تعالي يالمتزوجه قولي رايج

[عاشقه رويشد]

السلام عليكم

اليوم حبيت اتكلم عن العلاقه الزوجيه من ناحيه تحمل المسؤوليه ..
يعني ممكن يكون موضوعي مجرد سؤال ..
ليش اغلب الرجال يقطون المسؤوليه على الزوجه ..


مثال ..
الولد ياب شهادته و درجاته نازله ..
الريال : كلا منج انتي ما عرفتي تجابلينه .. بس فالحه تكتبين له جم كلمه و مو مهم فهم ولا لأ ..!!


انزين انت يالريال ليش ما تجابل عيالك و تدرسهم حالك حال امهم ..؟
ليش اهم عيالها اهي و مو عيالك انت ..؟


المفروض ان الزوج و الزوجه يتشاركون بالمسأله هذي ..
سواء تدريس اليهال ولا غيره ..


مثال ..
الولد تعبان و الحمدالله ودوه الطبيب و تشافى ..
بعد جم يوم رد تعب مره ثانيه ..
الريال : إي كلا منج انتي ما اهتميتي بصحته و ما باشرتيه اول بـ اول ..!!


انزين ليش مو انت تباشره ..؟
ليش بس اهي ..؟
يعني اوك اهي كـ ام تكون احن على عيالها من الأبو ..
و تخاف عليهم و تحرص عليهم وايد ..
لكن هالشي ما يمنع ان الريال يباشر عياله مثل ما المرأه تباشرهم ..
يعني ما يسير نقط حمل اليهال كلا ع المرأه ..
لأني مثل ما قلت اهم عيالك و عيالها ..
فـ المفروض انكم تشتركون بتربيتهم ..
و ما يكون الأهتمام من صوب واحد ..


طبعا كلامي مو عن كل الريايل ..
لكن الأغلبيه جذي ..


هذا بعض من اللي عندي ..
إذا حبيتو تضيفون شي ..
فـ ..
المايك لكم .. ​

 

[جاكليت]

صاجه حبيبتي الرياييل ما يتحملون مسئوليه مثل الحريم
والريال بالنسبه له انه يوفر الفلوس و الاحتياجات الاساسيه للبيت و الأم تتحمل المسئوليه مع ان المسئوليه لازم تكون مشتركه

 

[محتاجتك قربي]

هو اكثر الرجاجيل كذا بس حنا وش بيدنا نسوي

مانقول غير حسبي الله ونعم الوكيل


مفروض حتى هم يكفي حملهم بس يتعب مايحسون يتحملونهم شووووي

بس ياله لازم نرضى بالمكتوب


مشكوره حياتي

 

[عاشقه رويشد]

نورتو

 

[hello.kitty_85]

لووووووووووووووووووول

الله يستر من موضوعج بيشيش الحريم على رياييلهم لوووووووووووووول

بس انا برايي انه فيه اشياء يعني اهيا تكون فعلا مسؤولية الام يعني التدريس ومجابل اليهال اذا استمرضوا يعني اول وتالي هذي مسؤوليتها بس ماننكر انه فيه مسؤوليات لازم الريال يشارك فيها يعني تربية الصبي شوي اذا كبر مفروض تكون المسؤولية الكبيره بهالشي حق الريال لانه فيه امور لازم اهوا يعلمها حق الصبي مثل المسؤولية وعلشان بعد مايطلع دلوع لانه الام وايد اتدلع اوقات والصبي مايبيله تدلع ودايما الريال يفكر انه انا اللي اشتغل والام اللي تربي واغلب الرياييل اهني تربوا بهالطريقه من جذي اول شي يفكرون فيه انا ابي مره سنعه تعرف تربي عيالي

يعطيج العافيه على الموضوع

 

[miss abrar]

لهالسبب الجنه تحت اقدام الامهات لأنها احن واقدر على رعاية عيالها وتحمل نفسها فوق طاقتها علشانهم وعلشان مصلحتهم والريال ما عنده طولة البال اللي عند المره بس اعتقد ان كل زوجه لازم ما تعطي الريال الفرصه ان يتهرب من كل مسؤلياته مثلا لو مرضو العيال واهو ما عنده دوام العصر مثلا وما عنده شي مهم يعذره ان ما يوديهم لا تساعده على يتكل عليها بكل شي ويصير اهو ديكور بالبيت لآن نسبه كبيره من الرياييل ينطبق عليهم ابنك على ما تربيه وجوزك على ما تعوديه ... واغلب شبابنا كانو مدللين عند اهلهم فالله يعين كل وحده لأن اغلب رياييلنا يبلهم صبرهم علشان تعودينهم على تحمل المسؤليه ..... ويسلمو على الموضوع الحلو

 

[ام ناصر 2009]

