تعالي اقولج اشتشترين وين تروحين بلندن اتحدى إذا احد قاللج قبلي

[الشوق يجيبك؟؟]

حبيباتي كثير أقرا اسئله وين تروحون وشتشترون بلندن والاجوبه متشابهه
أنا عشت بلندن وعارفتها شبر شبر يازينها وحبيت افيكم باللي ماتعرفونه ولااسمع احد يجيب طاريه​

أول شي argos يازينه ذا المحل تبين ستريترز لشعرك ويفي لوتبين تاخذين لزوجك اوخوانك عدة حلاقة اوتبين آله حف الوجه وكل شي للبيت مريهم المحل باجوررود وخذي الكتلوج وتفرجي وخذي اللي تبين وهذا موقعهم​

http://www.argos.co.uk/webapp/wcs/stores/servlet/StoreCatalogDisplay?storeId=10001&GiftMode=Reset&jspStoreDir=argos&action=StoreCatalogDisplay%3FlangId%3D-1&langId=-1&ddkey=ArgosGSGiftModeExitCmd​

وهذي آله حف الوجه
http://www.argos.co.uk/static/Produ...14418350|Hair+removal+and+waxing|14418449.htm​

2-شيبردبوش وماأدراك ماشيبردبوش سنة كامله وأنا اروحله وأقول وع هذا وشعليه ماخذ هالصيت والله ماكنت اشتري منه شي واتقرف منه
وبقدرة قادر طحت على كم محل إنما ايه اول شي بالكوشكات اللي بالوسط تقريبا بالنص فيه واحد باكستاني يتكلم عربي يبيع ستيانات ومشدات وشلاح لندن طبعا ماركة تريمفيت اللي تنباع بدبنهامز وهاوس فريزر بنص السعر​

وفيه محلين حق كفرات أسرة واحد يقولون انه يهودي بأول السوق عنده كفرات تتجنن بس لاتنسون المكاسر اللي بستين تاخذينه باربعين
وفيه واحد ثاني سوداني عنده كفرات حلوه واسعاره ارخص
وإذا طلعتي برا السوق من جهة الويست فيلد بتلقين جرجس يازينه حق البلعه طبعا خفايف سندويتشات وبف باستري بس لذيييييييييييييذ اتعب وانا اقول لذيذه وهذا موقعه
http://www.greggs.co.uk/​

وبنفس الشارع مطعم ابوزاد اكله لذيذ وارخص مطعم عربي بلندن وموجود له فرع باجوررود​

وإذا رحتي ويست فيلد فيه ارخص محل عطور بلندن وعندهم مكياج بعد وهذا اسمه وموقعه
http://www.beautybase.com/
وتلقين عنده جميع العطور المنقرضه من السوق​

الحين نطلع برا لندن شوي
ويندسور يازين ذا المكان من وسط لندن بالقطار نص ساعه بس المكان يجنن راقي عراقه وتاريخ وكفيات وسووق بتصميم خيالي والاحلى كله أجانب على كثر مارحت له مافيه خليجين​

ولاتنسون تروحون مدينة سري من وسط لندن بالقطار45دقيقه بس مدينه رائعه طبعا تضاريسها ريفيه وأغنياء الخليج يملكون فيها بيوت طبعا تحسين انك بمكان مميز غير عن لندن وفيها أكثر من سوق جنب بعض​

وصار لي موقف فيها قبلها باسبوع كنت في هاوس فريزر اللي بوست فيلد وعجبتني شنطة جفينشي سعرها1050 باوند شاورت نفسي عليها وخليتها قلت بعدين ارجع لها لما رحت سري دخلت هاوس فريزر ولقيت نفس الشنطه بس الصدمه السعر لقيتها ب900بس شفتو الفرق معروفه لندن أغلى من المدن الثانيه​

وبعد برا لندن فيه آوت لت سويندن الخليجين مايرحون له مادري ليش فيه محلات حلوة بس بستر فلج أحلى ماركاته أكبر واللي تبي ماركات أقل تروح سويندن
هذاموقعهم شوفي الماركات اللي فيه
http://www.swindondesigneroutlet.com/​

وتذكرت مدمنات مكياج ماك في محل عطورات بآوت لت بستر فلج يبيع الكولكشنات الليمتد اللي انتهى وقت عرضها بمحلات ماك وانتي وحظك واكثر شي الشدوات​

