تعالو شورو علي ><

[3aly mstway]

السلام عليكم


خواتي انا حالات الاجهاض تكررت عندي :eh_s(2):

وكل مارحت مراجعات وقت الحمل مايبين لحالتي شي ويستمر الدم طول فترة الحمل وكل مراجعاتي بالهادي و طيبه كلينك ..

يقولون لي مافي جنين بس دم وبعد فتره ينزل الجنين :eh_s(10):


تعبت نفسيتي ماعاد اعرف شنو اسوي اللي لها اجهاضات متكرره وسوت فحوصات تعلمني ...

شنو الدكاتره اللي متخصصين بهالسوالف علموني :eh_s(2):

و ادعو لي ربي يرزقني ويعوضني ويشفيني

 

[زيووونتييي]

حبيبتي ما عندي خبره

الله يعينج ويصبرج ويرزقج بالذريه الصالحه يارب

 

[3aly mstway]

تسلمين حبيبتي

رحت الهادي مريت على ست دكاتره ويشخصون حالتي ولما اجهض يطلع تشخيصهم غلط هم يعترفون


وتبت ماعاد اراجع عنده

 

[زيووونتييي]

الهادي ترا مو ذاك لزود انا بعد بحمالي الاول تشخيص الطفل كلش ما كان عدل مع اني مريت على كذا دكتور من رئيس القسم لي الطوارىء محد قالي حجم البيبي صغير الا دكتور اشرف بالسلام وكنت رايحه جذي صدفه وعرفت كل شي

وبحمالي الحين بعد معطيني حساب غلط

انا ما ابيهم بس لانه دكتوري اللي ولدني محسن طلبه كان مسافر وماعرف غير الهادي اخاف فعشان جذي رحت مؤقت والحمدالله انه دكتوري رد

بس شلون تقولين حامل ويقولون ماكو جنين ودام ينزل دم وقتها ما عطوج شي ولا قالولج شالسبب

 

[3aly mstway]

مادري وتخيلي قالو اكياس دم برحم ..!!!

ونفو كل اللي قالوه يوم نزل الجنين


غير ان ماكو اولويه للي حالته خطره نطروني ساعه والله دموعي على خدي

 

[نبنوبه.!]

حبيبتي سوي تحاليل الاجسام المضاده
واذا حملتي مره ثانيه ان شاء الله اللزمي الراحه واقري البقره بنية الشفاء وثبات الجنين و الاذكار

والله يشافيج ويعافيج و يرزقج الذريه الصالحه عاجلا غير اجلا

 

[قـــمـــرهم]

يا حياتي الله يرزقج بالذريه الصالحه و يعوضج خيييير يارب عاجلا غير اجلا انتي وكل محرومه يااارب


انا ماعندي خبره بس لاتروحين للدكاتره اللي بالمستشفيات

روحي لخالده المجيبيل برويال حياة حيل يمدحونها مع اني ما جربتها

ويمدحون اميره بهبهاني عيادتها بالفروانيه



خلاص انتي جربتي الهادي استخيري وروحي لمكان ثاني غيره

والله يدليج ع الدكتور اللي يعرف حالتج ويكون علاجج بايده من بعد الله ...

 

[زيووونتييي]

العيادات الخاصه هم مو ذاك الزود المستشفيات ائمن

 

[Q8_QT]

حبيبتي الله يعوضج ان شاءالله
شوفي آنا يبت ولدي البجر طبيعي وكان حملي طبيعي مافيه مشاكل ومن بعدها كنت احمل ويصير اجهاض بدون سبب واضح وحملت مرة خارج الرحم بعدها سويت اشعة صبغة والاطباء اختلفوا ناس قالولي سليمة وناس قالولي عندج انسداد بالأنبوب وسويت طفل انابيب بمستشفى الصباح والحمدالله حملت الله يتمم علي واشوف ضناي بحضني يارب ليش ماتسوين اشعة الصبغة يسوونها بكل مكان وهم سوي تحليل اجسام مضادة ويارب يرزقج الولد الصالح عاجلا غير آجل

 

[ام عفراء]

روحي الصباح راجعي

او شوفي دكاترة متخصصين بحالات الاجهاض

مو اي دكتور نساء وولادة يكون شاطر ..

 

[ام الحلوااات]

اللـــــه يـــعــــوضــــج ويــــفـــــرح قــلـــبــــج بــاالــحــمـــــل الــســلــيـــم والـــثـــابـــــت
عـــــــــــاجـــــــلآ غـــــيييــــــر آآآجــــــــــــل
يـــاااربـــــــــي يـــاااكـــــــــريـــــــم



ااااااااااااااااب​

 

[كنوستي]

لا تتعب نفسيتج ولا شي انا اجهضت كذا مرة وسويت تحاليل طلع مافيني شي ولما حملت عطوني مثبتات وخذيت اجازة من الدوام وريحت لين ثبت الحمل يعني لا تشيلين هم بتحملين ان شاءالله وبتقر عينج بشوفته وبتيين تشتكين من ازعاجه

 

[3aly mstway]

فديتكم


بس بنات انا كل الحملات ينزل دم من اول ما احلل ومايوقف لين اجهض اكيد في سبب ثلاث حملات

وريحت ولا تحركت وهم اجهضت

 

[قـــمـــرهم]

اقري على نفسج

المعوذات و الرقيه الشرعيه
اذكار الصباح والمساء

 

[gorgeous lady]

الله يرزقك بالذرية الصالحة يارب وان شاء الله الحمل الجاي يثبت حملك وتفرحي بالبيبي وتبشرينا

 

[رووو الروح وووح]

يمكن معاج التابعه دام تحاليلج سليمه
وهي اللي ماتخلي الحمل يكمل
اقري من الحين الرقيه الشرعيه طلعيها من النت
واقري البقره واذا حملتي استمري عالرقيه والبقره
ليما تولدين واخذي معاهم حبوب مثبته او ابر مثبته
وعسا الله يرزقج بالذريه الصالحه

 

[نـور الكويت]

ي قلبي عسى الله يرزقج ويعووضج خييير

انا عندي تروووحين حكوووومه احسن عند استشاري

يعرف عندج سبب الاجهاض من تحاليل كل شي يسووونه لج

وانا اجهضت ع الخامس من حملت وانا تزيف وكنت متأخره عن الحمل

ورحت راجعت بالعدان الدكتوور ابو بكر شااااطر ما شاءالله بَـßÊـسّ سوالفه ماتخلص

روووحي وشووفي عن عمرج والله يرزقج ي قلبي

 

[نـور الكويت]

واقري سورة البقرره وحصني نفسج ولا قريتي البقره حطيلج دولكة ماي وانفثي فيها اذا وصلاي ايه ٥٠ انفثي ١٠٠ انفثي ١٥٠ انفثي لين تختمين الصوره

واكثري من الاستغفار ولا حملتي حاولي ما تعلمين احد اخاف معاج تابعه

 

[ربيع_الروح]

شوفي في أكثر من سبب للإجهاض

بس محد يقدر يحدد بالضبط السبب إلا الدكتورة

جربي مستشفى ثاني غير هادي وشوفي شنو يقولون

روحي رويال حياة أو دلال السالم كلهم زينين

وإن شاء الله تبشرينا بحمالج قريب

 

[مروووم]

اعرف وحده بالدوام صار معاها جذيه 3 مرات اجهضت ولله الحمد الحين الله رزقها باحلى ولد حبيبتي لا تياسين وروحي دكتوره اسمها جميله بالفروانيه اهي عالجت عندها
والله يرزقج بالحمل السليم والذريه الصالحه