السلااااام عليكم خواتي كويتيااات
لاحظت ان أغلب الشكاوي بالقسم مو على الزوج
على أمه وخوااته وحريم اخوانه يعني باختصار على أهله
شوفي ياا الزوجة السنعة
وانا متأكدة انج سنعة لأنج دخلتي الموضوع ونيتج تعرفين شلون تتعاملين معاهم صح
أول شي كلامي يعبر عن رايي الشخصي وماابي هجوم وانا أتقبل اختلاف الآراء فياريت تتقبلون راايي
شوفي يالسنعة.......
لازم تفهمين عدل وتقدرين ان انتي مو أهم عند زوجج من أمه وخواته صدقيني أمه مربيته وانتي ياية باردة امبردة خذيتي ولدها منها وهالشي طبيعي يدعو لغيرة بسيطة من الأم، ونفس الشي الخوات
وانتي اذا حطيتيه بموقف بيصف معاهم مو معاج تدرين ليش؟ انتي عادي اتبدلين لكن أمه وخواته لأ. صح؟
بتقولين زييييييين شسوي اهم يغثوني وانا والله ما سويت لهم شي
أدري حبيبتي مصدقتج
تدرين ليش؟ لأن موقعج حساس لو تسوين شي بسيط فهو كبير بعيونهم ولو ما تسوين شي ممكن ما يفهمونج وتفهمينهم، وحتى لو قالولج شي بسيط ممكن تقبلين نفس الكلمة أو الانتقاد من امج ولا اختج لكن ليش من حماتج ولا خالتج بتتحسسين..
بقولج شنو اتسوين وشوفي أي زوجة سنعة وناجحة ويموتون فيها زوجها وحمولتها بتسوي جذي:
أول شي تذكري ان رضاهم من رضا زوجج وان لما تحاولين تحسنين علاقتج معاهم فهو عشان تنجح علاقتج وتتوفقين مع زوجج و صدقيني كلما شافج تحبين امه وخواته بيحبج ويقدرج ويحترمج أكثر..
ثاني شي لا تكونين حساسة ناحيتهم حاولي تتقبلين كل شي بروح مرحة وعطيهم فرصة عشان تحبينهم وكلما حبيتيهم بيحسون بهالشي واهمه بيحبونج ويحترمونج..
اذا انقالت لج كلمة ما اعجبتج سمعيها وسكتي وطوفيها ولا كأنج سمعتيها ولا تشكين لزوجج وتقولين امك وخواتك وتحطينه بموقف صعب بين اهله وزوجته.. لأن أعيد كلامي أهله أهم منج مهما كان يحبج..
كلما طوفتي واحترمتيهم الله بيرفعج عنهم من عنده، وبيدور الزمان وبتشوفين اشكثر يحبونج ويقدرونج.. حتى لو بعد سنييييين وانا شايفة وايد ناس تغيرو على جناينهم عقب ما افرضوا احترامهم وحبهم بالغصب...
أدري ساعات كلامهم ممكن يضايقج بس تذكري واحتسبي الأجر لما تسكتين وما تردين وفكري برضا زوجج عشان ترضين ربج...
ردي الشينة بالزينة دااااايماً واعتبري خالتج حسبة امج لأنها بالنهاية أم حبيبج وزوجج وابو عيالج وجدة عيالج فتقبلي منها وحاولي ترضينها دايماً..
وصدقيني الزوج يشوف ويحس ويدري ويقدر وأكثر شي حساس عنده علاقتج بأمه فحاولي قد ما تقدرين تحبينها وترضينها.. ولا تتكلمين فيها أبداً ولا حتى عند امج وخواتج لأن كل ما تكلمتي بالشين تكبر السوالف وتنقهرين وتكرهينها زيادة لكن لما تذكرين الخير اللي تسويه بس يكبر خيرها بعينج وتحبينها أكثر..