وإذا تذكرت شي بقوله
تراني تعبت بكتابة الموضوع بس لعيونكم يهون مابي منك الادعوة الله يشفي أمي وأبوي ويسخرلي زوجي​

 

[CrystalQ8]

جزاج الله خير. الله يرزقني لسفرة لندن هالصيف. ماقصرتي ننتظر المزيد

 

[Om_Ksha]

الله يعطيييييج العاااااافيه

 

[اسرار70]

يعطيج العافيه
على المعلومات الحلوه

 

[الغلا*]

مشكووورة ماقصرتي

 

[ذات الهمة العالية]

الله يشفى امك وابوك ويحنن قلب زوجك عليك صج ما شفت نفس موضوعك من قبل وحيل عجبنى

وتدلين احسن اماكن تبيع جواتى رياضية بس عالية

 

[فنيسيااا]

جزاج الله خير انا كن ادور عن اماكن حلوه وزحمه اقل تكون قريبه من لندن بس ما كنت اعرف شي واخاف اروح وما يطلعون اوكي
بس جد استفدت من المعلومات اللي كاتبتهم

 

[زهره الجلنار]

يعطيج العافيه

 

[المسكـ]

يعطيج العافيه والله يحققلج اللي تبينه

 

[ترجمة احساس]

يارب تشفي امج وابووج ويسخر لج زوجج

 

[تمر & رطب]

يعطيج العافيه
جان زين لو تذكرين بعد مناطق برا لندن تكون تتميز بالطبيعه والمحلات وجم تبعد بالقطار

 

[t_a_x]

جزاااج الله خير

 

[))) ساره (((]

مشكوره اختي

 

[كريستال]

مشكووره

 

[المهفة]

أنا ولا مرة شريت من لندن العاصمه دائماً من برا لندن ونفس البضاعه ونفس المحلات وفررررق بالسعر هالكلام من 10 سنين وللحين

 

[miS.Toot]

يعطيك العافيه اختي ماقصرتي
بموازين اعمالك ان شاءالله

 

[ام عيالها الغاليين]

الله يعطيج العافية أختي
بالنسبة لأرجوس بصراحة انا دايم أطلب منه رووووووووعة ويهبل وفعلا أنصح الكل فيه
شبربوش أنا رحتله مرة وحده وشريت من الريال الباكستاني بس المكان وصخ ومقرف بغيت أرجع الله يعزكم من الريحة
ومجمع ويست فيلد أموووووت عليه أروح له شكثر وما اشبع منه
وعالم إم اند إمز نصيحة لاااااتروحون والله مقلب غاااااااااااالي على غير معنى
شارع اكسفورد يهبل طبعا غني عن التعريف
وروحوا بعد منطقة ميلتون كينز ترى وايد حلوة وراقية وهادية

 

[كويتيه ذربه]

شكراااااااااا
وبميزان اعمالج ان شاءالله

 

[q8ya_uk2012]

قوه بنات شلونكم
جا الصيف و اكيد وايد بيسافرون لندن حبيت افيدكم
اعرف رقم سايق عربي بلندن يودي رحل و عنده سياره كبيره و اسعاره حيل مناسبه احسن من اسعار التكاسي, دايما انروح معاه...
تقدرون حتي اتدقون عليه و ونتو بالكويت بس تعطونه رقم الرحله و هو يستقبلكم, اسعاره وايد زينه و
الي حابه رقمه ترسلي عالخاص يدل لندن عدل يعني يوديكم اي مكان تبونه, كنه احنه طوال السفره متفقين معاه يودينه المكان الي نبي و ينطرنه, حيل سهل سفرتنه و ارتحني معاه اصراحه

الي تبي رقمه ترسلي عالخاص و اعطيه لها
:eh_s(17)::eh_s(17)::eh_s(17)::eh_s(17)::eh_s(17): :eh_s(17)::eh_s(17)::eh_s(17)::eh_s(17)::eh_s(17): :eh_s(17)::eh_s(17)::eh_s(17)::eh_s(17):

 

[~*~الملكة~*~]

الله يشافي امج وابوج ويحنن قلب زوجج عليج ويسخره لج