تعالو ( قروب استراليا )

[al-fad3h]

ياابنااات اشلونكم وش اخباركم....
حبيت اقولكم واخيرا حجزت مع المستقبل رحلتي الي استراليا بس للأسف ما اعرف
منو القايد ...
خلونا نشوف منو معاي بالقروب رحتي تبدأ بتاريخ 2011/7/2 الي ( كويت - سنغافورا
سدني - قولد كوست - كوالامبور- كويت ) وحمدالله على سلامتي وسلامتكم ولي بيروح
معاي بالقروب . *​

 

[قلبي القرآن]

رد: تعالو سفريات المستقبل ( قروب استراليا )

الله يتمم عليج
بجم الشخص اذا مافيها احراج ؟؟
وجم مدة الرحله ؟؟
وفي حجز الحين اذا ابي ؟؟
بخاطري استراليا​

 

[al-fad3h]

رد: تعالو سفريات المستقبل ( قروب استراليا )

هلا فيج وشكرا على الرد مافي احراج عندى مدتها ٢٤ يوم وسعر الشخص تقريبا ١٢٧٥ دينار
وعيالي ٥٩٥ دينار للشخص اليوم حجزت في اماكن محدوده رحلتنا هذي
الثانيه الانه في رحله اولي ٦/٢٩ *

 

[so salt so sweet]

رد: تعالو سفريات المستقبل ( قروب استراليا )

انا رحت مع سفريات المستقبل استراليا ماشالله يهبلوون
بس كانت رحلتنا كويت كوالالمبور سدني قولدكوست كوالالمبور الكويت
وكان القايد طلال الشراح بوراشد ياحلوه ونيس وشقردي ماشالله
رحت سنة 2007 شهر عسل
الرحله ممتعه وايد وناويه اعيدها بس تكبر بنتي ربي يحفظها علشان اونسها معاي
ما انصح ادورون سوق نهائيا بقولد كوست لان ماعندهم شي يسوى وغالي
اللي تبي تتسوق بسدني او كوالالمبور
بالنسبه لسنغافورا مادري مارحت لها
تتميز قولد كوست برحلاتها السياحيه العجيبه والممتعه الغير ممله مثل : دريم وورلد ، موفي وورلد ، سي وورلد ، رحلة رعاة البقر ، رحلة قو بوش ، رحلة الريف الاسترالي ، رحلة باص البطه البريه المائيه ، رحله الى مدينه نسيت اسمها خارج قولد كوست فيها معرض للتسوق اغلبه جلود واكسسوارات حلو كان
بالنسبه لسوق الاحد له اسم معين وفي باص يودي له دايركت ما انصح لان راح تتعبون عالفاضي واشياءه خرابيط مايسوى التعب فيه وراح تطلعون مومشترين منه ولاشي
كثر ماتقدرون اخذوا معاكم جميع انواع الادويه الضروريه وانشالله ماتحتاجونها لان علاجهم بالصيدليه زين سعره بس الكشف عند الطبيب غالي جربنا وغالي نااار

 

[fat]

رد: تعالو سفريات المستقبل ( قروب استراليا )

زين ماخترتي سفريات المستقبل انا مجربتهم العام رحت معاهم استراليا وكان القايد بوجراح (حمد جراح ) وايد زين واتمنالج رحله موفقه واذا تبين شي حاضر

 

[الدلع انا]

رد: تعالو سفريات المستقبل ( قروب استراليا )

أيييييي أنا رحت مع المستقبل استراليا قبل جم سنه الصراااااحه رووووووعه

اتمنى لكم رحله سعيده ؛)

 

[Om*Fa6om]

رد: تعالو سفريات المستقبل ( قروب استراليا )

السلام عليكم ورحمة الله وبركاتة

انا حجزت مع سفريات المستقبل تاريخ 30\6
ورلتنا نفس رحلتكم ( كويت - سنغافورا
سدني - قولد كوست - كوالامبور- كويت ) وصراحة ماعرفت منو القايد ومدتها 21 يوم وانا وزوجي بس
وهذه اول مره نتعامل مع سفريات المستقبل والله يستر علينا وعليكم ولايخسر انشاءالله​

 

[fat]

رد: تعالو سفريات المستقبل ( قروب استراليا )

ودي اشوف اعلانهم عن رحلات السنه الي عندها تورينه الله يعافيها عيزت وادق عليهم ما يردون او موبايلاتهم

 

[الكادي 1981]

رد: تعالو سفريات المستقبل ( قروب استراليا )

انا جربتهم لماليزيا خوااااارة وقايدناااا كان فيصل التميمي كاااان دااايخ والشرهه على اللي حاااطه قاايد

تصدقوون اول مرة يطب ماليزيا معانا وطااايح حمااام سباااحه بالفنااادق ومخلي القرعه ترعى !!!!!!!

 

[المـاسة]

رد: تعالو سفريات المستقبل ( قروب استراليا )

رفع

 

[المـاسة]

رد: تعالو سفريات المستقبل ( قروب استراليا )

الحمدلله حجزنااااا

كويت -سنغافورة - سدني - جولد كوست - سنغافوره-كويت

تاريخ 7 / 7 مدتها 21 يوم


انا و وزجي وعيالي


والله يسهلها علينا وعليكم

 

[fat]

رد: تعالو سفريات المستقبل ( قروب استراليا )

الحمدلله حجزنااااا

كويت -سنغافورة - سدني - جولد كوست - سنغافوره-كويت

تاريخ 7 / 7 مدتها 21 يوم


انا و وزجي وعيالي


والله يسهلها علينا وعليكم

ان شاء الله تسافرين وتستانسين بسفرتج

 

[rawona]

يمنع تخصيص مواضيع عن مكتب سفريات محدد لذا تم تعديل العنوان ..

شكراً

rawona
مشرفة السياحة والسفر
:eh_s(17)::eh_s(17)::eh_s(17):​

 

[المـاسة]

وينكم ماكو احد بيسافر لاستراليا

 

[""عطر""]

مرحبااااااااااا
ياحلو استراليا معت اني اول مره برروحلها بس حبيتها من كثر ماقريت عنها
انشالله رايحه لهت بتاريخ 5-7

 

[micro_girl]

انا بعد اول مرة اروح استراليا ووايد قريت عنها وحبيتها بروح 5-7 بروحنا انا وزوجي ورحلتنا بتصير كويت سنغافورة ميلبرون سيدني قولدكوست سنغافورة كويت وانشالله استانس وتستانسون كلكم

 

[ms_5ajoola]

بنات تنصحوني اروح استراليا مع قروب و لا بروحنا و خصوصا ان اول مرة بنزورها !!!