تعالي قوليلنا شلون ترتبين ثلاجتج

[froha83]

شلونكم ربات البيوت
انشالله بخير؟؟
حبيت اطرح هالموضوع علشان نتبادل الخبرات في ترتيب الثلاجة
صراحة لي الحين ما وصلت حق ترتيب اعتمد عليه لي الحين:bbbiu:
يعني الثلاجه عبارة عن 4 ارفف و درجين و 4 ارفف بالباب
تعالوا نتناقش:hjy5jewf:

 

[~ام خالد~]

انا عندي ثلاجه صغيره مخليتها بس حق
العصاير والحليب والبيبسي
والكبيره ارفف الباب اخلي فيهم الصلصات
قلاصات الجبن المربى الزبده والبيض طبعاص له مكانه
الارفف اول شي اخلي سلال حق الخضره واللي تحته حق اللبنه الزيتون وهالسوالف
والدرج اكثر شي اخليه الليمون والخس والملفوف

 

[under shadow]

THaNxX

 

[froha83]

ام خلود مشكورة على المشاركة و ترتيبج حلو ماشالله

 

[froha83]

under shadow
مشكووووورة

 

[froha83]

وباجي الكويتيات اللي دشوا و ماردوا
صراحة ما هقيتها منكم
شنو ما عندكم ثلاجات
7
7
7
7
7
لوووووووووووووووووووول
ترى اتغشمر
يلا يلا نبي تفاعل بالموضوع
ويا ريت بالصور

 

[الوردة المكنونة]

انا اول رف احط فيه جميع انواع الأجبان والزيتون والنقانق والمرتدلا
ثاني رف العصاير والبيبسي والماي
ثالث رف ورابع رف احط فيه الفواكه
اما الدرج الأخير احط فيه الخضار (الخس - البقدونس - الطماطم - الخيار - الجزر - الليمون )

باب الثلاجه رفين للبيض
رف للكاتشب والفلفل والمايونيز وكم صوص للسلطات
رف للأدويه
رف صغير حاطه فيه ماي زمزم

وسلامتج وصح لساني لوووول ترى تعبت وانا اشرح

 

[ام فجور 2008]

انا ساكنة مع حمولتي وماعندي مطبخ ثلاجة صغيرة

 

[اعييز]

اول رف : الاجبان واللبنة والمربى والزيتون ..الخ سوالف الريوق يعني والعشى
ثاني رف : لو فيه شغلات اضافية وماكفى الرف الأول احطهم بهالرف وكيك ماكيك
ثالث رف : عصاير ولبن وحليب و حق الأكل اللي بماعيين والحلو مرات
الرابع عندنا يرارات حق الخضرا

اللي بالباب غير البيض تكون صلصات بجميع انواعها وسوالف الكتشب والمايونيز ..ألخ


وسلامتج

 

[froha83]

وين الصور
انا انشالله راح انزل صور بس نطروني بالليل

 

[manarah]

ارفف الباب حق الأجبان والمربى والعسل والصلصات وماي الصحه والعصاير اللي تصير بالبطل .... اول رف بالثلاجه للعصاير وحليب الكاكاو ومرات ياخدون رفين من الثلاجه بحكم انه عندي 3 يهال اسم الله عليهم .. الرف الثالث والرابع للفواكه والخضار و هم في اخر رف بعد احط صندوق للأدويه واليراره اللي تحت للبرتقال و الليمون والتفاح ,,, ايه وفي يراره بعد اول الثلاجه هذي للكيك ... وسلامتكم

 

[^kloOot^]

نفس اللي قلتوه بالضبط

 

[Mrs P!NK]

يسلموو على الموضوع
وانا داخله للاستفاده
بس اكيد ارفف الباب حق العصاير والاجبان والمربى
والباجي عادي اي مكان
بس حتى ما احب اشتري وايد اغراض علشان تصير مرتبه <<و خوش حل حق الرجيم

 

[دمع القلوب]

انا الباب احط ادوية عيالي لوووووول والبيض والكتشب والمايونيز والفلفل
واول رف احط الاجبان بانواعها والمربى والزيتون وكل مستلزمات الريوق وثاني رف احط البباسي بانواعها والعصاير الصغار والحليب لعيالي الله يخليهم لي وثالث رف الكيك بانواعه واذا في مكان احط اللبن والحليب
اما الدرج 2 واحد احط فيه الطماط والخيار والخس اللي بس للسلطه
والثاني احط فيه انواع الككاويات عشان السهرات وخاصه اذا في فيلم رعب على ام بي سي 2 هههههههههههه
اما سالفة خضره وما خضره ما اتعامل
لاني ساكنه عند حمولتي
والطبخ يكون تحت
امممممممممممممممممممممم وبس اهم شي الترتيب
مو الثلاجه تكون حوسه
عشان اذا الزوج فتح الثلاجه ما تنسد نفسه وما ياخذ شي
وتقبلي مروري الدسم

