تعالو يا بنات بفتحلكم نفسي وقلبي وابواب مكتبتي وبنغوص بتفاصيل حياتي وأغوارها(بالصور)

[Anastasia]

السلام عليكم
.
شلونكم حبايبي .. أحباب الكتب
.
اليوم قعدت من العصاااري لييين الحين دقة وتدقيقا وأنا أصور وأصغر الصور وارفعهم .. عشان احط صور مكتبتي بموضوع حبيبتنا أم عبدالمحسن ..
تعالي ورينا كتبتج .. الكل يشاارك :>

وصراحة قلت على هالتعب خن احط موضوع بريحاته عشان احلل هالتعب
.
..

.
المهم نبدي ؟
هاذي مكتبتي مسكرة خن نبطلها ..
.
url=http://www.0zz0.com]

[/url]
.
فاصل >>>
واااااي بعد جبدي آنا .. طاعو طااعو هالكورنر يم المكتبة المدعووس شوفوا الملفات والكتب اللي واصلة السقف ... هاذي كتبي وملخصاتي وامتحاناتي ملوت رابعة ثنوي نظام فصلين وااااااااي مو مصدقة تخرجت وافتكيييت الحمدلله
>>>جني عريت خخخ
.

.
نعود لمحور حديسنا ...

هاذي المكتبة وبطلناها ..واااايي فشلاااااه نسيت ارتبها لا تطالعون سوو روحكم ماشفتوا شي
.

[/url][/IMG]
.
يالله خنرتبها مع بعض =) خنطلع الدثرة ..
أول دفعة .. هاذي الروايات الصغار المصرية .. هاذي غرااامي ومن كنت بالابتدائي .. الحمدلله امي جدا متبحرة في مواضيع التربية فكانت تدربنا عالقراءة والكتابة من صغره .. وماشالله الحين شزينا جنا البخت خخخخ
.

.
شوفو معاي .. السطرة الأولى هاذي ألغاز (تختخ ولوزة ونوسة وربعهم ) هذيلي مجموعتي الأثرية من كنت بثانية ابتدائي وقبلها امي كانت تقراهم لي تخيلو !! طبعا مو المجموعة الكاملة لان أغلبهم ورثتهم حق أختي الصغيرة وضيعت منهم =(
.
السطرة الثانية هذيلي سلسلة فنتازيا .. لأعظم وأجمل كاتب بالدنيا كلها .. د.أحمد خالد توفيق ..
السطرة اللي تحتها هذيلي سلسلة ماوراء الطبيعة لنفس الكاتب الرائع .. د.أحمد خالد توفيق
واللي تحتها هذيلي منوعين منهم سافاري لمحبوب القماهير د.أحمد خالد توفيق .. وسلسلة لوتس الفرعونية محمد سليمان عبدالمالك .. وآخرون ..
(على فكرة الكاتب الموهوب عبدالوهاب السيد جدا جدا متأثر بالكاتب د.أحمد خالد توفيق .. حتن اغل قصصه ورواياته وحتن عباراته مقتبسه من الثاني حتن اسلوبه شبه مطابق .. الظاهر ان الاستاذ عبدالوهاب نشأ نفس نشأتي خخخ )
.
طبعا عندي جيسه شكبرها ثانية فيها باجي الروايات من طقتهم بس سامحوني ماقدرت أصورهم شكثرهم .. واللي حطيتهم للمثال لا للحصر ..
أنصحكم فيهم .. ايننون ورخااص .. طلبوهم من مكتبه الظمني يوصلون لين البيت ببلاش ..
(ترى مافيني عرج مصري بس أمي كانت تحرص عليهم لأن لغتهم قوية جدا خصوصا انهم يصدرون من نفس دار النشر مالت سلاح التلميذ =p )
.
ألحين المجموعة الثانية .. واهما الروايات ..
السرة الأخيرة لأغاثا كريستي .. أنا بالأصل عندي كل أعدادها بس ..للأسف أنا نص روايات وزعتهم على رفيجاتي قبل العطلة يقزرون فيهم .. فهذيلي مو كلهم حسافة ..
.

.
وهذي صورة أقرب لأهم الروايات اللي عندي ..
.

