويه اعدل في البيت والغي المخزن احس مافيه اغراض كثيره تستاهل وراح اخليه جلستنا وبما ان الصاله صغيره ماتصلح جلسه راح احط فيها طاولة طعام فحبيت اخذ رايكم؟

 

[عهود الحب]

حسب استهلاككم لغرفة الطعام
وتقدرين تسوين وحدات تخزين بالغرف نفسها
فوق الكبت تحت الاسرة عرفتي
بس مو بالضرورة غرفة الطعام تكون مكان الصالة
خليها مكان المخزن الا اذا كنتوا تطولون قاعدين عالطاولة وبتطلعون قيمتها


انا كانت ببيتي غرفة طعام
اللحين بسبب الامتداد الافقي بعدد افرد عائلتي ههههههههههههههه صفطتها وشلتها بالمخزن
رغم انها حلوة وغالية وكانت تونس بس احس مادري احس فقدت زهوتها مع الوقت وماقامت تهمنا حيل كقعدة


كل بيت طبعا ظروفه تختلف بس نصيحة الجلسة خليها بالمكان الواسع والغرفة الصغيرة حوليها لغرفة طعام لانه ماراح تطولون قاعدين فيها

 

[ذكرى الفراق]

حبيبتي ..اهم شي يكون عندج صالة استقبال ...فيه قنفات ملكية ..هذي تكون واجهة لج لي عزمتي جاراتج او حمولتج ...او حتى جمعه بسيطه ..والشي الثاني لازم تكون عندج جلسه صغيرة تكون ارضية ويستحسن اتحطين فيها التلفزيون تكون قعدتكم فيها واكلكم فيها يعني الحين صار عندج جلسه خاصه وهي اللي فيها قعدتكم ..وصالة استقبال ...بالاضافة الى غرفتج وغرفة بنتج هذا رايي وارجو اني اكون افدتج

 

[dalal]

أنا اشور عليج انه الغرفه الاوسع والاشرح اهي تخلينها غرفة المعيشه ...

والغرفه الثانيه سويها غرفة اكل مع استغلالها اب بوفيه كامل حق تخزين الاغراض (عشان تستفيدين منه)..

يعني لاتخسرين مكان كامل على بس طاولة اكل !!

 

[دوت كوم]

مشكورين حبيباتي ع الردود بس مشكله الصاله مرة صغييره حتى واحنا جالسين فيها ضيقه مره عشان كذا ودي اغيرمكان جلستنا