تعالو شوي استحي اقول

[زهريه بيضاء]

السلام عليكم
انا الحمد لله ولدت من 4 ايام طبيعي
بس االمشكلة من ذاك اليوم وانا ماخرجت يعني <<<احم احم مع اني اخذت من الممرضه شي لونه اسود تقول هذا ينزل اللي في البطن بس ماصار ولاشي والحين بطني يعورني اللي تعرف او مرت بالشي تقولي الله يجزاها خير :eh_s(16):
وبعد صرت متنفخه ناس يقولون زلال :eh_s(22):

 

[طبعي السموحه]

رد : تعالو شوي استحي اقول

عادي حبيبتي ممكن يصير امساك بعد الولادة وانا مريت بهالشي ... انتي طلبي من دكتورتج ملين والامووووور بتكون سهالات..

ومالاداعي تستحين وانا اختج...

ومبرووووك ماجاج يالغالية...

 

[رووحي تحبك]

رد : تعالو شوي استحي اقول

الحمد لله على السلامه

والف مبروك المولود..

اختي شلون يطلعونج من المستشفى وانتي ما خرجتي؟! >>> راجعي دكتورتج

لان اللي اعرفه ماتطلعين من المستشفى الا وانتي مخرجه

والحبوب السود ملينه عشان تخرجين تكرمين ويكرم القارئ

 

[Diva-Q8]

رد : تعالو شوي استحي اقول

المفروظ تكتبلج على مسهل حبوب لونها اصفر صغار نسيت اسمهم

تسهل العمليه بدون تعصر عشان جرحج

ماتخلي غازات ولا شي إلا ماطلعه احسن من الحبوب السود اعرفهم اسمهم حبوب فحم علبتهم صفرا هذي كانوا يعطوني اياها حق القولون تمغص البطن وماكو شي

لا اخذي الثانيين احسن علبتهم بيضه فيها خط اخضر اووووووف والله مادر يوين حاطتهم جان عطيتج الاسم وفكيتج

روحي خل تكتبلج عليهم او اخذيهم من الصيدليه والحمدالله على سلامتج

 

[عذبة الأوصاف]

رد : تعالو شوي استحي اقول

الحمدلله ع السلااامة ومبروك ماجااااج..
تبين نصيحة أخت.الحبوب البنية الغامجة اللي علبتهم لونها اصفر مو؟؟ هذووول روعة وحدة بوحدة تسههههلج ع طول
أصلا تجيب الإسهال أذكر لمن ولدت اكلهم يريحون وانتي جربيهم والله ماأعرف إسمه بس بالصيدلية ينباع وموزين تسكتين عن نفسج دام لج4 ايام مو مخرجة عزكم الله

 

[اوراق التوت]

رد : تعالو شوي استحي اقول

عادي حبيبتي طبيعي هذا وماشاء الله الاخوات ماقصرو معاك باسماء حبوب ملينة موفقة

 

[ام زاكي]

عادي حبيبتي انا بكل عيالي اقعد 6 ايام ماادخل الحمام لانه تكرمين بعد الحقنه ينضف البطن عدل

 

[ام زاكي]

رد: رد : تعالو شوي استحي اقول

الحمد لله على السلامه

والف مبروك المولود..

اختي شلون يطلعونج من المستشفى وانتي ما خرجتي؟! >>> راجعي دكتورتج

لان اللي اعرفه ماتطلعين من المستشفى الا وانتي مخرجه

والحبوب السود ملينه عشان تخرجين تكرمين ويكرم القارئ

لا حبيبتي تكرمين البول اهو الي ماتطلع من غرفه الولاده الا لازم يخلونها تقضيها

 

[qowafy]

رد: رد : تعالو شوي استحي اقول

مبروك حبيبتي ماجبتي ,,وعادي هالشي بس انت اخذي ملينات عشان مايحوشج امساك لاينفج اخياطج......وعليج بالنقوعه بعد الاكل تنظف بطنج وتلمج..الي اهي م.ك عنزروت وك.ص مره.وم.ص محلب حطيه بطل ماي صحه وترسيه ماي وخليه بالثلاجه وطلعيه قبلها بوقت قبل لاتشربينه.. عشان يدفى شوي.......وماتشوفين شر.

 

[أم العوش]

رد : تعالو شوي استحي اقول

الحمدلله على سلامتج وماتشوفين شر .. ماتاخذين لهوم ؟؟ اللهوم وحدة بوحدة تمشي البطن

 

[زهريه بيضاء]

مشكورين حبيايبي
والله حسيت اني جالسة بين اخواتي
جعله في موازين حسناتكم

 

[((قاهرتهم))]

رد : تعالو شوي استحي اقول

اكلي تمر

وشربي ينسووون​