تعالي اعلمج على سر صغير يخلي زوجج مثل الخاتم بايدج

[بنوتاتي]

السلام عليكم
هلا حبايبي
ابقولكم على سر صغير يخلي الزوج خاتم باصابعكم وانا بنفسي مجربته والحمدلله ماشي معي مثل العسل ماشاء الله لاقوة الا بالله

بنات انا اول ما تزوجت زوجي كان نار ماعنده تفاهم ابد يعصب من اتفه الاشياء وكنت اعاني معاناه ما يعلمها الا الله سبحانه وتعالى وخاصه اني كنت بعيد عن اهلي لاني من ديره وهو من ديره ثانيه
وكل ما اكلمهم ودي انفجر من الصياح واذا اسالوني عن حالي اقولهم مرتاحه ومبسوطه وانا ربي العالم بي

هو طيب ومايقصر معاي بشي ابد بس اذا عصب خلاص يبدا يقول كلام ما يحسب حسابه

المهم انا فهمته اذا تكلم علي مره ثانيه ماراح اقعد له وكنت اتخذ مواقف ضده وازعل واحقره عادي ايام
وكنا نروح ونرجع على نفس الموال يعني يراضيني مثلا ونتصافى يومين وعقبها على نفس الحال
الين طحت على شي بصراحه غير حياتي جذريا

وقلت لازم اعلمكم عليه عشان ترتاحون من المشاكل
تدرون شنهو يابنات



الاستغفار




والله ثم والله اذا تزاعلنا وقمت استغفر ما اغمض وافتح الا داخل علي وهو متغير تماما
مو جنه هو اللي توه يزعق ويصارخ
ويحاول يتلصق ويسال عن اشياء وصرت انا اللي اتغلى واتدلع عليه:friends:
وما ارضى بسرعه

احيانا اقعد استغفر يومين والشيطان يوسوس لي يقول شوفي مر يومين وما يا يراضيج انتي تضيعين وقتج واصر اكثر واستغفر اكثر ومااغمض وافتح الا يايني ويراضيني بعد

بنات جربو والله ماراح تخسرون شي بالعكس راح تكسبون الاجر والخير وبتلاحظون بعد مو بس مشاكلج ويازوجج اللي انحلت وبس لا والله بتلاحظون امور كثيره تغيرت بحياتكم وابواب الرزق والخير انفتحت لكم

ربي يوفقكم ويسعدكم
لاتنسوني من الدعاء تكفون
والله يخليلي ولدي حمودي ويثبت اللي ببطني

 

[DooLy88]

معااااااااااااااااااااااااج بكل كلمة تقولينها

والله انه سحر

موبس يعدل مشاكلنا الزوجية

بكل شي - حتى قبل زعل ابوي

مشاكل عادية - هم وحزن

والللللللللللللللللللللللله ان الاستغفار اهو الحل لكل مشاكلي ولله الحمد

انا كل شي اتمناه بهالحياة يتحقق - حتى ان طالت المدة لازم يتحقق << ماشالله لاحسد روحي لووول


"استغفر الله العظيم الذي لا اله الا هو الحي القيوم"


مشكورة حبيبتي

 

[كويتيه مذهله 87]

مشكووره حبيبتي
الأستغفاااار صح خلى حيااااتي تمام

بس من ناحيه ريلي ما احبه يكون عبيد لي ويصير خاتم بأصبعي مو حلوه بحقه

 

[عاشقة_الجمال]

صح كلامج الاستغفار مافي احسن منه

 

[جوري الزبير]

جزاج الله خير حبوبه وصحيح كل كلمه انكتبت الاستغفار سر سعادة المسلم والله

 

[Miss Golden]

يزاااج الله خير حبيبتي

و صاااجه الاستغفار يعمل المعجزات سبحان الله

مشكورة عالموضوع وماقصرتي :tek:

 

[احبه حييييلA]

جزاج الله خير
وسورة البقرة بعد لها نفس التأثير

 

[آهات الليل]

الله يجزاج الف خير صاجه الاستغفار وسورة البقره

 

[جوري وبنفسج]

السلام عليكم

تسلمين يا قلبي وفعلاً كلامج صحيح ومجربينه

لأن أحسن طريقة لما يزعل زوجج أنج ترضين ربج وأذا رضى عليج ربج يسخر لج زوجج ​

 

[ام جروح 83]

مشكوره حبيبتي وماتقصرين على النصيحه

 

[هامة بيتي 1]

بالضبط نفس اللي عندي طيب بس اذا عصب ما يعرف منو اللي جدامه وان شاء الله بحافظ على الاستغفار كثر ما أقدر عشان أرضي ربي أول شي ويرضى عني زوجي جزااااااج الله خير على التذكره

 

[هامة بيتي 1]

:hjy5jewf:

 

[*الغالية*]

تسلمين حبيبتي

 

[دانة الدنيا1]

والله ثم والله انه مفعول الاستغفار سحر رباني سبحان الله والله اني توني اقول حق رفيجتي عن الاستغفار باليوم الف مره وانا متضايقه وكنت مستغفره لغرض معين اقسم بالله اني وانا اقولها جان يتحقق اللي ابيه ماشاءالله لاقوة الا بالله شوفو ربي حبيبي مجيب الدعوات شلون حققي اللي ابي بس لاني دليت وحده على عمل خير والله احمد ربي انه الله هو ربي ولا احد سواه
ادعو لي ربي يفرج همي ويحقق لي كل ما اتمناه على خير وبركه وعلى كل مسلم ومسلمة يارب

 

[ماكنتوشة***]

الله يعطيكم العافيه على هالكلام الحلو
والله يحبب فينا خلقه ........مشكورين .استغفر الله

 

[اماراااتية]

ياسبحان الله


جزاج الله خير الغالية وفي ميزان حسناتج ان شاء الله

 

[اماراااتية]

ياسبحان الله


جزاج الله خير الغالية وفي ميزان حسناتج ان شاء الله

 

[frketa1]

استغفرالله
استغفرالله
استغفرالله
عسى ربي يسخر لج زوجج ويتمم سعادتج

 

[بنوتاتي]

ربي يوفقكم ويجزاكم كل خير ويسخر لكم ازواجكم ويرزقكم بر عيالكم
قولو امين
ويفتح لكم ابواب الرزق ويرزقكم من حيث لا تحتسبون اللهم امين

 

[بنوتاتي]

ربي يوفقكم ويجزاكم كل خير ويسخر لكم ازواجكم ويرزقكم بر عيالكم
قولو امين
ويفتح لكم ابواب الرزق ويرزقكم من حيث لا تحتسبون اللهم امين:yaaaaaarb: