تعالو زوأوني ههههه للذويقات والكشخات فقط ساعدوني

[ice box]

مرحبا بنات



عارفه موضوعي موبمحله بس انتو متزوجات واكيييد راح تحسون فيني وبكسر خاطركم وبتساعدوني صح :eh_s(2)::ggdw:
بنات انا الحمدلله ربي عطاني جمااال واحمده واشكره على هالنعمه بس عندي مشكله صغيروونه
انا اعرف البس لبسي مرتب بس موكشخه حيل :eh_s(22):
بيت حمولتي كلهم رزه واغنياء مره ومايلبسو الاماركات وحركات وابي اتسنع البس لبس حلو واتكشخ موشرط يكون ماركه لا بس ابي يكون شكلي حلو جدامهم واكنسل عليهم لووول ,خاصه مرت حماي كشخه حييييييييييييل وبين فتره وفتره تغير لوكها وانا احورب بعمري احس لوكي مايتغير مع ان خالتي وحمواتي يقولون لي انتي مشالله حلوه واحلى منا بس لوتغيرين لوكج بتطلعين شي لان لوكج من زمان ليلحين ماتغير , طبعا قالولي بطريقه ذربه ومازعلت منهم ابدااااا خديتها بروح رياضيه
ساعدوني ابي اغير من شكلي وانتو متزوجات يعني اكييييييد تهتمو بنفسكم وبين فتره وفتره تغيرو من لوكم والا انا غلطانه :ggdw:
بقولكم شنو فيني وابي تغيييييييير جدري
يعني اعتبرو نفسكم جويل على غفله هههههههههههه وساعدوني ويالييييييييييييت بالصور فديتكم
انا اضعيفه وشعري طوله زين نص ظهري اواطول بشوي قصته عاديه ومافيني قدله لانها طويله مع شعري تنصحوني اقص شنو يعني يتغير لوكي؟
مكياجي انا دوم احط مكياج ناعم مرتب يعني اساس وبودره حره وبلاشر وكحله داخل العيون وماسكرا وروج وماحب الايشدو ابد ابد ولاافكر احطه ,شنو تقترحون علي بمكياجي شسوي ابي اتغييييييييييير
لبسي انا دايما البس فساتين قصيره حيل ومعاهم جي جي اوالبس تنانير قصيره ومعاهم جي جي بعد اوبدون طبعا هاللبس البسه في البيت اوطلعات لاهلي ورفيجاتي وتكون علي عباتي انا متحجبه والبس عباه بس طبعا مااطلع بدون جي جي لوكنت لابسه قصير ,بلييييييييز بنات خاصه باللبس ابي اتغيييييييييييييييييير
وشنو موضه العبايات الحين .عباياتي فرنسيه اللي كمها طويل ماحبها دمها ثقيل لووول شنو تنصحوني فيه
يالله بنات عفيه ساعدوني ابي اغير لوكي خلال الشهر الجاي عشان مايجي ريلي من رحلته البعيده في العمل يخققق بشوفتي :eh_s(22)::ggdw:

 

[زينبو]

اذا بتقصين مدرج بس لاتقصرينه لان انتي ضعيفه الشعر يعطيج انوثه اكثر

المكياج مرة ثقيل مرة خفيف تعلمي

العبايات الحين اشوف صوب الأكمام يكون واسع وفي تطاريز صوب الجتوف وورى الظهر
..

 

[ice box]

مشكوره غناتي
انا اهم شي عندي اللبس ايش تنصحيني فيه من تغيير؟

 

[زينبو]

العفوو لبسي كل شي تنانير بنطلونات مع بديات حلوة مثلا قميص ناعم وتنورة او بلوزة مع لقنز واذا قصير مو شرط جي جي غيري مرة معاه مرة بدون مرة فلي شعرج باللبس مرة لميه وشوية اكسسوارات تطلعين نايس

واشتري بجايم كشخه بعد

 

[المــايقـهـ]

