تعالى أقرى قصتها..-الثعلبه

[سما الكويت]

السلام عليكم..


شلونكم بنات ان شاء الله تمام..:eh_s(8):


بقولكم يا الغاليات سالفه بنت رفيجتى..عسانى القى الحل عندكم وابشرها بخير..


البنت ما شاء الله عليها أيه بالجمال..وكل من شافها قام يمدح فيها ويتهول من جمالها..وخصوصا عيونها وشعرها..

عاد من تقريبا سنتين حاشتها ثعلبه وطاح كل شعر حواجبها ورموشها..

طبعا اول شي اتجهت للاطباء وحاولت تعالج الثعلبه بالوسائل المعروفه لها..

وكانت تقرى عليها عند الحداد..وتداوم على الاذكار والرقيه بس اللى الله كاتبه لازم يصير..

واخيرا توصلت لعلاج نفع حالة بنتها ورجع الشعر نبت مره ثانيه..

وكان هالحجى السنه اللى فاتت..المشكله كان كل اللى يشوفها ينصدم ويقول هذى اللى كانت ماعندها ولا شعره بوجهها؟؟شنو سويتو لها؟؟

وكانت امها تعلم بالعلاج اللى استخدمته والشهاده لله ان قلبها نظيف وتتكلم بحسن نيه..ماحطت ببالها ان الناس ماتعطى خير وممكن تنتكس حالة بنتها..بس هذا اللى صار..

بعد كم شهر رجع الشعر طاح والعن من اول..ورجعت للعلاج اللى تعرفه وتحسنت عليه البنت بس مانفعها..

والحين والله يا بنات ان الثعلبه قاعده تمشي وتاكل اطراف شعرها..

والله ان شكلها يقطع القلب..وامها ماخلت مكان ماراحتله لاداخل الكويت ولا بره..وما نفعها شي..

الحداد يقول موعين..والدكاتره يقولون ثعلبه فطريات..

والحين انا اكتبلكم سالفتها ..

اللى عندها فكره عن الموضوع تفيدنى ..يمكن نقدر نفرح هالبنت وامها ومالكم الا الاجر..

وادعولها يا بنات الله يشافيها ويعافيها من اللى هى فيه..:eh_s(17):

وسامحونى على الاطاله..

اختكم ..سما الكويت..:eh_s(17):

 

[سنبلة]

والله انا اقول توديها حق شيخ ثاني غير الحداد يقرا عليها
مادري حسيت من كلامج ان البنت محسوده
الله يعينها

 

[سما الكويت]

سنبله تسلمين على مرورج يا الغاليه..

حتى انا اقول محسوده..بس امها ماخذه كلام الدكتور ومستمره على الرقيه..

والله يشافيها ويعافيها ان شاء الله..

 

[ii DareeN ii]

والله اتوقع الحل ترجع حق الدوا الي طابت عليه وترقيها وتغسلها بماي مقري وهم ماتخلي شعرها يطول وكل تخليه قصير احسن لها وهم لاتخلي شي طبي ولا رقيه يعني ماتتجه صوب شي واحد

 

[سما الكويت]

ياهلا فيج مشرفتنا..

الغاليه انا قلت بالبدايه انها لما رجعت على الدوا الاولى ما نفعها!!!!

والبنت شعرها لى اذونها!! اعتقد مافى اقصر من جذيه!!

بس هى ماشاء الله جمالها هم بعيونها وحواجبها وهم اللى طاح منهم الشعر بالبدايه..

وهى مازالت مستمره على الرقيه بس ما نفعها دوا الدكاتره..فاليت اللى سامعه شي عن ثعلبة الفطريات تفيدنا..

وجزاكم الله خير..

والله يشافى كل مريض يارب..

 

[سما الكويت]

up

up

 

[شندوخه]

الله يشفيها يارب ان شاء الله
بس اختي في علاج قديم وصج زين واعرف ناس والله استخدموه وراح
ياخذون فص ثومه ويفركونه بالمنطقه لم تطلع دم
وسبحان الله من بعدها يطلع الشعر

 

[نظـــرات حـــائرة]

يا بنات ...انا أختي عمرها 4 سنوات ..

وتوها في بدايات الثعلبه ...صايره بين القذله والزلف ..

وشعرها من فوق صاير حييييييييل خفيف ..عقب ما كان

يهبل يجنن والله ...لا اله الا الله شعرها حلوو ورقصها أحلى

واللي فتح عيون الناس عليها رقصها ولعبها بشعرها ..


