هاااااااااااااااااااااي بناااااااااااااااااااااات
شخباااااااااااااركم يا أحلى كويتيات
بنات انه وحدة بسرعة تنبط جبدي على كثر طيبتي بس بعد واااااااااااااايد تنبط جبدي ويعني خلاااااااص
بقولكم 10 اشياء تبط جبدي في الحياة .. وابي اعرف منكم 10 أشياء تبط جبدكم (لقافة) بس بشرط ان تكون سوالفكم بدون إساءة لأحد معين مثلا حماتج او شي لأن مانبي الموضوع ينقلب عقرة .. واللي تبي تكتب اكثر من 10
حيااااها الله ترى لو مني احط لكم 1000 بس مدام بنزل الموضوع لازم شوي أراعي مشاعركم فديتكم
بطة1: تنبط جبدي لما احط عيني على بارك سيارة من بعد ميل وايني واحد من خلف الكواليس يمشي على 20 ويرجعلي ريوس في نفس البارك!!!
بطة2: تنبط جبدي لما اتصل في ابوي واسأله عن شي او ابي اسولف معاه وقبل ما اقول باي هو صاك في ويهي التيلفون من زماااان (حتى امي تسويها فيني وايد آآآآآه)
بطة3: تنبط جبدي لما اكون في السيارة رادة من الدوام وافكر في بيبسي حاطته في الثلاجة من أمس ولما ارجع وابطل الثلاجة اجوفها مختفية .....................(ليحين ما اكتشفت من اللي دايما يبوق البيبسي)
بطة4: تنبط جبدي لما اروح محل مكياج وأختار فاونديشن حدي متخرعة على لونه وماااافيني صبر ارد البيت عشان اجربه على ويهي ... ارد البيت واجوف اللون وادي ولون ويهي في واااااااااااااادي
بطة5: تنبط جبدي لما كل مرة (24 سنة) تجوفني فلانة وتقولي "انتي متى بتمتنين؟" وهي كبر الفيل !!!!!!!!!!!
(سئليني شخبراج وشلونج شعليج من وزني جوفي روحج اول)
بطة6: تنبط جبدي لما اروح محل واسأل اللي يبيع سؤال وهو يرد علي يعيد نفس السؤال بطريقة جواب (ماتعرف لاتجاوب!!!!)
بطة7: تنبط جبدي لما اروح مجمع واجوف وحدة تمشي مع ريلها وإلا ولامة ذراع ريلها كأنه بطير وتعطي البنات
نظرات القتل يعني لانجوفون ريلي (ماشاءالله ترى زايدين هالأيام وأغلبيتهم اللي يسوون جذي رياييلهم جياكر )
بطة8: تنبط جبدي لما اجوف دعاية فيلم واجوف وقت اللي بيحطونه واحطلي ألارم عشان اجوفه .. لين ايي اليوم اللي المفروض اجوفه ألاقي الوقت اللي انه صايدته غلط (وايد فاتتني افلام بهالحركة لأن يحطون مئة ألف توقيت في صفة وحدة في دعاية كل فيلم )
بطة9: تنبط جبدي من اللي تصرعلى معلومه اللي حدهااااااااااااااااااااااااااا غلط وإصرااااااااااااااااااااااار وشرح مفصل بوثوق وانه متأكدة ان معلومتها غلط ( أخليها تكمل واقولها إي إي قولي حق ذي وذي وذي و و و )
بطة10: تنبط جبدي من المنتدى انه كله error يوميااااااااااااااااااا لكن ماااااا اقدر اقاااااوم لأني مدمنة
والحين دوركم ..
