تعبانه .. امانه تخلوا كلكم :(

[/كلي تعب/]

السلام





شلونكم بنات
انا ببدي بقصتي وابي حل بليز
انا عروس
وانا وبنت عمي ماخذين اخوان
وتعبت حيييييييييييل من نغزات الاهل
وان يفرقون بيننا انه هي بتطلع احلا والخ
وانا الحمدالله ماعلي قصور
لكن المشكله عندي اخت كبيره وهي اساسا حسبة امي
واصلا اسميها امي
حيل تهتم فيني بشكل فضيييع
من كثر اهتمامها انا زهقت مليت ابجي من هالشي
تيي من زواره فيها بنات تقعد تقارني فيهم تقول ابيج احلا منهم ،، سوي جذي وجذي ولاتحطين جذي الخ
ماهي مقتنعه ان كل ويه له مكياجه ولبسه والخ
تعبت نفسيا
احس اني تغيرت على رفيجاتي .. اهلي
صايره كله احب اقعد بالبيت
اكره الجمعات
صايره حسسسساسه لدرجه زياده عن اللزوم
اخذ موقع من اي احد واحط حد معاه
حتى اقرب الناس لي بنات عمي
حييييييييل ميانه معاهم صار موقف انه تتطنزا علي بشغله وادري ضحك
خذيت موقف منهم وماصرت احب قعدتهم
حيل اعترف تغيرت نفسيتي
مادري شفيني
خايفه من عرسي باجي عليه 3 شهور
خايفه من التجهيز اخاف من تعليقات البنات
واهلنا
مع انه والله عندي ثقه بنفسي حيل
لكن اختي تاثر فيني حييل
وودي افضفض اكثر
وياليت يابنات تفهوني وتنصحوني شسوي
مع هالحاله النفسيه الزفت حشاكم
انطر ردودكم

 

[Tom ♥ Jerry]

,




اب

 

[دلوعةمآمآ]

وعليكم السلام والرحمه

اولاً ألف مبروك ياعروسه الله يتمم لك على خير يارب ,

ثانياً انتي كاتبه في العنوان (امانه دخلوا) والأمانه شرك انتبهي حبيبتي

نرجع للموضوع احسك حييل متوتره وشايله هم الزواج من كِذا نقسيتك صايره زفت

خليك ِ واثقه من نفسك ,ومع الأهتمام بــ تطلعين قمر بعرسك يارب

بالنسبه لأختك اهي من حُبها لك ِ تبي تطلعين احلى وحده ,

بس اشوف هذا مو اهتمااام هذا تحكُم !!

فهميها ان كل وحده لها لبسها وستايلها مُختلف على الثاني مو شرط تكونين نسخه من احد

ولا تتعبين نفسك ولا تهتمين اللي يعجبك سويه هذي حياتك انتي وبس

الله يسعدك ياقممر ...

 

[كاريزما حلوة]

عروستنا الحلووة

اولا الف مبروووك والله يتمم لح على خير



ثانيا صدقييييني كل وحدة لها ستايلها وجمالها الخاص


في وحدة تلاقينها جمييلة وتعرف تلبس بس ماتعرف تتكلم فما تجذب الانتباه ووحدة ثانية مملوحة ومرتبة لكن لها ضحكة ساااحرة

والثالثة لا هذي ولا هذي بس قابلها الله


وانا في كل الحالات تجذبني البنت الواثقة من نفسها ورايها وطريقة كلامها

سبحان الله مافي احد مو حلووو في ناس تخلي نفسها حلووة وتسعى وفي ناس هي تشين نفسها لو كانت حلووة


وانا اتوقعج طيبة وحلووة ومتميزة

ونصيحة لبسج لحد يتحكم فيج شنو تلبسين وشنو ما تلبسين انتي صاحبة القرار



والله يوفقج

 

[مطرر]

هذا جزا اختج!! اقول روحي موتي يحصلج اخت جذي وبعدين السالفه بسيطه وبكلمتين اختي يحبيبتي ياتاج راسي ترا هالشغله تزعلني وهيك من هالكلام
اقول ماتسلفيني اختج

 

[Royof]

والله يا اختي المفروض تستانسين مو تزعلين عندج اخت تبيلج الزين بسس انتي يمكن نظامج ما تحبين احد يفرض عليج رايه .. انتي اذا شكثر متضايقه من

هالموضوع قوليلها حابه اجهز نفسي بنفسي و انتي امسكي كل شي ساعتها بتحسين باللي اختج تسويه لج . .!!

 

[أم حسوون]

السلام عليكم ، شكلج حساسة حيل ومبين أنج صغيره ، الأمر جداً عادي ما يستاهل انج تقاطعين الناس والزوارات وبعدين لأن عرسج قرب اشتغلت النفسيه وهذا طبيعي التفكير والمحاتاه وخصوصا أن في عروس ثانيه معاج وفي مجال للمقارنه ، بس بالعكس إذا هي بنت عمج خليج في حوار مستمر معاها وتنافس شريف على سوالف التجهيز وكل وحدة تساعد الثانيه باللي تعرفه من أرقام مشاغل وصالون ترا الدنيا حلوه، وبعدين لا تصير نظرتج سطحيه تهتمين أنت و أختج بالأمور الشكليه للزواج وبس لا ادعي لنفسج على طول بالتوفيق وثقفي نفسج قبل الزواج عن كيفيه التعامل مع الزوج وأهله وكيفية كسبهم وهذا الأهم والله يوفقج حبيبتي.

