تعاملي مع بنتي الداون بإختصااّر .:ّ:

[al7lwa` `]

شلونكم بنات
معاكم ام الحلوة اول مرة اشارك اللة ىعىنكم على البدليات


بنتى عمرها 5سنوات واهى من نوع الخفيف من الداون .. بالنسبه لنطق تفهمين كلامها لاني لما اكلمها اخليها تطالعني وجه لوجه .. واخليها تردد الكلمات الللي انا اقولها ...مره مرتين بعدين خلاص تفهم حتى لو تقولها بعدين مو لازم نفس اللحظهـ وأخلي اخوانها والاهل يكلمونها عادي مو مكسر او يستضعفونها ..وبالنسبه للأكل : احط اكلها بصحنها مع اخوانها او الاهل واقولها هذا اكلج واحطلها كميه مناسبه لها ..لانهم من النوع اللي يحبون الاكل ..وإذا خلصت صحنها ماأحطلها زيااده لانها لازم تفهم ان هذا كميه اكلها .. واهم شي تييبين لها اقلام شينيه عشان ماتعور عيونها وكراسات وخليها تمسك القلم بإيدينها وخليها ترسموتشخبط ولازم تركز وتحاولين معاها تسوي دائره ..بنتي اول وحده بالمركز سوت داائره ..صج انه طوولت شوي بس ان الامرر يستحق العنااء بالاخير هذي بنتي .. وكنت اخذ ربع ساعه بكل فتره من اليوم ادرسها الدائره ومايسير تاخذين من وقتها اكثر من ربع ساعه تدريس لانهاراح تمل ولازم تثنين عليها حتى لو ماسوت .. ولازم تخلينها تلعب بالطين عشان يقوي اصابيعها .. وبعد لازم تحبي على ايدينها وارجيلها عشان المفاصل تتقوا .. وخلوها دايما تسوق القاري واذا ركبت الدرج لاتنزلينها خليها تكمل وانتي وراها و انتو راكبه معاها الدرج علميها الارقام يعني كل ماصعدتي درجه قولي واحد والدرجه الثانيه قولي اثنين .إلخ...وعلميها ان كل شي له فتره محدده .. لان الداون عندهم كل شي ماله حد .. وعامليها كطفل طبيعي .. وخلي اللي حوولج نفس الشي ..


بس عندي سؤااال .؟!

غلا عيالكم الداون نفس غلا عيالكم العاديين ؟! منو اكثر !

بالنسبه لي غلاها مووووطبيييعي مع اني عندي قبلها واايد يهااال ..


اتمنا اني فدتكم ولو بالقليل .. اي سؤال انا حااضره​

 

[الصابرة المحتسبة]

هلا فيج يالحلوة والعين أوسع لج من المكان
وماشاءالله تبارك الرحمن عسى ربي يبلغج ببنيتج.
وإن شاءالله أمهات الداون يتفاعلون معاج.

 

[HearT ChocolaTe]

هلا فيج حبوبه واتمنى تكون بعد المشاركه الأولى فيه مشاركه ثانيه وثالثه ...:eh_s(6):
حياج الله بينا فديتج ويمكن بينا أمهات الداون قليل مو وايد .. لأن عددنا قليل ومختلفه الحالات
وبشارك بموضوعج .. أنا ولدي نقص أكسجين وقت الولادة أثر على العضلات الجسميه عنده
وغلااااته غير غير غير .. شي من الرب ما أقدر أتحكم فيه
مو معناته ما أغلي الباجي .. كلهم من بطن وااحد .. لكن حاجته لي يفرض غلااه بقلبي
عسى الله يحفظلج بنيتج ويقر عينج بشفاها

 

[شيخة الغيد]

الله ياجرج على اللي تسوينه لبنتج و يخليج لها
انا غلا حموده على قلبي مو طبيعي ما ارضى عليه بكلمه
ما ينام الا بحضني فديته

 

[مشاعل الشمري]

حياج الله بينا خواتج والله ياجرج على اللي تسوينه لها
والداون الله يخليهم فئه ماشاء الله وتبارك لرحمن شوفتهم تشرح صدري
طبيعي تكون اهي الغاليه بينهم او المفضله
انا يويو رروح ونبض قلبي في البيت

 

[ام ناييف]

هلى اختي الله يبارك لج ويخليها لج ان شاء الله

اكيد الغلا غير
على قولت امي
اغلي الصغير حتى يكبر
والمسافر حتى يرجع
والمريض حتى يشفى

حتى بالحلم كنت احلم بروحي الحين كل حلم هي معاي بالحلم موجوده
حتى عقلي الباطن يفكر فيها

والله لا يبين غلا احد فيهم اللهم امين

 

[al7lwa` `]

حبايبي مشكوووورين عل تفاعلكم

والله لا يحرمنا من احبابنا

 

[الصابرة المحتسبة]

رفع

 

[لولو-الصغيره]

اي والله صح كلامج صج غلاتهم غير وانا بعد عندي ولد داون عمره 9 اشهر والله اني احبه حب اول مره احس بهالشعور سبحان الله الله سبحان وتعالي يحط بقلبج حب لهم موطبيعي عسي ربي يخليهم وخلي بنيتج يارب اختج ام عبد الهادي