تعالى قولى لى

[sara3]

الحين كل المواضيع اللى بالقسم اللى تتكلم عن التنظيف اتعلمك اشلون تبتدين اتنظفين الغرف بنظام معين


انا مشكلتى غير مشكلتى اللة يطول عمركم الحوسة ان كل شى مو فى مكانة من وين ابتدى ارتب واشلون بحيث انى اخلص بسرعة شسوى بس لو كل شى يرجع مكانة لو فى عصى سحرية مستعدة بعدها المع وانظف بس الترتيب اشلون دبرونى وما عندى شغالة

شقتى صالة نفعد فيها وفيها التلفزيون وغرفة طعام وغرفة البنات مشتركة وغرفة الولد مطبخ و3 حمامات ومخزن اى وغرفة عمليات مكتب وكمبيوترات وتلفزيون يلا علمونى

 

[*سكون*]

اول شي جردي البيت وابدي بالمعيشه مثلا : الكتب والجرايد اللي ما تبينها شيليها .. أثاث قديم وما تبينه استغني عنه
اكسسووارات زياده عن اللزوم حطي اللي تبينه والباجي وزعيه .. رتبي القنفات والكوشيات وبعدين عاد مسح يومي للمكتبه والطاولات وبيصير الشكل مرتب ونظيف

بعدين غرفه المكتب نفس الشي أول شي جرد وبعدين ترتيب لا تخلين شي عالأرض رتبي وايرات الكمبيوتر رتبي المكاتب وشيلي كل شي ورتبيهم بالأدراج

ونفس الشي بالنسبة للباجي .. انا عندي خطوة الجرد أهم خطوة عشان أعرف شنو اللي أبيه وارتبه داخل الكبتات وبشكل سهل اني ألقاه متى ما احتاجه

وان شا الله البنات بعد يفيدونج

 

[sara3]

سكون

يعنى رايك جذى اول شى الجرد اوكى يعنى ابدى غرفة ولا ادش الغرف كلها واشيل على سبيل المثال الكتب فى كل مكان على الطاولة تحتها فى المطبخ الحلوة بنتى سوت حلو من الكتاب وما رجعتة كتب وقصص فى اماكن ما تخطر لك عل البال مثلا الكتب امر على الغرف كلها ولا من رايك غرفة غرفة


هذا غبر الحتاحيت اللى حاط غرض اهنى وغرض اهناك بينكسر ظهرى وما راح اخلص شى اهمه دثرتهم وايد

الاثاث صج قديم مليتة بس ما اقدر اشوحة الا لما اشترى جديد
وانا ناوية صج اغيرة فكرك ارتب وبعدين اشترى مثل مكتبة ابى وحدة حقى بس كتب الطبخ اشكثر وكتب الديكور والمجلات واى هذى المجلة ابيها فى صورة ديكور عاجبنى وهذا برنت موضوع رجيم من النت وهلم
جر شسوى


شورى على


وين الباقى

 

[Maneena Manaana]

أول شي أول شي ابتدي بعياالج... علميهم أي شي ياخذونه او يلعبون فيه..يرجعونه مكانه
واتبعي اسلوب"اي شي اشوفه مو بمكانه ...بينقط بالزبالة" (وانتوا بكرامه)

وبعدين ابدي بغرفة غرفة.. على قولة سكون.. جردي.. شوفي شنو تبين وشنو ماتبين.. لا اتغيمضين وتقولين يمممكن احتاجة بعدين... شي ما استخدمتيه 6 اشهر .. سنه.. خلااص ماراح تستخدمينه..

اشياء تعجبج بالنت.. ليش تطبعينها وتكودين أوراق.. منتي نااقصة دثرة لول سيفييهم بالكمبيوتر بطريقة منظمة وتخلصي من كومة الاوراق...

وشوي شوي لين اترتب الشقة .. ذيج الساعة غيري بالاثاث ولعبي بالشقة على كيفج

 

[sara3]

Maneena Manaana

مشكورة بالنسبة لعيالى ماكو قايدة فيهم االا الصغيرة حياتى مرتبة وسنعة اما الكبار ما منهمم فوود


فكرة برنت يتسيف بالكمبيوتر اعجبتنى
وجملة انى العب بالشقة هذا حلم

مثل ما قلتى الجرد اشوف بالويك اند ,شوفى انا لما اهم بالبيت انجز وايد معاهم شيلوا حطوا وانرتب بعد عمرى الصغيرة تقول ماما امتى نرتب؟ ساعات اقعد من النوم القاها مرتبة المكاتب:dddds:


اقولك سالفة مرة يبت حق كل واحد صندوق وقلت لهم لفوا على الغرف كل واحد يشيل اغراضة ويحطهم بالصندوق وياخذهم دارة عندكم يومين بس اذا شفت شى بالزبالة وانتى بكرامة الصناديق اطفحت ودشت الغرف حتى ما فضوها وجنك يابو زيد ما غزيت