تعالو شوي ابي شورتكم ؟

[Om.saad23]

السلام عليكم بنات

بنات انا مامدح نفسي بس شقولكم
انا جميله عيوني حلوه وشفايفي ورسمه وجهي
بس خشمي من قدام عادي بس متفوخ شوي ومن ع الجنب حلوو
مناسب رسمه وجهي وابسامتي حلوه واسناني من الله مصفوفه وبيضه
شعري لكم عليه كيرلي بس اعالجه بالكولاجين وانا الحين حامل
موقفته


بنات مشكلتي زووجي
اليوم راده من بيت اهلي متمكيجه ومتسبحه
شعري مرتب لابسه باند وبجامه شوي ثقيله لاني بردانه

قعدت اسولف معاه بالسياره
واحس من كلامه انه مايبي ينام عندي اليوم لييش
لاني ماتغديت عدل وغداي كان كورن فليكس ككاو

قلت له بتعشى بعد شويه لاتحاتي المهم وصلنا و فصخت
قعد يسولف لي واهو ماله خلق يبي يطلع
جان ينزل ع الارض تخيلوو شقال
تدرين وجهج يذكرني بشنوو كان يرفع بسطار الدوام ' بوت الجيش
قلبه وقعد يقلب فيه جان اقوله نعمم جان يقول لا بس اشوف كم مقاسه
اقصد قرد لالا انتي قمر

واسلوبه له كم يوم ماغير يناديني ي حيوانه اسمعي
ي كلبه شوووفي
وانا اتضايق بس اقول بخاطري يمكن مو قصده
بس الحبيب مقزرها بهالاسلووب

وسلامه قلبكم

 

[اميره بكلمتي]

عادي قلبي شوفيه قوليله بضحكه شقصدك ؟؟؟
اذا يقولها بضحكه طوفي بعدين عادي اغلب اللي يحملون يمرون بهالتجارب يمكن عشان النفسيه

 

[فروحته]

يمكن اهوا يحب يتغشمر معاج و يغير من نفسيج بهالفترة
لا تتحسسي منها اكو الي يحب هالاسلوب انا احبه مع رفيجاتي
انتي سأليه نفس ما قالت اميرة و شوفي شنو قصده
و ربي يوفقج حبيبتي ولا تضايقين

 

[شندوخه]

عااادي حبيبتي ترا غشمره الرياييل بايخه وثقيله جذي

 

[سعادة قلبي وياه]

لا حبيبتي لا تعودينة يناديج بهالالفاض بكره يتعلم تررررى حااااسبي

قوليلة انا حامل وما استحمل هالكلام يا اما تقول كلام طيب او اسكت ابرك

 

[Kocheko]

عادي حبيبتي أيننج يمكن ..
بس دامج حامل وأتحسسين قولي له لا تقولي هلكلام ما تقبلة

 

[shak!shoka]

لا والله هاذي ما يسمونها غشمره و غلطانه ضحكتي
ع الاقل بيني ردت فعل انج زعلتي وما ترضين بهالغشمره

انا ما اشوف حركته تضحك ولا فيها خفة دم

الريال مشكلته غشمرتع ثقيله بس حد علمي مع زوجته يتحفظ و يراعي

نصيحه بينيله انج تضايقتي من حركته ترا باجر يزيد و جدام عيالج على بو يتغشمر يسفل فيج وعاد تعالي فججي

 

[Tom ♥ Jerry]

آستغرب من البنات الي يقولون عادي و طوفي ..
تخيلو رياييلكم يقولون لكم حيوانة و ويهج جنه جوتي تكرمون ومآدري شنو ؟
ترا كلش مآفيها غشمره السالفه!!!!
الغشمره لها حدود .. الآحترام قصب على الطرفين و لآزم بالعلاقه الزوجيه!!
كلميييييه لا تخلين السالفه تعدي عادي

 

[كاملة الدسم]

قوليله انا ماحب هالغشمرة وشنو حيوانة كلبة وين قاعدين اذا عادها عطيه نظرة وطنقري عليه قولي لا تكلمني بهالالفاظ ماحب
الغشمرة لها حدود حبايبي لازم زوجج يحط لج قدر ويحسب حسابج وخلج واثقة بنفسج حتى لو ماكشختي عادي مالج شغل فيه

 

[سعادتي بقربه]

[size="7"[/size]​

حبيبتي الغشمره لها حدود
وسالفة يناديلج حيوانه وكلبه ويشبه ويهج بالجوتي هذي للاسف قلت ادب واسلوب واطي جدا ﻻ ترضينها على نفسج ابدا فكرامة الزوجه اذا تنازلت عنها في بداية حياتها على بو غشمره ماراح تلاقين لج ﻻ كرامه وﻻ قيمه مع مر الايام
ﻻ تسمحين له ابدا باهانتج والانسان واجب احترامه مهما كان شكله فما بال انج زوجته وحامل بولده
الله يهديه ويهديج انت اللي تسمحين له ان يتعامل معاج ب هالاسلوب

 

[popa]

حذفيه بالبسطار وقوليله اوبس بالغلط

 

[Pink_Roses]

هالشي ما ينسكت عنه لازم يكون في احترام بين الطرفين اهوا يرضى تقولين له وجهك نفس الزنوبة ؟؟؟؟ جربي وشوفي

خوفج هذا باجر يغلط فيج جدام الناس



انا ا ستغرب من الناس اللي تستعنل هالالفاظ كلبة وحيوانة علبوا ان الميانه طايحه

هذي يسمونه قلة أدب


الله يعينج حبيبتي اذا زوجج هذي الفاظه

 

[بدون بس مغتربه]

اذا فجأه جذي بدا معاج اكيد احد محرشه عليج... بس انا افضل تحقرينه ولاتعطينه ويهه ولا حتى تلبسين له نطري كم يوم وشوفي .. هاا على فكره اقصد لاتبسين قميص نوم لبسي لبس حلوو وتكشخي ونامي وحقريه وان سال ليش قولي ماحب غشمرتك تالي الليل واسمع كلام مو حلوو الف راسي وانام احسن لي اعتقد ان كان عنده مروه راح يحس على حاله