.
وهذيلي سلسلة روايات هاري بوتر .. هذيلي مشو معاي من أولى متوسط لين العام نزل آخر عدد .. حتن شوفو مجلدتهم يحليلي ومركبتلهم فواصل اسم الله علي سنعة من صغره هههه ..أحبهم ويحبوني
بس مثل مالاحظتو العدد الأول ضايع وناوية أرد اشتريه ان شالله .. والأخير معطيته رفيجتي من سنة يدي وشكلي برد أشتريه بعد ..
.

.


عاد أنا عكككسسج يا سي لافيه .. ماقرا انقش الا نادرا اذا ماحصلت للرواية ترجمة اقراها بالانقلش بهدف تنمية لغتي (عاد بدش آداب انجليزي شلون لاتسألوني خخ )
وهذيلي الروايتين اليتيمتين عندي الغلتر عندي من خمس سنين .. والثانية من سنتين
.

[/url][/IMG]
.
ورغم عشقي الشديد للشعر .. فأنا عادة أعتمد عالنت باستخراج أشعاري .. الديوانين الوحيدين عندي هذيلي
.
الأول للراحل العظيم محمود درويش .. (لله يرحمه توفى باغسطس 2008) أشعاره قمة في الروعة والسلاسة يابنات والأهم أن بحور أشعاره حرة .. ماتعتمد عالقواقي المنظومة والشكل العمودي المنقبض ..
.
والثاني للشاعر الواعد ماجد الخالدي الكويتي .. موذاك الواو بس فيه شغلات حلوة معنه افكاره ما تعجبني بس ليش يصير حق رفيجتي اقتنيته =)
واثنيناتهم بالفصحى .. ماحب الشعر العامي ..
.

.
الكتب الدينية الوحيدة اللي حقي هذيلي
الأول المشهور (لاتحزن) للدكتور عائض القرني عاد هذا اشهر من نار على علم .. وخفيييف وحلوو وفعلا لذييذ جنه سوالف ومو ديني بحت أحب اصنفه في سلة تطوير الذات اكثر من الاسلامي
.
والثاني هم فظيع .. جنه سوالف وكله قصص وطرف ظريفة ..
عموما المصنفات الدينية بمكتبة امي اذا رضت اصورها لكم ..
.

.
.
يتبع ان شالله .. نطروني دقايق هالمرة

 

[Anastasia]

بآك
.
هذيلي آخر ماتبقى من مجلات (حياة)
ز
شقولكم هالمجلة تينن وهادفة حييل ..
- أولا أدبية .. فيها قصص وخواطر وأشعار روعة
- فيها دروس تطوير الذات وتنميتها
- فيها طبخات تينن
-فيها مشاكل البنات >>أحلى باب عندنا خخ
واهيا كلش مودينية حيل .. بس لأنها سعودية فمافيها صور حريمات
.

.
ويي .. طاعو .. شهالدفتر والملفات ..؟؟
خنفصفصهم =p
.
هذيلي دفاتري من ايام المتوسط الى الحين .. كلهم تارستهم خواطري ومذكراتي ..

.

.

خن أراويكم نبذة منهم .. =)
.


>>هاذي رسمتها بكتاب عبدالوهاب السيد الجانب المظلم مادري اي واحد والله ناسية خخخ
.

.
>>مني كنت متأثرة برواية صينية بوذية خخ
.
هاذا شنو الملف ؟؟
.
خنبطله ..
شوفو الدثرة والأوراق ..
.

.
.

هذيلي كل المسرحيات اللي كتبتهم ومثلنا بعضهم .. وصور اعجبتني ورسماتي وهم مقتطفات من جرايد عجبتني .. مقالات أخبار معلومات مفيدة وأحيانا صور أثرت فيني ..
مثل هالخبر ..
.

.
وهالصورة :"(
.

.
شهالملف ؟؟

.
إي إي .. هذا أوراق الجامعة وبطاقاتي حق تسجيل الجامعة الحمدلله سجلت وانقبلت فوري بالآداب باركولي بنات =) خاشته للعازة
.
وبعد ؟ شبقى؟ مابقى شي رتبناهم كلهم =)
.