حبيبتي اللبس مو بالماركه ولا بوطقه اهم شي يكون حلو ومرتب وانيق شوفي عندج الافنيو وعندج 360 اذا تبين ماركات وعندج بعد الصالحيه
بس اللبس انا دايم اشتري لبسي من المارينا والافنيو بس مو ذاكره اسامي المحلات اللي فبالي زارا مانجو اتش اند ام بس اتش اند ام مو دايم تلاقين عنده لبس حلو مرات يحطون خلاجين ستاد افريوز امممم هذا اللي فبالي الحين مافي فبالي شي وبعدين مو كله تلبسين قصير غيري لبسي فساتين المييد ترا حييل حلوه وذربه يعني اذا رحتي مناسبه ولا عشا لبسيهم انتي متزوجه يعني مو حلوه اتروحين لعشا ولا عزيمه كبيره وانتي لابسه قصير حيل احس شكلج بيكون للحين جاهل ومراهقه لبسي فساتين المييد مع صنادل ذربه وفيها حركات وشغل ذرب لان راح يبين الصندل انا توني رايحه الاوقاف اسبوع اللي طاف حده حلو فيه فستاتين مييد مو صج و مو غاليه بعد يعني سعرها معقول ومره لبسي بنطلون نظام الشروال عرفتيه مع قميص فيه حركات وجاكيت رسمي ومرات لبسي فساتين طويله يعني حاولي اتغيرين باللبس ودخلي عليه اكسسوارات انتي وشطارتج عاد اما بالنسبه لشعرج اذا وجهج طويل قصي قذله ترا راح تطلع حلو شكلها ويقصر من طول وجهج او قصي قذله بس مو قصيره حيل حيل لا يعني وصبغي شعرج لون البني الفاتح اذا حلو عليج عالموضه يعني او شوفي لج لون صبغه يلوووق مع لون بشرتج وسوي حركات بشعرج يعني مره رفعي شعرج مره سويه استريت مره سوي ويفي يعني هالشغلات اما بالنسبه للعبي الحين موضة العبايه اللي اتكون نفس البشت امبطله من جدام واتكون مطرزه من عند الجم واتكون امبطله يعني يبين لبسج وتقدرين اتلمين العبايه ع صوب اذا طلعتي ولا وصلتي المكان خليها امبطله بالنسبه للمكياج حطي خطة ايلاينر من فوق لا اتحطين كحل من داخل احس صار قديم هالشي حطي خطة ايلانير من فوق مع عدسات وحمره ملفته يطلع شكلج روعه وناعم

وسوري عالقرقره والاطاله بس اتمنى اني افدتج تقبلي مروري ياقلبي :eh_s(17):

 

[ورود خذلتها العاصفه]

انصحج قصي الفراوله علو طويل بس من قوق فراوله

 

[MiSS B.K]

خليج دايما بسيطه وطلعي لبسج بالاكسسوارات

 

[Tom ♥ Jerry]

.



حياتي اللبس مو شرط يكون ماركه عشان يكون أوكي و كشخه
في موضوع في قسم الآزياء " اسمه : انا هاذا ستايلي ، آنتي شنو ستايلج ؟ " مثبت
ماشالله البنات كل مآ يلبسون شي يصورون نفسهم و يحطونه بهالموضوع
روحي شوفي الموضوع من الصفحه الأولى ليه المليون
رآح تتعلمين و تعرفين شلون تركبين شي على شي .. بعدين من وجهه نظري : اللبس كل مآ صار
نآعم و كلاس و ذرب صار كشخه .. خلج بعيده عن الخبه و الزري و السوالف اللويه (=


؛*

 

[سارووه الاموره]

لا حبيبتي بتكونين غلطانه ومن امه اذا قصيتي سعرج فراوله مادري تفاحه ويع شخباااري شعرج حدديه سيدا

القذله ياتقصينها سيدا او خلي شعرج الفرقه مالته ع يمين وسوي ويفي ولا ستريت عاد عندج الاجهزه الاستريتر والويفي ؟؟

اما عن اللبس كل ماكان ناعم كل ما كان اكشخ ..


برب بروح ادور صوور وارد لج .