 

[*كنـدا*]

انتي ريحي بالك ولايهمك

جهزي اغراضك على ذوقك واتفقي انتي واختك ونظمو مع بعض

والله يوفقك ياعروستنا ويتمم على خيييير

 

[M!SS.LOBY]

ربي يسهل عليج

 

[MaKe-Up]

اعتقد أختج من النوع إللى تحب تقلد فلانه و علانه
علشان جذي ما تحبين طريقتهاا

قوليلها بكلام حلوو واسلوب حلوو انج تبين تجهزين
حسب اختياراتج و ذوقج و قوليلها مفاجأه علشان
ماتدخل بتجهيز و قولي ذوقي راح يعجبج بالمكياج
بس نطريني وشوفي

ويارب تقتنع والف مبروك

 

[قطرررريه]

مبين انج حساسه ومتخوفه من العرس عشان جذي تحاتين
واكيد اختج تحاتيج وتبي لج الزززيين
حمدي ربج على هالاخت
غيرج عندهم خوااات نفسيتهم ف خشومهم ويالله نفسهم
والله يوفقج

 

[ي حليليِ]

يب نفسي

انا امي مو اختي ، بس دايم تشوف البنات وتقول ليش م تصيرون نفسهم
بس دايم اخذها من باب النصيحةة !

لا حبيبتي مع زوجج غير ، العلاقةة راح تكون كلوز ، ماله دخل !!



لا توسوين عشان ما تهتز العلاقةة الزوجية باجر ،، موفقةة

 

[Mnawi 3ōŌōba]

ماعليج من احد وسوي الي انتي مقتنعه فيه ;* لانه بكل الحالات ماراح تسلمين من كلام الناس

 

[بنتmbc1]

مبروووك يا عروووسه

امج واختج كلهم يبون لج الافضل والاحسن
وهذي المقارنات تصير بكل بيت
انتي حساسه زياده عن اللزوم ولازم تخففين من توترج اللي قبل العرس لانج همن انتي شايله هم الكمال بالعرس وتبين تصيرين احسن من بنت عمج
بالعكس تساعدوا وكونوا خوات وسمعي كلام اختج وامج
ولا تبعدين عن الناس
واقري القران عشان ربي يشرح لج صدرج ودعي ربج يكتب لج اللي فيه الخير

موفقه

 

[Shinexo]

رضا الناس غايه لاتدرك

لو تفرشين لهم الارض ذهب وتوزعين عليهم الماس بينقدون عليج

اللي تمرين فيه حاله طبيعيه وايد كل عروس تبي تكون احلى عروس

ذوقج غير عن ذوق اختج امج اي حد

خلصي نفسج بنفسسج او خلي شخص واحد واثقه من ذوقه يساعدج

رفيجه يعجبج ذوقها اخت عمه خاله

اما عن اختج خذيها بنيه زينه مثل ما البنت بهرتها اكيد تبي الناس ينعجبون فيج

جربي بزواره مثلا قلدي وحده منهم ستايلها او مكياج اوو .. او حتى وانتي ف البيت

وروي اختج الملامح تفرق ترى يمكن تغير رايها وتوقف تقولج جي

الله يهنيج

 

[((البرنسيسا))]

الله يفرج عنج

 

[طيشن على جديه]

حيااتي يعني الحين اذا طلعت وحده احلى منج بتموتون ؟؟
لازم في وحده تصير احلى منج كل بنت ولها جمالها لا تخلين هذا تفكيرج وانج انتي لازم تصيرين احلى وحده ..


فكري شلون تكسبين زوجج واهله وبنت عمج حاولي تصيرين انتي الغاليه الطيبه الحبوبه ..
وحتى لو خواتج وامج قالوا سوي جذي وحطي جذي قولي ان شاءالله وسوي الشي بالعقل خلي اهتمامج بحياتج الزوجيين وشكلج المرتب ونظافتج واسلوبج وتعاملج ...

المحبه ماتجي على الكشخه والمكياج تجي على القلب والمعامله واللسان الحلو ..
بالتوفيق حبوبه ..​

 

[أحلى البشر]

لين متى هالسطحيه ترى الجمال مو كل شي ثقفي نفسج بفن التعامل مع الزوج تعلميلج جم طبخه
علمي اختج هالشي وخليها تخف عليج جد انا قريت تنرفزت فما بالج انتي العروس وطبيعي متوتره تبين من يهديج مو يزيدج
الله يهديها بس

 

[مطيريه ووبس]

الف الف مبروك كلووووووووش????وعسى يتمم بالخير بس انا اقولج ثقي بنفسج وثقي انج تطلعين احلى منهم بوووووين ويمكن تغطين عليهمم يمكن تغيرت نفسيتج عشان العرسس وتحاتين وتخافين لازم شي طبيعي وتوكلي على الله....

 

[رمادية الهوى]

الله يؤفقك ويسعدك