المهم هي بدت فيها هالشهر ... مستمرين على علاج

الجلدية ... ونفركه بثوم بس ما نخليه لحد ما يطلع دم ..

لأنها تبجججججججججييي حيييل وغصب نفركه لها شوي ..

وهم حنا نقرا عليها ونرقيها وندهنها بزيت مقري ..ونسبحها بماي مقري ....

ما وديناها شيخ ..لأنه الرقية تكون ذاتية أفضل ..


أنا خايفه يطيح كل شعرها ..!!

وااااااي قلبي يعورني ...


احد يفيدني ؟

 

[المقروده]

الله يشفي الجميع
العين حق والرقيه قبل لا اتروح لاي مكان هي اهم شي لانها بتحصنها من عيون الحساد

 

[حبيبته آنا]

خل تروح عند الدكتور موسى جبر سلامه اكو واحد يشتغل معاه بالعياده اسمه د.عبدالعزيز الرفاعي والله ان اختي مشت فيها الثعلبه ليدرجة انها صارت جلدة راسها ملسااااااااااااااااااااااااااااااااااء ولاشعره طلع شعرها على ايد هالدكتور من بعد الله سبحانه

 

[أحلاهم وأتحداهم]

الحمد الله الذي عافانى
الله يعينها بس عليها العلاج بالقران وخليها تروح للاطباء والله يعين انشاء الله.وانا سمعة ان علاج الثعلبه هو الثوم..

 

[سما الكويت]

شندوخه ياقلبى جزاك الله خير على الدعوه الحلوه والله يسمع منك ان شاء الله..

المشكله يا الغاليه ان الثعلبه يقولون لازم تفركين الام بالثوم..يعنى اول وحده طلعت..اذا ماتت يموتون الباقى تلقائى..والبنت اول وحده طلعت برموشها!!شلون تفركها بالثوم؟؟

وتسلمين يا الغلا..

 

[سما الكويت]

الياسمين ياقلبى..

الله يشافى اختج ان شاء الله ويشافى كل مرضى المسلمين..

حالتها مرت على ..وحده طاح شعرها وكانت تقريبا بعمر اختج..بالروضه..

بس الفرق الثعلبه قامت تاكل شعرها من ورا..ورموشها..وشعر ايدينها..وماخلو اهلها ثوم وماخلو مطوع والله حتى برا الكويت..

وتعافت الحمدلله عقب الله عند الشيخ الهوساوى بقاعدة الملك خالد العسكرية بالسعوديه..

وانا رفيقتى راحت له اول مرض بنتها وقالها نفس صايبتكم وللحين هى على مايه وزيته وان حصلها جت تقرى عنده..بس ماتحسنت البنت..

وانا مجربته بعد حاشتنى حاله وارتحت حيييييييييييل على قرايته ونصايحه..

والله يشافيها لكم ان شاء الله..

 

[سما الكويت]

المقروده..عساج منتى مقروده ان شاء الله..جزاك الله خير على الدعوه والله يتقبل منك ان شاء الله..

حبيبته انا..جزاك الله خير يا الغاليه على النصيحه وان شاء الله راح ابلغها واقولج شنو صار..وجعل الشفى على ايده ان شاء الله..

احلاهم واتحداهم..جزاك الله خير على الدعوه والنصيحه يا الغاليه..

 

[*(فطوم الحلوة)*]

انا اقول يااختى سما ياريت اول شى تشوفين الحال النفسية لانها هى نصف علاج الثعلبه

 

[سما الكويت]

هلا فيج فطوم الحلوه..والله ماتصدقين انها مراعيه نفسيتها لابعد حد..لانها سمعت بهالراى وقالت يمكن حاله نفسيه..بس ماكو فايده عسى الله يعافيها لها ان شاء الله..

 

[سما الكويت]

up up up

 

[ام عثمان]

اقري بماء وزيت سوره بقره كامله مع معوذات وخليها تسبح لمده سبع ايام بالماي مقري

 

[سما الكويت]

جزاك الله خير يا الغاليه..

يعنى هالقرايه تفرق عن الماى والزيت اللى ناخذه من المطوع؟؟

ولازم امها تسويه والا عادى اى احد؟؟

 

[سلمى..]

حبيبته انا
هي ثعلبه او داء القط وكم وحده صارت فيها ؟؟
وكم مده العلاج ؟؟
الله يجزاج خير انا تعبت نفسيتي كل ما شوف ولدي يضيق خلقي عليه
صارله سنه فيه الثعلبه