تعالو كلكم حلو مشكلتي....؟ خصوصا المتزوجات

[ريـاانه]

سلااام بنات...

وربي تعبت كثير من هالسالفه انا حامل وولادتي قريبه ان شاء الله والله يسهلها علي وعلا كل وحده حامل يارب

السالفه ان بولدي الاول زوجي سماه علا ابوه ماقلت شي بالعكس استانست والثاني سماه علا اخوه وبعد ماقلت شي

الحين شفت السونار وقالت الدكتوره بنت قال بسميها علا امي وانا صراحه ماني متقبله الاسم لانه قديم ومايصلح علا بيبي

وهو كل ماكلمته بالسالفه رافض نهائيا يغير الاسم اقتعته بكل الطرق يقول سكري الموضوع والله ضايق صدري

وافكر بالموضوع كثير شالحل

 

[ام فواازي]

عادي انا بنتي على اسم امه واسم امه قديم بس مو شين لكن انا اكره هالاسم من قبل اتزوجه مااحب هالاسم من كنت بالابتدائي جذي من الله بس رضيت بالامر الواقع و الحين شحلات اسمها عادي تقبلته وحبيته 18 سنه كارهته والحين مثل العسل على قلبي
فلاتسببين على نفسج مشاكل على اسم عادي مارضى خلاص انتي ارضي

 

[فوفو22]

رايي الشخصي

لما اسمي على امي او ابوي

او هو يسمي على امه وابوه

مو عشان حلاااااات الاسم

عشان غلاه راعي الاسم

فاذا عرفتي هالغمنده............على قوله الفنان ابراهيم الصلال

وصلتي للحل المطلوب

فوفو

 

[yam_yam]

عادي شنو المشكله

انتي بعدين دلعيها باسم ثاني

 

[بنتي شبيهتي]

بصراحه صج لو انتو بمكانها راح تتضايقون لاتقولون لا لانه سما ع ابوه وع اخوه بعد يبي يمي ع امه شالسالفه عاد قلنا غلا بس مو لهالدرجه باجي يسمي ع اسم خدامتهم هذا اللي ناقص
اختي قوليله انت سميت انا بسمي بعد موبس انت تسمي وقوليله اذا مصمم وخلاص بسمي ع امه قوليله الياهل اللي راح احمل في بعدين انشاءالله انا اسمي
وبعدين لاتحرين نفسج ع الفاضي خلاص طولي بالج وهدي

 

[ليه الجفآ]

انتي شوري عليه بلاسم اللي تبين اذا وافق كان بها ماوافق خلاص

والله فشله تصير زعله على شنو والله ماابي أســم امه ..!! كلش موحلوه عليج

اسم امه بعد شنو تبين تسوين ؟


الله يهديه لــج



..​

 

[أم الغزلان]

اقترحي الاسم المقارب لها...يعني منيره ..مناير,,غاليه غلا

وصدقيني راح تفتخر بهالاسم انها ع جدتها..

وتكبر ويكبر اسمها معها...

واذا قال ليش اقتنعتني قولي من بر الوالدين انك تسمي ع اسمهم..وتستاهل اللي يسمي عليها...وراح ان شاء الله اذا ولدتيها بالسلامه تصير اغلى وحده عندهم وراح يقلدج الكل ويسمي مثلج...

 

[عهد الغرام]

بتعشقين الاسم لإصار عليها توكلي ع الله

 

[احلى ديما]

حبيبتي خليه يسميها بالاسم اللي يبيه وانتي من اول ماتييبينها دلعيها باسم مقارب له او الاسم اللي تبينه وخلي اخوانها بعد ينادونها فيه واهلج وبجذي بيصير اسمها اللي مو عاجبج عالبطاقه بس اما اسمها اللي الكل يناديها فيه انتي اللي مختارته

 

[Gifts&Occaions]

الله يعينج

 

[tbola]

ماعليه كلمي بالهداوه جود يقتنع

 