لهالسبب الجنه تحت اقدام الامهات لأنها احن واقدر على رعاية عيالها وتحمل نفسها فوق طاقتها علشانهم وعلشان مصلحتهم والريال ما عنده طولة البال اللي عند المره بس اعتقد ان كل زوجه لازم ما تعطي الريال الفرصه ان يتهرب من كل مسؤلياته مثلا لو مرضو العيال واهو ما عنده دوام العصر مثلا وما عنده شي مهم يعذره ان ما يوديهم لا تساعده على يتكل عليها بكل شي ويصير اهو ديكور بالبيت لآن نسبه كبيره من الرياييل ينطبق عليهم ابنك على ما تربيه وجوزك على ما تعوديه ... واغلب شبابنا كانو مدللين عند اهلهم فالله يعين كل وحده لأن اغلب رياييلنا يبلهم صبرهم علشان تعودينهم على تحمل المسؤليه ..... ويسلمو على الموضوع الحلو

:ggdw:معاها بكل كلمه
تسلمين عالموضوع

 

[C'est La Vie]

شي راجع للفرق بالتربية بين البنت والولد
لأن من الصغر يتعلمون الصبيان ان مسئولية الريال ان يشتغل ويصرف على بيته
ما يعلمونهم ان يكونون عون لزوجاتهم بمسئوليات البيت والعيال
والبنت من صغرها يعلمونها انها بتكون مسئولة عن بيت وعيال
وليما تتزوج يحشون راسها بأنها تسمع كلام ريلها وتسويه يا دهينة لا تنكتين
حتى لو قط كل المسئوليات فوق راسها المفروض ما تشتكي

 

[أحلام ورديه]

صباح الخير حبيبتي

شوفي بالنسه حق هالموضوع الريال لازم يكون عنده صبر وحلم وشوي واعي بهالأمور

فإذا كان جذي راح يعين المره واذا كان غير هذا احسلها لا تطلب منه لانه راح يعقد اليهال

ومحد يعرف لهم غير امهم اللي جابتهم

ومع هذا لازم كل ريال يتعلم كيف يدير بيته بش من الحب والحنان

وهذا كله ترى يعطي الياهل نوع من الحب والإهتمام والحنان

وجذي يحس الياهل انه امه وابوه يحبونه ويهتمون فيه

فاذا صار له شي اول ما يكلم امه وابوه لأنهم الأقرب والدليل اهتمامهم واحتوائهم له

اشكرج حبيبتي على طرحج حق هالموضوع

اختج احلام ورديه

 

[ام دندوش]

صح كلام يا بنات لان مسؤوليته الابناء على الام بس لازم في اهتمام من الاب بعد ودعم وتشجيع بس؟؟!! لاسف في بعض الريايل ما عندهم هي شي بس الحمدالله ان الله عزوجل كرمنا على الاب في حديث معروف عن الرسول عليه الصلاه والسلام باختصار(امك ثم امك ثم امك ثم اباك)

 

[عاشقه رويشد]

منورين

 

[*أم*خالد*]

انا معاج
الريال بس مهمته يخليها تحمل تلقين حتى مواعيد الطبيب ما يوديها او مايروح معاها تروح مع امها او اختها
وبس ينتهي دوره

ووقت نفاسها يقول انا مهمل انا عندي احتياجات ويروح يغازل ويخربط ويمكن يتزوج مؤقت او زواج بنية الطلاق او يخون الخ كل واحد يطلعله عذر بمذهبه ويهبب بنفسه .. مايحس بهذي اللي شافت الموت وحياتها انقلبت فوق حدر عشان اتييب له ضنا يشيل اسمه !

مشكلتنا انه مجتمعنا كله جذي .. حتى تفكير الحريم جذي .. لااا هاو اهوا ريااااال شله بهالسوااااالف !!
مايعرف حق اليهال مايعرف يدرس مايعرف يربي .. مادري شنو يعرف ؟؟
حق الدوانيات والخراب يعرف عدل بس حق السنع ماكو

اهووو بس عطوني حبه المهدئ ترى اللحين افجر بالمنتدى

 

[kingq8q8]

والجمعيه وملابس العيد وملابس المدرسه وكسوة الصيف والشتا ومراجعات الطبيب

والمره ماكله تبن الله يعين خليها على الله

 

[alb7ranya17]

والله صاجه صاجه ويا صاجه ويا صاجه ما صدقتي صاجه

 

[نوفمبريه]

انا من رايي ان هالشي موجود بالخليج نادر ماتلقين اب يدرس ابنه ...والسبب ان الاب يرجع تافل العافيه واذا طلبت زوجته منه هالشي جاب له مدرس من ثاني ابتدائي ,,, والله شي محبط ...!!!

شووفو السواريه والمصاريه كيف يدرسون عيالهم وقت البكالوريا وقبلها بعد ....!!

الف شكر على الموضوع اللي احسه فضفضه اكثر ...

>>> ماجاءها عيال وراحت قالت لزوجها بعد موضوعك ابيك تتحمل مسؤليه عيالي وتدرسهم خخخخخ حسيت فوق راسه علامه تعجب هع

 

[عاشقه القيصر]

للرفع