تعالو نتبادل الاراء فى زياده الدخل

[!كويتيه!]

السلام عليكم

اشلونكم كويتيات اليوم موضوعى كل وحده تقول خبرتها

فى زيادة دخلها وشنو احسن الطرق لزيادة الدخل

وابي تفاعلكم :eh_s(6):

 

[ام يوسف 2007]

وعليكم السلام ورحمة الله وبركاته

للأسفما عندي اي فكرة مع انه عندي مواهب واايد بس ماعرف استغلهاااا
اصلا انا ابي احد يعلمني شلون امسك ايدي وما اصرف وايد
تحياتي لج

 

[carrot^cake]

والله انا ما عندي طريقة للزيادة
اعرف انقص بس

 

[كل شي فيني اكتمل]

الاستغفار و الصدقة
تقنين المصاريف من الدخل الحالي عشان يكون في مدخرات ممكن تشتغلين فيها و تنمينها

ا- انك تسألين نفسك قبل لا تشترين عن اهمية الشي الي بتشترينة واذا ممكن تستغنين عنه او تلقين بديل بسعر انسب
ب-تصرفين فلوسج بمبدأالاهم فالمهم يعني تدفعين اقساطج و ديونج بعدين تلتفتين للكماليات
ج-تستغنين عن الاقساط و تشترين كاش (تستغنين عن الكردت كارد.. الله يخلصني منها يارب )
د- تحطين لج هدف بالتوفير يعني هالشهر بوفر 50 عقبه 100 و هكذا
ه-دشي جمعيات و يمعي منها احسن من القروض
بعد ما توفرين لج مبلغ ممكن تدخلين تجارة صغيرة او تشترين عقار ..الخ
هذا الي اتذكره الحين وانا ترى على هالنصايح راتبي يخلص عقب اسبوع باب النجار مخلع



بس هذي خلاصة افكار قريتها و سمعتها و اتمنى اني اطبقها
و افيد منها المسلمين

 

[شرطيه حلوه]

والله أكيد بمشروع تبدين فيه صغير بعدين تكبيرينه

 

[هند الرشدان]

انا بسبب ظروفي الماديه الصعبه لااقدر اجمع ولااقدر ادخر ادعو الله يفرج الدين اللي علي

 

[*جبرني الوقت*]

وانا بعد وياكم

كل ماقلت بجمع فلست من ثاني يوم

 

[عرموشة]

ما ادري احس ما عندي اراده اجمع مع العلم ان الخير واجد

 

[نـ(المطيري)ـازكـ]

شوفي انا ماعندي معاش .. بس عندي اعانة طلبة ..

بس اللي اشوفة بنفسي .. وبدخل الوالد ..

ان المعاش او الاعانة طايرة قبل لا تنزل بالكشف << ليش

لان مسوين حساباتنا حده حده <؛< غلاء المعيشة

 

[hatoona]

اولا وهذا المهم وقبل كل شي حطي عندج صندوق للصدقات على كمدينتج وقطي فيها كل يوم او يومين بالاسبوع الي الله يقدرج عليه ومثل ما تعرفون ما نقص مال فيه صدقه وبتشوفين النتيجه بعينج خير ورزق ماشالله وقبل لا تقطين المقسوم انوي رالرزق الحلال وسداد الديون وشوفي النتيجه ما راح تردين خايبه انشالله
دشي جمعيات لان احنا الكويتيات ايدينا مخرومه وما يمسكنا الا الالتزوام بقسط او جمعيه
تحديد الاهم من المهم
كافئي نفسج يعني اذا عدى الشهر بدون مصاريف زايده وقدرتي توفرين اشتري لنفسج هديه
حطي خمس دنانير بكل جنطة ونسهيهم عشان لما تبطلين الجنطة تتفاجئين ان لج فلوس فيهم
وانشالله يالرب يوسع عليج وعلى كل البنات يارب

 

[عاشقه القيصر]

خشي 20 دينار بحصاله وكل شهر 20 وشوي
وادعيلي

 

[malekatsabaa]

والله زياادة الدخل ..يبيلها مصدر رزق ثاني

وعشان تسوين لج مشروع ..لازم توفرين بالاول ..ولما يصير عندج المبلغ ..
دشي المشروع الي يناسب اهتماماتج وقدراتج الماديه والمعنويه

واذا لقيتي طريقه اسهل علميناااا

 

[StrOnG WoMeN]