[Perfume]

والله مادري شقولج حبيبتي
اذا في وحدة بالعايلة نفس الاسم قولي له مابي اكرر الاسم
واذا مافي اقترحي مثل ما قالت ام الغزلان اسم مقارب

 

[عجميه ذوق]

انتي شوري عليه بلاسم اللي تبين اذا وافق كان بها ماوافق خلاص

والله فشله تصير زعله على شنو والله ماابي أســم امه ..!! كلش موحلوه عليج

اسم امه بعد شنو تبين تسوين ؟


الله يهديه لــج



..​

أنا معاها

 

[*النـــــوف*]

ماحب جذي انا سميت بنتي الاولى على امه .. واسمها قديم وليلحين متحسفه .. ولمن جت بنتي الثانيه كان بيسميها على اخته وهم اسمها قديم .. بس ماسكت واصريت اني ما اسميها وقتله الغلا بالقلب مو بالإسم .. وظليت احن على راسه ليما قرر انه يخليني اسمي بكيفي .. طبعا الكل إنصدم لمن سميتها غير لان كان قايلهم بيسميها على اخته .. طبعا الكل زعل بس للأمانه مالهم حق يعني انا أحمل فيها تسع شهور واتعب ويصير لهم الحق أكثر مني ..
إذا الإسم مو عاجبج لا تسمين حرام تظلمين البنت بإسم قديم الولد عادي بس البنت لا .. بنتي الكبيره اللحين بالمدرسه ومو متقبله اسمها عورت قلبي كل شوي تقول للبنات وابلاتها أسامي ثانيه .. أحس من صغرها كارهه اسمها

 

[Patcholli]

حبيبتي قوليله انت سميت 2 خل الثالث علي

 

[ملوكـه]

مااحب هالطريقه
انه اسمي على احد !!!!!!!

خاصه اذا كان الاسم قديم ومو دارج
ظلم للبنيه بعدين بين رفيجاتها اسمها قديم

 

[ام الحلوااات]

الــحــيـــن طــنــشــي وهـــدي الاوضـــاااع وبــعــد فــتــرة حــــاولــي تــكــلــمــيــنــه بــاالــمــوضــوع
قــولــي امــك بــعــيــنــي وعـــلــى راااســـي بــس انــا خـــاااطـــري اســمــي هــاالــبــنــيـــه لانــي مــاسـمــيــت احـــد مــن عــيــاالــي وطــالــبـتتــك لا تــردنـــي 9 شــهــور وانــا حــامــل وتــعــبــانــه ومــتــشــوقــه لــبـنــيــتــي ابـــي احـــــس انـــي ام فـــلا تــحــرمــنــي انــي اســمــيــهــا

واللـــه يــهـــديـــه ان شـــــــآء اللــــه​

 

[هذا مزاجي]

ياسلاااااااام خلااص عاد كافي انانيه
سمى على ابوه واخوه والحين بيسمي
على امه :eh_s(14):
اناا لو مكاانج مااوافق اناا لي حق بعد
بتسمية البيبي :eh_s(11):

كلميه بهداووه اذا مانفع دزيله مسسج لما
يكوون برا دزيله واطلبيه باسلووب حلو
واذا مانفع اذا دش البيت ابجي بدلع قداامه :ggdw:
هذي الحلول اللي عندي وان شاءالله
تنفع معاااج
واذا مانفع معاج شي ارضي شتسووين بعد :eh_s(2):

 

[الجمال العربي]

شسم امه عمشه ولا شقحه ولا قرقاشه

مونفس صيته ولا بربوره احمدي ربج هههههههههههههههههههههههههههه


زوجووووووووووووووووووني وعنه سمى بنتي على اسم سيارته

 

[عن النسآ أفرق ~]

-







اممم قوليله انت تسمي الصبيان و انا البناااات
عادي , حآولي اقنعيه
الله يهدي الامور ..

​