تعبآنه

[Z O Q A]

سلام عليكم

بدخل بالسالفه على طول .. وايد تعبانه مع اختي الي اصغر مني ب سنتين عمرها 14 سنه
لسانها طويل و ايدها اطول على اي شي بس بتراددني مادري انا اختها ولا عدوتها
ماكو سالفه معينه على اي كلمه ترد ب عشر و انا بعض المرات ارد عليها و بعض المرات اكبر عقلي و اسكت عنها بس المشكله تمد ايدها و انا ارد بعد و ما اخليها .. بس انا قلبي بسرعه يعورني و اوخر و ابجي .. و اهيه تستغل دموعي و تزييد
اختي العود دايخه وياها مره معاي و مره معاها ..
و امي وابوي اذا كلموها شوي و ترد مره ثانيه .. مادري اهيه طبيعيه ولا فيها شي انا تعبت ماقدر ..
شسوي ؟

 

[MISs SoMa]

يآقلبي تحمليهآ
هي بسن مرآهقه
ودآيمآ لمآ ترد عليكي آقلبي آلموضوع مزح وضحك
وآلله يهدي قلبهآ يآرب

 

[نعومه حدي]

ماعليه تحمليها هالسن وايد مؤذي انا اخوي نفس عمرها وهم طريقته متعبه وصعبه
اهي فترة وتعدي حاولي تكونين لينه معاها وتتقربين منها هذا احسن حل

 

[ام زهقانه]

اسكتي عنها طنشيها

 

[الحيا]

ادعليها بالهدايه الله يصلحها ياااارب

 

[رهــKSAــــف]

مراهقه طنشيهاااا بس ولاتردين عليهاااا لو رديتي تزود>>أسأألي مجرب انا اخوي عمره 14 كيذااا احيانا اسكت واحيانا ارد لان بصرااحه كلامه يرفع الضغط وابكي منه دااايم:eh_s(16):وصرت اطنشه
والله يهديهااا ويصلحهاااا​

 

[عشقك وطن]

سسسن مراهقه هم كذا قلق ههههههه


وسعي صدرك فديتك وحقريها

 

[ذوق بريستيجي]

حبيبتي هذا سن مراهقه يبغى يثبت شخصيته وكذا
تحملي وكبري عقلك وان شاء الله فتره وتعدي ..

 

[Nmnoum]

إهيا بفترة مراهقة ., محتاجة تتمرد علشان توصل الشي اللي تبي توصله انا اختي كانت جذي

 

[Miss McDonald]

• تقربي منهآ , لاتعاندينها , سآيسهآ .. كل شيء بالسياسة يمشي !

 

[ToLD yoU]

الله يعينج
ادعي الله يهديهآ
نفس الي عندي
اختي تهاوش مع كل البيت وربي صار فيني قلق بسبتهم !!
تعبت مادري انا حساسسه ولآ هم اهلي قلق !!!
دايم اوقف وياها بس هي صج ماتستاهل !!
اذا امي زفتها اوقف وياها واناقش امي بالاخير اخسر امي بسبتها واخسر اختي ثانيه بسبتها وهي تطلع ماتستاهل
الله يهديهم

 

[lovely jojo]

عادي حبيبتي الاغلبيه بالمراهقه جذي.. خصوصا ان مابينكم الا سنتين

 

[أعشقه]

ياشيخه نفس اختي وقسم بالله
عندي اخت والله ماتحشم احد وترد بوقاحه حتى قدام اي احد
انا وخواتي المتزوجات والله ماتحترم احد وهي تو عمرها 13
وحتى قبل من وهي اصغر من كذا مو متادبه
واحيانا ترفع صوتها ولسانها مع امي وقامت امي ماتكلمها ويوم عرف ابوي عصب وقال لمي كلميها ومسكها وكلمها
بس من ابوي الي تخااف واذا كلمها ماتقدر ترد تسكت احسها جنيه مهوب انسانه يارب لك الشكر
استغفر الله العظيم انا صرت اكرهه مرات اشفق عليها ومرات اقول قلعتها
كلنا نشتكي منها وتحب تتسمع الكلام واذا سكرنا علينا بمكان تجي وتتسمع علينا وتنقل كلامنا وترى عندي خوات اصغر منها نقول لها روحي جلسي يمهم احنا متزوجات لا تجين يمنا ولا كان نتكلم تلاحقنا من مكان لمكان
اذا تبي شي منا تصير مثل العسل وقت ماتنتهي يحاجتها ترجع ع ماهي عليه

 

[m7d fahmni]

نفس ما قالت اختي مس ماكدونلز كل شي بالسياسه
انا اختي عمرها ١٤ سنه والله يعين دايما اخذها بجديهـ لان اذا بتضحكين معاها بتزود
انا بقولج طريقتي مع اختي
اذا شفت منها شي غلط من عيوني تعرفني اخزها خرزز و اعلمها بعيني الي سوته غلط
و تقول لي ليش تخزين اقول لها حسني سلوكج
و بعدين اذا قامت تضحك وياج و جي ضحكي معاها و اخذي و عطيها و كملي الموده بينككم
و بعدين انتي فرضي رايج لا تخلينها تستغل بلسانها و لا بإدها يعني تمد ايهدها
على اغراضج من غير ما تستأذنج قولي لها بالسياسه هذا حقج و ان قالت لا قولي لها
عيل استأذني حبيبتي !؟ و انا ما راح ابخل علييج =)
والله وراح تعدل و تصير سنعه
و الحمدالله اختي تسنعت من يوم ما قمت اسوي وياها جي .....،.

 

[روانتي 12]

طنشششششششي مردهاا بتزهق و بتؤخر عنج

 

[*الغاليه*]

الله يعينج اختج بفترة مراهقه وتبي تفرض رايها وشخصيتها وعادي عندها تغلط وماتحترم احد

نصيحه ساايسيها وكوني لها اكثر من اخت ولاتستخدمين اسلوب العصبيه والهواش معاها ترى مايجيب اي نتيجه

والله يصلح حالها ويوفقها
​

 

[Z O Q A]

المشكله تقولي كلام يجرح تخليني مانام اللييل .. تقولي الله ياخذج , اكرهــج , تنامين ماتقومين انشالله
و وقت المصلحه والله تقولون مسكينه عمرها ماسوت شي .. مو صااحيه كلش

مشكوورين ماقصرتو حبايبيي .. الله يخفف عليكم مثل ماخففتو عني :d

 

[روانتي 12]

المشكله تقولي كلام يجرح تخليني مانام اللييل .. تقولي الله ياخذج , اكرهــج , تنامين ماتقومين انشالله
و وقت المصلحه والله تقولون مسكينه عمرها ماسوت شي .. مو صااحيه كلش

مشكوورين ماقصرتو حبايبيي .. الله يخفف عليكم مثل ماخففتو عني :d

من صجج انتي ... بسيطه ههههههههه قولي لها فيج ولا فيني ان شاء الله

دام ردهاا جذي

 

[مس روبنز]

حبيبتي خليج معاها على طول وحاولي تقربين منها

هذي فتره وتعدي بإذن الله

وإذا لا حظتي هالشي مستمر معاها فيمكن تكون غيرانه منج الغيره تسوي الهوايل
إنتي سايسيها وخلج طيبه معاها عالآخر بس بنفس الوقت خليج حذره بتعاملج معاها​

 

[أغلى أمنياته]

الله يهديها//
تحمليها اختج شتسوبن بعد/هاذي المراهقه وبعدين بتطخ​