هذي وجهة نظري بالتعامل مع أهل الزوج وانشالله تعجبكم واتقبلونها وتطبقونها.. واتمنى لكم التوفيق.. اختكم frketa1
لاحظت ان أغلب الشكاوي بالقسم مو على الزوج
على أمه وخوااته وحريم اخوانه يعني باختصار على أهله
شوفي ياا الزوجة السنعة
وانا متأكدة انج سنعة لأنج دخلتي الموضوع ونيتج تعرفين شلون تتعاملين معاهم صح
أول شي كلامي يعبر عن رايي الشخصي وماابي هجوم وانا أتقبل اختلاف الآراء فياريت تتقبلون راايي
شوفي يالسنعة.......
لازم تفهمين عدل وتقدرين ان انتي مو أهم عند زوجج من أمه وخواته صدقيني أمه مربيته وانتي ياية باردة امبردة خذيتي ولدها منها وهالشي طبيعي يدعو لغيرة بسيطة من الأم، ونفس الشي الخوات
وانتي اذا حطيتيه بموقف بيصف معاهم مو معاج تدرين ليش؟ انتي عادي اتبدلين لكن أمه وخواته لأ. صح؟
بتقولين زييييييين شسوي اهم يغثوني وانا والله ما سويت لهم شي
أدري حبيبتي مصدقتج
تدرين ليش؟ لأن موقعج حساس لو تسوين شي بسيط فهو كبير بعيونهم ولو ما تسوين شي ممكن ما يفهمونج وتفهمينهم، وحتى لو قالولج شي بسيط ممكن تقبلين نفس الكلمة أو الانتقاد من امج ولا اختج لكن ليش من حماتج ولا خالتج بتتحسسين..
بقولج شنو اتسوين وشوفي أي زوجة سنعة وناجحة ويموتون فيها زوجها وحمولتها بتسوي جذي:
أول شي تذكري ان رضاهم من رضا زوجج وان لما تحاولين تحسنين علاقتج معاهم فهو عشان تنجح علاقتج وتتوفقين مع زوجج و صدقيني كلما شافج تحبين امه وخواته بيحبج ويقدرج ويحترمج أكثر..
ثاني شي لا تكونين حساسة ناحيتهم حاولي تتقبلين كل شي بروح مرحة وعطيهم فرصة عشان تحبينهم وكلما حبيتيهم بيحسون بهالشي واهمه بيحبونج ويحترمونج..
اذا انقالت لج كلمة ما اعجبتج سمعيها وسكتي وطوفيها ولا كأنج سمعتيها ولا تشكين لزوجج وتقولين امك وخواتك وتحطينه بموقف صعب بين اهله وزوجته.. لأن أعيد كلامي أهله أهم منج مهما كان يحبج..
كلما طوفتي واحترمتيهم الله بيرفعج عنهم من عنده، وبيدور الزمان وبتشوفين اشكثر يحبونج ويقدرونج.. حتى لو بعد سنييييين وانا شايفة وايد ناس تغيرو على جناينهم عقب ما افرضوا احترامهم وحبهم بالغصب...
أدري ساعات كلامهم ممكن يضايقج بس تذكري واحتسبي الأجر لما تسكتين وما تردين وفكري برضا زوجج عشان ترضين ربج...
ردي الشينة بالزينة دااااايماً واعتبري خالتج حسبة امج لأنها بالنهاية أم حبيبج وزوجج وابو عيالج وجدة عيالج فتقبلي منها وحاولي ترضينها دايماً..
وصدقيني الزوج يشوف ويحس ويدري ويقدر وأكثر شي حساس عنده علاقتج بأمه فحاولي قد ما تقدرين تحبينها وترضينها.. ولا تتكلمين فيها أبداً ولا حتى عند امج وخواتج لأن كل ما تكلمتي بالشين تكبر السوالف وتنقهرين وتكرهينها زيادة لكن لما تذكرين الخير اللي تسويه بس يكبر خيرها بعينج وتحبينها أكثر..
هذي وجهة نظري بالتعامل مع أهل الزوج وانشالله تعجبكم واتقبلونها وتطبقونها.. واتمنى لكم التوفيق.. اختكم frketa1