.
وهاذ خاطرة انا كاتبتها عالباب =)
.

.
بـــ دقآيق ــــــــــرب نطروني

 

[noor_alfala]

ما شاء الله عليج

و يعطيج الف عافيه على المجهووود

انا بعد بنزل صور مكتبتي بس ماعرف اصغر الصور

 

[Anastasia]

بآك
.
=)
.

.
ويييه طاعو أكو كتب فوق المكتبة ماشفتهم
.

.
خنشوف شنهي هالكتب ..
.

.
رواية هاري بوتر شريتها قبل لا تنزل النسخة العربية من الطفاقة وخلصتها باسبوعين :s معني اخلص مثيلتها بيومين بالكثير
.
رواية أماديا تيييننن .. ستايل الخمسينات >>اهم شي .. بس حسافة مالقيتها بالكويت كنت بشتريها حق رفيجتي ينت عليها .. شريتها من معرض الكتاب
.
ورواية عربي/انقلش .. تلوووع الجبد .. تعرفون بباي الضفدع الغني اللي يبي سيارة ويدبسونه بقضية ابن عرس ورفجانه الغرير ومادري شنو يساعدونه ؟؟ اي هاذي مغيرها بس الترجمة تلوع الجبد قريتها بالانقلش وايد احسن
.
وييه هم أكو فوق الكوميدينة ..
.

.
خنفججهم
.
قصاصات قابلة للحرق للرائع د.أحمد خالد توفيق .. مجرد أقول مقتطفة من رواياته ممتع لكن مو واو ..
.
عدد ماوراء الطبيعة لنفس الكاتب قاريته قبل يومين ..
.
مجلة ميكي من سنة الطواعين شاريتها من جرير السعودية من سنة الطواعين قبل لاتفتح عندنا
.
أحصان المسلم (جمع حصن خخخ)
.
طاعو طاااعو أكو تحت السريييير مغبرين بعد خخخخخ
.

.
رواية "زهرة الثلج والمروحة السرية .. من أروع ماقرييت من جرير
رواية السجينة لمليكة أوفقير .. هم من أروع ماقريت شاريتها للمرة الثانية وقريتها ألف مرة
رواية الغريبة تابعة للسجينة .. بس سخيفة وتافهة وتحسفت عالوقت اللي ضاع معاها ..
عدد ماوراء الطبيعة قبل اسبوع خخ
كتيبات الجامعة دليل الطالب المستجد مادري شكو داش تحت لول
دكشناري المترادفات والأضداد انقلش
لغز من بتووع تختخ
دفتر خواطري ومذكراتي اليديد
.
وشكرا لحسن استماعكم .. ادري طولت عليكم بس انا ماتكبد عناء التصوير والتصغير ورفع الصور عادة واذا تكبدته احلل التعب عدللل اطلع كل اللي بقلبي خخخ
.
يعطيج العافية ام عبدالمحسن .. الله يرزقج ام عبدالمحسن وعبدالمحسن الصالحين يارب
.
نراكم ونبي آراءكم

 

[Anastasia]

هلا والله نوراة ..
.
سهل وايد ..
.
حطي بقوقل "خطوات تصغير الصور " وراح يطلعلج بالتفصيل .. اهوا برنامج موجود بكل لاب .. بس انا عيزانة اشرح

 

[ملكة الياقوت74]

[:gathering:SIZE="5"]مشالله عليج اصدقين عاد انا احب القراءه مثلج من الابتدائى وعندى كتبى لكن مو كثراللى عندج والقراءه هوايتى المفضله لدرجه علمة اعيالى على المجلات الاطفال وقامو يحبوون القراءة مثلى والتوفيقانشالله
[/SIZE]

 

[.]

جوجو..

تسلم ايدج يارب..

توقعت كتبج اكثر

و قلت بس اخاف ماتشوفين ردي اماديا حصلتها قبل فتره بذات السلاسل..

نواره التصغير اما بالرسام او الفوتوشوب او برامج التصغير..

وجنه في سايت تحميل تحمل وتصغر بس ماجربتهم كلش..

مرسو ..

