تعبانة ومهمومة ادعولي بالصبر

[احب الهدوء]

السلام عليكم بنات انا حامل باخر السادس وولدي قبل أسبوعين توفى عمرة 8 سنين والله يابنات حدي تعبانة نفسيتيي حيل تعبانة ومالي خلق اروح لبيتي قاعدة عند امي ما ابي اشوف وادخل البيت عقبة ادعولي بنات الله يصبري

 

[امـ خــزامـى]

احسن الله عزاكم وجعلها اخر الاحزان
الله يرحمه برحمته ويعوضكم ياكريم

الله يصبرك ويفتح على قلبك ويحفظك ويعوضك يارب العالمين

انتبهي لنفسك حبوبه ولاتنسين انت حامل

 

[مجنونه هواهـ]

الله يصبرج ويغمد روحه الينه شلون مات الله يرحمه

 

[ابدا يالغالي مانساك]

FONT="Comic Sans MS"]حبيبتي ربي يصبرج وخلج قويه وقولي الحمدلله وقولي اللهم أجرني في مصيبتي وخلفللي خيرا منها خيره ان شالله توفي بهالعمر بأجر يصيرلج طير من طيور الجنه بلا بكره يكبر وتكبر ذنوبه معه تعوذي من الشيطان لايوسوس لج اكثر وردي لبيتج توقفي بجنب زوجج محتاجج باكثر من اي وقت بأجر بتجيبي وتملي بيت صحيح بجرج غير لأكن هذا امر العباد بقولج سالفة خالتي يمكن تهون عليج سالفاتج عياله البجر الكبار اثنين اعمارهم بالعشرين وفوق قاعده تدور لهم للزواج وهم ياثثون بيتهم فيلا حتي الأثاث مختاره لهم من برا المهم اثنينهم توفوا بحاث سياره فاشفتي شلون انتي مصيبتج تهون عند غيرك ولله الحمد وماتنسمي مصيبه لانه قضا وقدر الله وهذا طريقنا وماشين فيه [/FONT]

 

[لعبير]

عظم الله اجرج حبيبتي أدري صعبه عليج وانا مجربه شعورج بس كل ماحسيتي نفسج موقادره تحملين استغفر وقولي اللهم اجرني في مصيبتي واخلفلي خيرا منها وردي بيت وقعدي مع ريلي شتسوين لازم تواسينه الله يصبركم​

 

[نساااايم]

عظم الله اجرك حبيبتي احتسبي الاجر من عند ربك وان شاء الله ربي يعوضك خير

 

[" ام حمود "]

عظم الله اجرج .. الله يصبر قلبج حبوبة

 

[أعشقه]

لاحول ولا قوة الا بالله
الله يرحمه ويغفر له .. ويجمع بوه في جنات النعيم ..
عورتي قلبي والله بس ياليت تقولين وش فيه يوم يتوفى .؟

 

[ام جي جي الحلوه]

عظم الله اجرج الله يصبرج ويعوضج

 

[english muffin]

عظم الله اجرج حبيبتي ويصبرج
لاتفكرين في السلبيات حبيبتي جوفي انتي حامل الله عوضج عن ولدج الي توفى
قل لن يصيبنا الا ماكتب الله لنا

 

[احب الهدوء]

أجرنا واجركم ما قصرتم ، موته جت فجأة مافيه شي بس ارتفعت حرارتة ومو راضية تنزل و طلع عندة سحايا وتوفى بسرعة يقولون مسيطرة علي مخة ،الله يعين كان شاطر الاول دائماً ذكي ما ياذي احد ،الله يصبرني،مع ان بالمستشفى فية جهال فيهم هالمرض بس تعافم الله يخليهم لأهلهم

 

[نور و نار]

انا لله وانا اليه راجعون
الله يصبر قلبج حبيبتي ويحسن عزائك ويلهمك الصبر والسلوان ... لله ما أخذ ولله ما أعطى ، أسأل الله العظيم أن يعوضك خيراً ويصبر قلبج

 

[شنوووفه]

واااااي بعد عمري عظم الله اجرج حبيبتي وربي يعوضج
انا لله وانا اليه راجعون

 

[&هند&]

حبيبتي الله يمسح على قلبج وخلي ايمانج بالله قوي جدتي ماتو لها ثنين من عيالها باعمار صغيره والحمدلله صبرت وربي عوضها بغيرهم بس تعوذي من ابليس وصلي لج ركعتين كل ما تذكرتيه ،،،،

 

[لذة الطاعة.]

الله يصبرج يااارب





و يعوضج خير و يجعل شفيع لج و لابوه يااارب


احتسلي الاجر و تذكري رحمت ربج و حكمته فانه توااافه صغييير ليكون شافع لج و لولدة


و رربج مت يبتلي عبده الا لانه يحبه و يبي يكفر عنه ذنوووبه



ادري انه صهبه عليييج فلذة كبدج مو هينه اسال الله ان يمسح على قلبج انتي و ابوه و مثل ما اخذه من عيونكم ياخذه من قلوبكم و رااح تمر الايااام ربج راح ينسيج


اخوان زوجي توفوه صغاار واحد قبل كم شهر وواحدقبلسنهن

تخيلي واحد عمره 15 و الثاني 17

و الحمد لله على كل حالل صبرت امهم و ربي عوضها و صبرزوجي على فراقكهم و ربي عوضه

قولي الحمدلله

 

[shjoonaa]

الله يصبرج ويعوضج خير

 

[احب الهدوء]

ادري ان الله بعوضني ان شاءالله بس صعبة ظناج يروح منج بغمضة عين وانا ايماني قوي مو اول واحد يموت مات اخوه بس صغير يوم مات ،بس الضيقة ذبحتني ضيقة الحمل وضيقة فراق نظر عيوني

 

[DoooOooody]

الله يصبرج انتي وابوه يااارب
ويجمعكم معاه بالفردوس الاعلى يااارب

 

[أم ريــــــم]

الله يرحمه ويعوض خير ويجعله شفيع لج ف الاخره
حبيبتي رجعي بيتج زوجج محتاج احد يواسيه ويوقف معاه ويحسسه ان الدنيا بخير
غيروا اثاثكم واصبغوا البيت وحاولي تخلينه يختلف اختلاف كلي عن قبل
وملابس ولدج تصدّقي فيها اكو اطفال بعمره الله يرحمه محتاجين
تواجري فيهم وعسى ربي يمسح على قلبج فديتج

 

[auoma]

عظم الله اجرج الله يصبرج الضنا غالي بس هذه أمانه من رب العالمين الله ياخذ ويرزق