تسلمين ع الموضوع
ولي رجعه في حق الزياده وطرق الدخل الثاني
من اهم مايجيب الخير للشخص الصدقه مهمه جدا
وانا راتبي ع قدي ولكن مسؤوليات فوق الطاقه
بس الي مخليني بين فتره وفتره يكون عندي المال طريفتي بالجمعيات
والحين قررت اغيرها
بمشاريع ثانيه
سبق سويت لي مشروع ودخلت في معرض
وراح ارد اسوي مشروع ثاني وثالث لين اتعود والانسان يبدا من الصفر
لو بديته خسره مع الوقت ان شاء الله يجي الربح
واهم شي انقسم المعاش
ومشكوره
راجعه لكم

 

[حياة زوجي]

بنات ما يبيلها شى
انا فتحت حساب بروحه من بنك ثانى وكل شهر اسوى استقطاع 30 دينار
حق لحساب الثانى والله ناسيتهم وما ادرى جم اوصلو
وانا مخليتهم للزمن

 

[baby johnson]

حياة زوجي صح كلالالامج والله يبيله حساب ثاني حق الموظفات
بس بما اني ليلحين طالبه وعلى الله وعلى الاعانه ومصروووف ابوي ماخش شي
بس لووو بتوظف يا ادش جمعيااااااات يا افتح حساب ثااني

 

[غير كل الناس]

افتكو من الاسواق الشعبيخ ودخله الجمعيه والشي اللي ماله داعي ماله داعي

 

[د-سوسه]

والله انا عجبتني طريقه وحده من البنات كانت كاتبتها اهني ..
تدفع التزاماتها اول ..واتحط ظروف فيهم مصرف اسبوعي لها 50 مثلا ..وتحدد مبلغ 150 حق الاشياء الي تشتريها حق نفسها والباقي اتخشه..حلوه هالطريقه انا بحجربها من هالشهر لا نها منظمه مع اني انا قبل ايمع والله.. احدد مبلغ اول ماينزل المعاش علي طول اسحبه واحطه بتجوريي والباقي اخليه بالبنك اصرفه عادي والفلوس مااجيسهم كلش طبعا اشوي شوي تعلمين نفسج واذا احتجت حق شي طاريء اتسلف من نفسي واردهم الشهر الياي مرات والحمدلله
بنات لازم تعودون نفسكم اتخشون يعني عيب احنا موظفات وحالتنا حاله لو اتييج مناسبه اخر الشهر ولا تمرضين ماعندج فلوس اتروحين الطبيب !!

 

[بطبوطة ونطوعة]

نصيحة من اخت شوفي انا بديت فيها صارلي شهر

لما يصير عندج ريوق ولا شي لا تطقين الصدر وتقولين انا ادفع نطري شوي لانه اللي جدامج راح يدفع حساب نفسه ( لانهم متعودين انج تدفعين )

ثاني شي اذا بيعطيج احد من اهلج ريلج اخوج ابوج لا تقولين لا ما ابي اخذي ولا تقولين لا اذا تبون اعطيكم

والله يا انج تلاقين هالرفيجات متستانسات بمعهاشهن وانتي تطالعين وتقولين انا اللي اعزم وانا الفقرانة

وفي بعد طريقة ثانية انا سويتها وفادت وبرد اسويها مرة ثانية

شوفي انا كنت اموت على السوق ( ولا زلت ) والمكياج احب ايمعه عشان بس اقول انه عندي

قمت شسوي اذا شريت شي بعشرة احط نفس المبلغ بالحصالة ( طبعا حصالة فخار بدون قفل )
واذا شريتي شي 20 حطي العشرين الثانية بالحصاله بس عشان تشوفين نفسج شكثر صرفتي

والله يرزقنا من طيباته

 

[حلم الطفولة]

رفع

 

[أغلى الأثمان]

الميزانيـــــــــــــــــــــــــــــــــــــــــــــــة

المشكلة التى ليست لها علاج .................................................. لكن بالارادة تقدرين على كل شيء صعب


إذا ما هو العمل ؟

ظروف للتقسيم المعاش للصرف الاسبوعي 50 * 4 اسابيع = 200 دك

للحصالة للصدقات كل اسبوع ............ اساعدة فيها على بناء مسجد او صدقة جارية او الخ......... 3 دك في الشهر مثلا

قطيه بين الاهل ونسمية صندوق العائلة للطوارء فقط 120 دك

دخل اخر مثل محل أو شركة أو معارض إلى الخ ......................[ حساب مفتوح ]

نستخدم مربع [ مهم وغير مستعجل ] لان هذى المربع للناجحين فقط


المشكلة اذا كان صافي المعاش 50 دك شتسوين .......................... اعتقد ان نشيل سالفت المزانية

لان الميزانية تبيلها راس مال

مع تحياتي.............................