 

[rosemary777]

thank u

 

[noor_alfala]

نزلتهم قبل لا اشوف ردج واااي صاروا كبااار

 

[@فافى@]

Thanks 70by

 

[:: Diva ::]

وااااااااااااااي تهبلين تهبليييييييييييين
بسوي مثلج شجعتيني

 

[][ الميـــــــار ][]

مشالله جوجو خوش مكتبة واللي ودي اعرف عنه الخواطر والاشياء اللي بالدفتر اموت على جذي سوالــــــــــف
انشاءالله يزيدون بعد اكثر واكثر

المروحة السرية حدي ودي اقراها لازم اشتريها شوقتيني

ممشكورة عالتصوير و يعطيج العافية :***

 

[عزة النفس]

مشكوره عزيزتي

والله يعطيج العافيه

 

[ScarletteO'Hara]

مشاء الله عليج باين عليج حيل مثقفة
برافو عليج
بس حبيت انصحج و اقول لج بما انه تبارك الرحمن انقبلتي بالجامعة بتخصص ادب انجليزي المفروض تنمين قراءتج للكتب الانجليزية وايد راح تستفيدين بدراستج و تتثقفين باللغة غير الاعربية
بس صج خوش مكتبة

 

[LA TROO7]

ماشاءالله ومبرووك القبول والتخصص الحلوو

توقعت كتبج اكثر بس حسيتج فيلسووفه من قصاصاتج واختياراتج للكتب

صاارلي فتررة تركت القرايه ونسيت الكتب مادري شفيني

عالعموم لارديت بصورلكم كتبي

 

[فلونة احلى وردة]

بعد عمري تعبانة والله
شوفي انتي تستاهلين التعليق بس ما حسيت الا انج تحبين الغموض و الاسرار والالغاز
موفقة بالجامعة
وتمتعي باحلى سنوات عمرج بالجامعة بلا محاتاة لا هم

 

[BaTTy]

مبرووك القبوول تستاهلين والله جوجو
و مكتبتج تشووق اشيائج حلوة
و انا معاج احسن و اروع كاتب د.احمد خالد توفيق
من طفولتي واهوا كاتبي المفضل
و انا هم اقول قوي قرائتج بالانجليش ^,^

 

[Anastasia]

وااي بحبكن بنات والله فديت ألبكن ..
.
ملكة الياقوت
.
إي عفية عليج دربيهم عالقراءة والله باجر يدعولج =)
.
رونة
.
بعد جبدي .. ويه والله أنا نوعي إذا خلصت الشي وعجبني وزعته ليمن حتت مكتبتي توني فطنت حق هالسالفة ..
.
rosemary777

العفو حبيبتي ماسويت شي =)
.
@فافي@

هلا والله فافي العفو حبيبتي
.
:: Diva ::

وااي انتي اللي تهبلين والله فديت قلبج اي اي يالله بنشوف مكتباتكم يابناات
.

][ الميـــــــار ][
.
وي لا أسرار خخخخ .. اي حدة أنصحج فيها تينن ..
.
عزة نفس.
حياج بعد عمري العفو :*
.
ScarletteO'Hara
.
واي لأ استحي
اي والله صاجة .. انا حيل مشتغلة بهالسالفة هاليومين وان شالله اتمكن منها بنهاية هالعطلة باذن الله
.
LA TROO7

ويي ههههه فيلسوفة عاد هههه .. يمكن
وااي لاتحريني .. مشكلة اذا كنت كريمة (إحم) وغيرج مايستاهل يا يضيعون الكتب ولا ماعاد اشوفها
الله يوفجج بسفرتج واتهنيين ونتردين ساالمة غاانمة انتي واحبابج =)
.
فلونة أحلى وردة .
حبيبة قلبي .. مشكوورة عالدعوة
.
BaTTy

وااي انتي طبجتي هههه .. ياي يشوق د.أحمد خالد توفيق :$
عيونج اللي تشوق بعد جبدي
.
يالله يالله عااشووا

 

[~ miss NERD ~]

خووش كتب ما شاء الله << عاد عطيناا شوي
عليج بالعافيه حبيبتي

 

[madam_cake]

الله يعطيج العافية حبيبتي