تعالي علميني .. شلـون تنظفين حمـاامج !!

[t0o0fa]

السلام عليكم ورحمة الله وبركاته

شلونكم بنات شخباركم

الموضوع باين من عنوانه

ابي كل وحدة تكتب طريقتها في تنظيف الحمام و شنو المنظفات اللي تستخدمها

انا تعبت كل مره اجرب طريقة

و تعبت من تنظيف البانيو .. لما يصير فيه اللون الاصفر مااعرف شلون يروح ؟؟

ياليت تفيدوني : (

​

 

[! يكفيني انت !]

اب...

 

[محبه الهآشمي]

وعليج السلام ورحمة الله وبركاته ..

بالنسبه للمرحاض ارش عليه الهاربك الاسود واخليه فتره بدون ما افركه بالفرشاه ..
اغسل المغسله بالليفه وبصابون تايد ..
وامسح المرايا بمنظف الزجاج
وبعدين ارجع للمرحاض وافركه عدل واغسله بماي ,,
وارش التايد عالارضية واتم افركها عدل .. عقب اغسلها وانشفها .. وهم الحوض نفس الشي

يمدحون ملح الليمون بس امانه ماجربته يمكن يشيل البقع الصفراء لاني اعاني منها بعد

 

[اميرة زوجي]

حبيبتي الليف المعدني بيشيل الصفار وبقايا الصابون
المتراكمة في البانيو و رشي كلوركس كمان واتركيه عشر
دقايق بعدين ليفي البانيو وافركيه بالليف المعدني

 

[غرام القمة]

حبيبتي التنظيف الصح هو جيبي تب او سطل صغير حطي فيه شوية كلوركي وديتول وحطي صابون فيري وماي واخلطيهم عدي وافركي الحنفية والحمام كامل عقب جيبي هير باك وكبيه داخل المرحاض وخليه خمس دقايق علي ما تنظفين حمامج وتغسليته بالماي
عقب جيبي المعقم بخاخ من داك خاص للحنفية ومسكة الباب والدش رشي وامسحي بنشفة
واخر شي ارفعي السيفون حطي فيه الصابونه المعطرة اللي تخلي الماي اخضر او ازرق تعقم خصوصا اذا عليج الدورة تشيل الزفرة
وفي معقم للبواليع كبي بالفتحات كلها وحطي شموع معطرة وانتهينا بيلق لق الحمام
انا مدمنة تنظيف ههههههه

 

[t0o0fa]

وااي حبااايبي مشكووووووووريين ما قصرتووو​

انقذتووني صراااحه ​

غراام القمة ااااالف شكررر لج بطبق طريقتج .. ​

حباايبي ماقصرتووو​

 

[••غـلآًهْـم••]

للبانيو واي شي اصفر حتي خطوط اللي بين الارضيات يبيضها عن تجربه

جف الاصفر بالليموون روووووعه روووعه روووعه


غسلي بماي اول شي وبعدين حطيه وفركي شوي بس موواجد عشان يتوزع علي كل مكان خمس دقايق ردي فركي عدل يرجع لج جددديد والله

 

[sweet-kamelia]

المرحاض احط له هاربك الاسود ثلث او نص ساعه
وبعدها احط بسطل ماي وصابون وكلور
واكبه بالحمام كله الحنفيه والبانيو

واقعد افرك المرحاض بفرشة
وبالمخمة افرك الحمام كله وبعدها اغسله كله بمااي
وامسح المنظره
واحط ديتول وبس

 

[ام البنات123]

الاخت اللي تقول ليف معدني

الليف مع الماي والفرك يصير مكانه صدأ

لا تفكرون تجربونه

هارباك الاخضر روعه حطيه نص ساعه و افركي يرد لج كل شي مثل اول

مجربته