تعباااااااانه والله

[بنوته 18]

بنات بليز ابي منكم حل :eh_s(2):
انا حامل بشهر الثامن بس حييييييل تعبانه احس اني ثقيله ومالي خلق احد حتى زوجي
وانا قاعده عن امي الحين وصايره كل يوم اتهاوش مع اخواني واهلي وحاسه بملل مو طبيعي لان صارلي شهرين وانا قاعده بالبيت مااطلع الدكتوره مانعتني من الحركه
وانا الحين حيل تعبانه وهذا البيبي الاول لي
بليز قولولي شسوي والله تعبااااااانه :eh_s(11)::eh_s(11)::eh_s(11):

 

[روحي أسامه]

حبيبتي عادي أنا بعد نفسج ثقيلة صايرة
ومالي خلق على أحد ونفسيتي حدى xxx
بس هذا شي عادي أنا الأسبوع الياي أدش السابع
وبعدين عادي حياتي لأنج بآخر الأشهر الله يعينج أنشالله
ويسهل عليج

 

[بنوته 18]

تسلمين ياقلبي
ويسهل عليج ان شالله

 

[روحي أسامه]

الله يسلمج حبيبتي وتولدين بالسلامه

 

[.،:"$الـعـوبــــة$":،.]

عادي ياقلبي كلنا كذا واردى ، ومعلومة ترى انا توني بالخامس !
بس والله العظيم اعرج ، لأن وروكي منفكه من الحمل ،
واذا نمت على ظهري ماعاد اقدر افر الا بالموووووووووووووت !
وطول الليل يارايحة الحمام تكرمين ! او الف من صوب لصوب لأن ووروكي تعورني اذا طولت عليها !
بس اهلك مالهم ذنب عاد ! خفي شوي ! يابخت من زار وخفف على قولتهم ،
ولو تبدين من الحين تشربين حليب وحلبة ، تقوي عظمك وترخي رحمك !
يكون احسن عشان اتسهل ولادتك انشالله ، والمشي من آخر الثامن ابدي بالمشي !​

 

[.،:"$الـعـوبــــة$":،.]

سوري تكرر

 

[أماني الورد]

الله يسهل عليج

هانت عيل شلون الجنة تحت اقدام الامهات

 

[ام بشبش]

الله يسهل عليج وتولدين بسلامه اقري قران وكثري من الاستغفار وادعي بكل صلاة يهون عليج وحاولي تلهين بأي شي ياعمري الاشهر الاخيره صج ملل وطويله وتعب بس كله بأجره ان شاءالله

 

[BiiShOoO]

الله يسهل عليج يارب و تولدين

 

[أحلى الألماس]

'كلنااااااااااااااااااااا جذي الله يعين بس ويهون علينااااا

 

[روان_الكويت]

كلنا شذي معاناة
وخفي عن اخلج اشوي الواحد ماله خلق لنفسه
سلي نفسج تابعي المسلسلات طلبي مطاعم شبكي
سولفي مع اهلج
انا اذا دخلت التاسع معاناة الليل ما انامه يصير فيني ارق
وكل يوم رايحه الطبيب ها مافيني ولاده ههههههههه

 

[^q8ia^]

مالج الا الصبر شتسوين بعد

نطرتي كل هالاشهر نطري بس شوي يلا هانت

وحاولي تسلين نفسج بشغلات انتي تحبينها

والله يسهل عليج

 

[فلافل وبطاط]

الله يسهل عليج يارب ... كلنا مرينا بهالشي خاصة اللي اول حمل ...

بس حاولي اتونسين نفسج ... لي قعدتي بروحج اقري قرآن لج وللبيبي ...

اقري قصص ... تابعي مسلسلات ..

طلعي تشري مع اهلج وتمشي ... بآخر اسبوع من الثامن مشيت .. لان قبلها كنت ممنوعه من المشي ...

حاولي اترفهين عن نفسج وتضبطين اعصابج ...

ونصيحه ردي بيتج عند ريلج لي صرتي معاه بتكونين أهدا من حوسة بيت الاهل ..

وعالتاسع تعالي عند أمج ..

لان انا حتى الزواره كنت اتضايق ماكنت اكمل يومي ... وكنت ادز مسج اقوله استأذن قول مواعدها بطلع معاها ...



واروح بيتي أنام ...

ارتاحي .. وراج التاسع اليوم فيه عن شهر ...

 

[أوركيدااا]

انا بالسادس واحس بثقل واخلاق تجاريه

اجل كيف لاصرت بالثامن والتاسع ؟؟؟؟؟؟؟؟؟؟

الله يهون علينا

 

[أم منصـ 85 ـور]

أنا جذي نفسيتي زفت كله منفسه ومالي خلق غير اني والله العظيم أعرج ووركي كلها مفججه وعندي عصب ملتهب يضرب برجلي كلها الله كريم وتوني بنص السادس الله يهون يارب ويآجرنا

 

[ملكه الحطب]

يوووووووووه الله يعينا والله

انا بالرابع ومالي خلق زوجي ودي اروح اقعد عند امي لانه مالي خلقه كلش

 

[^مرايم^]

الله يخفف عنج يالغاليه ..

عادي بآخر الأشهر النفسية تصير مو خوش ..

اهتمي بنفسج و استفيدي من وقتج عزمي رفيجاتج بنات خالاتج ..

راح تتغير النفسية شوي ..

و الله يعينج و يهون عليج ..

 

[المـاسة]

الله يعين وربي كلنا مثلج والعن منج بعد بس الواحد يقول الحمدلله وكثري الاستغفاار واشغلي نفسج


سبحاان الله كل الحوامل يحسووون نفس هالاحسااااس انا كلش ما اقدر اتحرك وفووق كل هذا الانيميا صارت تحت المعدل الطبيعي وراح يعطيني درباات ابر وقلت الحمدلله على كل حال والنفسيه تحت الصفر بس لازم نتصبر ونستغفر




بس لا تبينين لامج انج تعبانه حرام راح تشيل همج بزوود خصوصا وانتي بجر واهلج مالهم ذنب صح
صج انا نفسج بس اتماسك اعصاابي او اطلع من المكان اللي اهم قاعدين فيه


والله يهون عليج وعلينااااااااااا

 

[بنوته 18]

تسلمون حبيبات قلبي والله فديتكم ماقصرتو
الله هون ويعين كل حامل ان شالله