 

[أحــــ طفله ــــلام]

بالنسبه لي بعد كل دوره اطلع باللوك جديد ومع العلم اني مو متزوجه بس التغير حلو

شوفي لا لا لا لا تفكرين تقصين شعرج شوفي انا شعري لي اخر ظهري قاصته علي الاطراف شلال صاير شكله روعه وقاصه قذله مدرجات يعني قصيره وعلي الاطراف الزلوف بتدريج من قصير لي طويل

الشهر اللي طاف كنت صابغه خصل عنابي خصل بس من تحت الشعر يعني مو من فوق وحاولي تسوين بفات خفيفه ناعمه

والشهر هذا عندي مناسبه ناويه اصبغ من تحت الاطراف بس اللون الناري وعلي فكره انا اصبغ بصبغه اعشاب او بخاخ المؤقت يومي وما يتاثر شعري الحمدالله ..

وترا اللون الاسود اغراء حيل اذا انتي كله اسود غيري اصبغي كراميل او درجات البني

وشوفي روحي اشتري الشباطه التور السوده صغيره والعبي بشعرج والله تعطيج ستايل غير يعني سوي بفه صغيره يصير شكل شعرج كنه شلال يونس والعبي بقذلتج كل مره شكل واخذي شباصات فيونكات ناعمه من اتش اند ام وبدعي فيهم

حاولي تغير قصه حواجبج خليها نظام طويله ومو ضعيفه حيل ولا متينه تصير ثمانيه واذا متعوده علي كذا غيري سوي الجاينيز بس اللي سيدا مو طاير ..

اممممممم بالستايل البس فساتين وحطي عليها شال وامسكيه بحزام او البسي بناطيل الخامه الراقيه مع قمصان وبروش واسكارفات وصدقيني حتي لو تلبسين ساده بس تدخلين معاه كعب كشخه وفي شغل ذرب مع بروش يطلع شكلج واو


صدقيني انا لما تزوج اخوي مرته تشوفني كل يوم بس جا اسبوع وغيرت بخوري وعطوري تدرين تسالني انتي متغير استايلج اشوفها اضحك اقولها والله ماتغيرت تقول الا في شي جديد ترا حتي طريقه كلامج او بخورج تغير من ستايلج

وعسى تطلعين باحلى نيو لوووك وترا قاعده اكتب بسرعه مو مركزه اي استفسار دزيلي علي الخاص وابشري بعزج <<< هوايتها تغير لوك احد ^_^

وادعيلي الله يحقق اللي ببالي تكفين ​

 

[مناير ...!]

انتبهي تلعبين بشعرج وتنتفينه بقصه المدرج
شخباااري :eh_s(1)::ch12:

طول شعرج وايد حلو وستايل
كل الي عليج اتقصين اطرافه
وتقصين لج قذله وسويه ويفي
نفس نجوى كرم مثلا :eh_s(9):

مكياجج بدال الكحله داخل العين
حطي اي لاينر فوق الجفن كات ايز حدها ستايل :eh_s(22):

سوي شعرج ويفي
لبسي طويل
جذي يعني

 

[ice box]

ياقلبي كلكم والله فديتكم ماقصرتون معاي
استفدت من كلامكم حييييييييييييييييل وان شالله اسوي اللي قلتولي عليه
موفقين يارب ياكريم

 

[جولينار]

موضوعك نايس

بجمع افكاري وارد لك

 

[ام شووووق]

خلج على طبيعه احسن

 

[جولينار]

شوفي ياقلبي الصبغه اخترت لك لونين لاثالث لهما


اصبغي احد هالونين كل واحد يقول الزود عندي


هذي بني رمادي راااااااااااااايقه وذووق










واللون الثاني صبعة ديما بياعة روووعه وفيها جراءة وغرابه اسود مع خصل ازرق واشقر واظن اخضر بعد









هنا اوضح










وشعرك لاتقصينه ابد ابد ابد حدديه من تحت واكتفي بغرّه مايلة تعطي وجهك جمال وجاذبيه مع هالغرّة










بالنسبه للبس انا مع اختي توم اند جيري شيكي على ركن الازياء والاكسسوارات

والميك اب خليه ناعم قلوسات درجات البنكـ

وبلاشر واي لاينر فوق العين واهم شي الرموش ضبطيها بالمسكرة

ولاتنسين الحواجب تكونين مزينتها بأحلى تشقير

ونعيما مقدما ياحلوه ,,