 

[sara3]

شوفى حبيبتى
الباب هو احر مكان فى الثلاجةلانة الثلاجة على طول اتبطل واتسكر فانا احط فية الزبدة اللى ادهن فيها السندويشات

البيض اخلية فى علبتة واحطة على الرف
الباب مربيات ميونيز صلصات عصايرالحليب المفتوح وما يقعد اكثر من يومين والمسكر فى اخر رف فى الثلاجة

والمرتديلا و النقانق وهالسوالف اللى تبى براد يكون فى درج علوى فوق احطهم فية اهو حاطينة حق هالسوالف


انا ثلاجتى فيها مثل الصندوق الصغير يسمونة صندوق الافطاراحط فية سوالف الريوق بس اسحبة وعلى الطاولة سيدة وايد عملى

وفى صندوق ثانى انا شاريتة حق الاجبان يحافظ عليها اكثر وقت ممكن شايلة فية يمكن 6 انواع اجبان


الادراج حق الخضرة بس الفاكهة ما احطها باثلاجة نشتريها يوميا


الرف التحتى كلش اهو ابرد رف لان الهوا البارد يقعد تحتاحط فية ايدام باكر بعد ما اتبلة واغطية بالنايلونحق اكلنا باجر سواء سمك لحم دياي

وكل 3 ايام اجرد الثلاجة واذا ناقص شى على الباب اكتبةعلشان لا انسى اييب بديل


وترى خوش موضوع يسلمو:edbf4317b9:

 

[froha83]

ماشالله
كفيتوا ووفيتوا
بس وين الصور ؟؟
انا انشالله بنزل الصور
كونوا بانتظاري

 

[froha83]

بس نطروني اجيل البيت لووووووووووووووووووووووووووووووول

 

[ثلجة باردة]

أنا أول رف عندي يتسكر فأحط فيه المرتديلا والنقانق واللحوم البارده جذي
الرف الثاني اللبنه والجبان بس مو القلاصات
الرف الثالث البيبس والعصاير
والرابع سلتين حق الخضرا الخس وهالشغلات
والادراج اللي بعدها نفس الشي فواكه او خضرا بس
اما ارفف الباب احط البيض اول شي وبعدين الكتشاب والعصاير الكبيره والصلصات والمربى وسلااامتج يا قلبي

 

[ام وليد hamood]

والله بصرااحه انا عندي ثلاث ثلاجات وافريزر .... الاولى حاطة فيهاالخضراوات والطماط والباب فيه الكاتتب واللذي منه وحاطة سلالس داخل وموزعه كل شي داخل السلال وفارشه تحتهم مفرش حلو شريته من السعوديه شكله واايد راقي وحلو ... والثلاجه الثانيه فيها الاجبان والفواكه وهم سلال وجذي حركات .. واما الثالثه مخليتها حق الروب لما اروب او اذا بقى اكل وجذي والفريزر انتو عارفين اللحوم وبس لاني موزعه باجي الحوسات بفرزرات الثلاجات وسلامتكم .

 

[Memo Q8]

خوووش موضوع .. يا حلوكم و يا حلو سنعكم
انا اشوف انه ترتيب الثلاجة متعة !! خصوصا الثلاجة اللي في المطبخ الداخلي .. ههه لان اهيه اللي فيها الاشياء اللي تونس ! الرف اللي فوق للعصاير و كل نوع سطر .. و لازم علب العصير كلهم في نفس الاتجاه (الاسم و الصورة) الرف الثاني حق التوست و الحلو الرف الثالث مو محدد لو مثلا مسوين ورق عنب بالزيت او اي صنف بارد او زايد .. نحطه فيه الرف الرابع للزيتون و البيستو و هالسوالف و في درجين مسكرين و ينسحبون واحد للاجبان و واحد للحوم البارده

الباب فيه البيض .. و الدرسينغ و المايونيزو المربيات و هالشغلات و الحليب و اللبن المفتوح

و اهم شي انها تكون تلق و ريحتها نظيييييفة .. :ggdw:

باجي الاشياء كلها في الثلاجات اللي بالمطبخ الخارجي .. (انا مو مسؤولة عنها .. انشاءالله لي تزوجت :yaaaaaarb: برجع لموضوعكم لان عجبتني كم شغلة )